Jenesii̱s 50:15 - Xo̱jo̱n eén Néná

¹⁵ Kó já ntsꞌi̱e̱ Kosiee̱ ngije jaꞌa nga kꞌien na̱ꞌmii̱, bi̱ tsꞌén katsꞌénkjó: «Mí xí si̱ꞌán tsi Kosiee̱ ta̱kó tjítsꞌénxchánjo̱ná kó tsi ka̱mamejeén sa̱ꞌíngojo kjo̱a̱a̱ ni xi kiniꞌánjo̱.»

Jenesii̱s 50:15 Iomraidhean Croise

Jenesii̱s 37:18

Nga kamábe já ntsꞌi̱e̱ nga ta̱ kjin tsꞌéndibá Kosiee̱, ngindiee̱ nga kjo̱chó tiña ngase, índajo̱ xkjín nga sa̱ꞌínkꞌién.

Jenesii̱s 37:28

kó nga jaꞌa ki̱a̱a̱ kui já xí botiñá nii̱, já ntsꞌi̱e̱ Kosiee̱ tsꞌaxié kui ti̱xa̱ ndáńchꞌií, kó xota̱ tji̱e̱e̱ Ismaee̱l atíñaá, kan to̱ntiboa katseꞌeé. Kó tsangínjo̱ Kosiee̱ nangi Ejipto̱.

Jenesii̱s 42:17

Kósꞌe̱ Kosiee̱ ján ni̱xtjin índo kui jaá ndo̱bo̱a̱yà.

Jenesii̱s 50:14

Ngije akjanijín Jakoo̱b, Kosiee̱ ko̱jo já ntsꞌi̱e̱ ko̱jo xota̱ xi nijan kijíkanijínjo̱ na̱ꞌmii̱, kijí nginí nangi Ejipto̱.

Jenesii̱s 50:16

Kósꞌe̱ bi̱ tsó én xí katsangiyaa̱ Kosiee̱: «Ji Kosie̱, ngindiee̱ nga ko̱yà na̱ꞌminá, bi̱ tsó én xí íjñá, nga chjién xò nga si̱ꞌinjetakínjne̱ kjo̱a̱a̱ ni xi ndajínkjiꞌi xi kiniꞌánjo̱jne̱ ji. Kjénní nga ta̱nisién ndajínkjiꞌi ni xi kiniꞌánjo̱jne̱ ji, ta̱nga ꞌniú chjiáꞌájne̱ ji nga si̱ꞌinjetakínjne̱». Nga tsintꞌié kuí eén Kosiee̱ achichí askjandá.

Xo̱jo̱n Salmoo̱ 14:5

Ki̱a̱ boá nínga kjo̱tsièndíkón májnú, ngatꞌa̱ Néná kjo̱a̱ndaa̱ xota̱ xi kixi̱i̱ boá xi tikón.

Xo̱jo̱n Salmoo̱ 53:5

achichí katsakjónní ki̱a̱ nínga jmí nijín xi ka̱ma ko̱nda̱konní, ngatꞌa̱ Néná atítsojoboa ńdaa̱ xota̱ xi kjo̱a̱xchán sa̱ꞌínjoo̱ ji. ¡Jí boá xi katseꞌée̱ kjo̱a̱soboá ngatꞌa̱ Néná boá xi katsꞌénchꞌó!

Énkjínkón 28:1

Xota̱ xi ꞌniú ndajiín, monga ndatsi jmí tsi tjimíyotji̱ngii̱, ta̱nga xota̱ xi kixi̱i̱ maꞌniátakón nga xió ꞌbíjñá, xikó maá ngo xandi̱je̱.

Lebitiko̱ 26:36

Kó kui xi kꞌuíndo ngasee̱, achichí ꞌniú kuindyiandikóo̱n ki̱a̱ nangii̱ kondraa̱ nínga síndo. Kó nga ku̱i̱ntꞌie̱é nga kꞌo̱ka ngo xka̱a̱ ngo yá, ko̱ngandikón xikótsꞌèn monga ngo xi ki̱cha̱ndojó tjimíyotji̱nginii̱, ¡ku̱i̱xo̱ kui xotaa̱ ndatsi jmíjín xi ndyi̱mongatji̱ngii̱!

Xota̱ Roma̱ 2:15

Kó bokó nga ngi̱jin ini̱ma̱a̱ tjítꞌa ni xi bokoyá kjo̱a̱kitii̱. Ngatꞌa̱ kjiꞌanga tsꞌénkjó ngo ni, jè be tsi nda ko̱jo tsi ndajínkjiꞌi kui nii̱. Kó kjo̱a̱kjíntakoón tsáyaà tsi nda ko̱jo tsi ndajínkjiꞌi ni xi ndyi̱tsꞌèn.