Jenesii̱s 5:3 - Xo̱jo̱n eén Néná

^3-4 Andaa̱n kisꞌiee̱ ngo ndí xí xikó má kjiꞌi ko̱jo xikó má tsꞌén tjíjii̱n kui, bo̱a̱ má kisꞌie, kó See̱t ítꞌajaꞌén. Kó kisꞌie ngasee̱ ndí xí xi̱ꞌin ko̱jo ndí xí ínchjín. Úchán ko̱jo kantié noó Andaa̱n nga katsen See̱t, kó ngi jin úchán nó kisꞌijña nga̱sondie.

Jenesii̱s 5:3 Iomraidhean Croise

Jenesii̱s 4:25

Kó ti̱ kisꞌiejo̱ nginí chjo̱ón Andaa̱n, kó kisꞌiee̱ ingo ndí xíꞌín, kó See̱t ítꞌajaꞌén, kó na̱ Ebaa̱ bi̱ katsó: «Néná katsjána ingo ndí xí tikón ngajoo̱ Abee̱, kui xi katsꞌénkꞌién Kaii̱n.»

Joo̱b 14:4

ꞌYá xí ka̱maa̱ sa̱ꞌíntsjie ni xi ndándií. Ta̱ꞌyajínni.

Joo̱b 25:4

¡Ngindyi̱ko̱n Néná nde ngojín xi ka̱maa̱ ko̱kó nga jmíjéjiín! Nde ngojín xota̱ nga̱sondiee̱ xi tsjie.

Xo̱jo̱n Salmoo̱ 51:5

Ja̱koxi̱ boá nga ngi̱jii̱n ni xi ndajiín nga kamánda an, ko̱jo nga jè tjínna jé nga nga yeꞌéna na̱anna.

Rkaa̱ 1:35

Kó ndítsjiee̱, bi̱ katsoó: —A̱si̱énni̱xtjii̱n Néná kji̱ndi̱bánieé ji, kó ngaꞌniuú Néná xí tikón ndiꞌakꞌajmi jàn ko̱óꞌmánii̱ tji̱nkꞌi̱e̱én, kuíni nga kui ndí xí stse̱én jí, ndií Néná kꞌuiín.

Rkaa̱ 3:36

kó Salaa̱, ndií Kainaa̱n, kó Kainaa̱n, ndií Arfajaa̱nd, kó Arfajaa̱nd, ndií See̱n, kó See̱n, ndií Noee̱, kó Noee̱, ndií Lamee̱k,

Juaa̱ 3:6

Tsi ngo xota̱ xi yojo nga katsen, yojo boá, kó tsi xi ngatꞌaa̱ nga A̱siénni̱xtjin Néná stse̱nní, a̱siénni̱xtjin boá.

Xota̱ Roma̱ 5:12

Kó kuíni nga, xikoó nga jeé jeꞌe kui nga̱sondiee̱ kjo̱a̱a̱ ni xi katsꞌén Andaa̱n, kó nga jeé jeꞌejo̱ kjo̱a̱bo̱yaa̱, kuíni nga kjo̱a̱bo̱yaa̱ kasakoo̱ ngayeje xotaa̱, ngatꞌa̱ ngayejee̱ nga katsꞌénjé.

1 Xota̱ Korinto̱ 15:39

Jmí tsi ngayeje yojoo̱ xi ti̱ bo̱a̱ ti̱ konni. Kje̱ꞌe kón yojoo̱ xotaa̱, kje̱ꞌe kón yojoo̱ cho̱o̱, kje̱ꞌe kón yojoo̱ ni̱siee̱, kó kje̱ꞌe kón yojoo̱ cho̱ xi tjín ngi̱jin ndáfoaa̱.

1 Xota̱ Korinto̱ 15:49

Kó xikótsꞌèn nga bo̱a̱ kón ñá, xikoó nda̱ xi ńdie kamándanii̱, ti̱ bo̱a̱ ti̱ tsꞌén bo̱a̱ kón ka̱ma ñá xikó kjiꞌi nda̱ xi kjindibáni ndiꞌakꞌajmi jàn.

Xota̱ Éfeso̱ 2:3

Ti̱ bo̱a̱ ti̱ tsꞌén kixindyión ngayeje ñá kje̱ꞌe ni̱xtjin, nga ki̱a̱ tsangíntji̱ngíi̱, ko̱jo nga kiniꞌánkjatjosóo̱n kui ni xi kamámejeén yojoná, ko̱jo ni xi kiniꞌánkjó. Kuíni nga Néná kamá atíjéná, xikoó xota̱ xi ngasee̱.