Jenesii̱s 50:5 - Xo̱jo̱n eén Néná

⁵ nga na̱ꞌmina ngije mejeén ma kꞌien, nga ngiboanéná tꞌín ji katsóna, nga ki̱a̱ konijín an kui nga̱tsjo̱ó xí je íjñanda kui, kui xi tikón nangi Kanaa̱n. Kó kuíni nga ꞌniú míꞌáa̱ nda̱ ree̱ nga tsja̱ndièna nga kjuínkánijín an na̱ꞌmina, kó ngije kamá, kji̱ndi̱bá ngiñá an kꞌi̱e̱e̱.

Jenesii̱s 50:5 Iomraidhean Croise

Jenesii̱s 3:19

»Tsie kjo̱a̱ni̱ma̱ ku̱i̱tja̱tí nga si̱ꞌinxé jí tsi̱ꞌe̱ nga sa̱ko̱ó ni xi xi̱ni̱ ji. Bo̱a̱ ka̱ma ngaskande ni̱xtjin nga ko̱yè jí, kó ka̱ma nginí ji chojo, ngatꞌa̱ chojoo̱ boá xi katjóbé nga kamánda ji. Ngatꞌa̱ ta̱ chojo tsí jí, ¡kó chojo ka̱ma nginí ji!»

Jenesii̱s 48:21

Jaskan Jakoo̱b, bi̱ katsoó Kosiee̱: —Jè ta̱ chiboa tsí ni̱xtjin chajana nga ko̱yà án, ta̱nga Néná kꞌuijñájo̱jnú, kó kuí boá xi kjo̱jo nginií nangii̱ na̱ꞌmindyiboáa.

Jenesii̱s 50:24

Jaskan ngije jaꞌa ni̱xtjin, Kosiee̱ bi̱ katsoó já ntsꞌi̱e̱: «Jè ta̱ chiboa tsí ni̱xtjin chajaa̱ nga ko̱yà an. Ta̱nga nga sꞌijinjnú nga Néná boá xi kji̱ndi̱bákasikójojnú, kó kuí boá xi ko̱e̱je̱jo nginíjnú nínga tikón kui tꞌanangi xi katsóyàtjón nga tsja̱á Abraa̱n, Isaa̱ ko̱jo Jakoo̱b. Kó jún chjiéngá ngiboanéná tꞌínjnú nga kjiꞌanga kjo̱chó ni̱xtjin kongínjo̱jnú ńdana kꞌi̱e̱e̱ ngije ko̱yà an».

Jenesii̱s 50:4

Ngije jaꞌa ni̱xtjin xa̱ꞌya̱a̱, Kosiee̱ bi̱ katsoó xota̱ xi síndo ndiꞌaa̱ nda̱ ree̱ nangi Ejipto̱: —Tsi ka̱ma ngo kjo̱a̱nda kuíꞌájnúꞌun, bo̱a̱ tꞌínchiíjnúu̱ nda̱ ree̱,

Jenesii̱s 50:6

Kó nda̱ ree̱ bi̱ tsó én xí katsangiyaa̱: —Tꞌen ji, kó tjanijín ji na̱ꞌmíi̱, xikótsꞌèn tsíꞌaá kui.

Joo̱b 30:23

kó jè be án nga kjiꞌa kjo̱chó ni̱xtjin ki̱a̱ kꞌuínje̱ní kjo̱a̱bo̱yaa̱, nínga tikón ngi̱ndie nínga ku̱i̱ndyionjne̱ ngatsjéni̱xtjin.

Xo̱jo̱n Salmoo̱ 79:3

Iskjitjón jiín xota̱ xi jesoón, xikó maá tsi ndáfoa ngayeje na̱xi̱ńdáꞌniú Jerusale̱n kó kui xota̱ xi je jesoón nde ngojín xi bónijín.

Eklesiastee̱ 12:5

Kjiꞌanga kjo̱chó ni̱xtjin nga ko̱ndaki̱n nínga nkꞌaa̱, ko̱jo ko̱ndaki̱n jí ndi̱yà nínga tiꞌmi, kó kjiꞌá boá nga kjo̱tjoo̱ naxó yá almendraa̱, kó chjo̱bo̱a̱a̱ sa̱ꞌínniꞌiin, kó ngiti̱ bojójín ka̱maa̱, ngatꞌa̱ xotaa̱ je ko̱e̱je̱ ngi̱ndie nínga tikón kjo̱a̱mindyion ngatsjéni̱xtjin, kó ngi̱ya ndi̱yàtieé kꞌuimá xi skja̱ndátjé kjo̱a̱a̱ nga je jesón.

Eklesiastee̱ 12:7

Ngindiee̱ nga chojo ka̱má nginí ji, xikoó ngasꞌe̱, kó a̱si̱énni̱xtjìi̱n Néná skjíbé nginí, ngatꞌa̱ kuí boá xi katsjá.

Eklesiastee̱ 6:3

Tjínrá xota̱ xi ka̱ma kꞌuieé úchán ndí, kó ka̱mara̱ kjín nó kꞌuijñá nga̱sondie, ta̱nga ndatsi kjín nó kꞌuijñá, tsi katsjájiín kjo̱a̱tsja ini̱ma̱a̱ kjo̱a̱a̱ ni xi kisꞌiee̱, kó tsi nde kamájín akjanijín, bi̱ xian an, nga ta̱sara̱ nda ngase ngo ndí xí katsenxtió, ta̱bo̱a̱jiín kui xota̱ xi̱ꞌba̱.

Matioo̱ 27:60

sꞌe̱ íjñá yojo kꞌiee̱n Kjisoo̱ ngo ngi̱ya nga̱tsjo̱ó tja̱tsi̱e̱, xi kamánda tꞌa ngo ndi̱jo̱je, sꞌe̱ katsꞌéngátíkjayá ngo ndi̱jo̱je xi íchjáni nga̱ntjo̱a̱a̱ kui nga̱tsjo̱ó, sꞌe̱ kijí kui nda̱a̱.

Ndeuteronomio̱ 4:22

Ta̱sá kꞌi̱e̱ ko̱yà án xtji̱e̱e̱n kui ngándaá ndejeèꞌ. »Jún boá xi ku̱i̱tjásꞌi̱e̱njnú, kó si̱ꞌánjnúu̱ nga ku̱i̱xkánjnú nga ko̱ti̱xomájnú kui tꞌanangii̱.