Jenesii̱s 49:9 - Xo̱jo̱n eén Néná

⁹ Jí boá xi xikoó ngo xandi̱je̱ tamá, xi ngije katsꞌeén nga iskjinie cho̱ xi kasakoo̱ kósꞌe̱ fojña tꞌanangii̱, kó ꞌyá xí ka̱maa̱ sa̱ꞌínxtií ji.

Jenesii̱s 49:9 Iomraidhean Croise

Xki̱ 23:24

»Xikónií tsi ngo xtín xandi̱je̱, xi je mejeén sa̱ꞌínkꞌién cho̱ xi skji̱ni̱e̱. Xota̱ na̱xi̱ńdá Israee̱l sa̱ꞌínkjaꞌyájín ngaskande nga sa̱ꞌiín nga skjánjo̱ xota̱ kondraa̱».

Xki̱ 24:9

»Xikó maá ngo xandi̱je̱ xi tsꞌénkjaꞌyá ngije katsꞌénꞌoón ngo cho̱. Bo̱a̱ má kónjnú jún xota̱ Israee̱l. ¡Ngojín xi ka̱maa̱ sa̱ꞌínxtíjnú! Kui xota̱ xi nda sa̱ꞌínjo̱jnú, nda ka̱mataꞌin kui. Ta̱nga xi ndajín sa̱ꞌínjo̱jnú, ti̱ ndajín ka̱mataꞌin nga».

1 Xota̱ Korinto̱ 15:24

Kósꞌe̱ kjo̱tjosón ni xi ka̱ma kui nga̱sondiee̱, Kristoo̱ tjón sa̱ꞌínkjié ngayeje xi botixómá, ko̱jo xi tjiín xá, ko̱jo xi tjiín ngaꞌniú, sꞌe̱ jaskan sa̱ꞌínkꞌasꞌien nínga botíxoma ngi̱ya tsja Néná xí Na̱ꞌmii̱.

Ndeuteronomio̱ 33:20

Sꞌe̱ bi̱ katsoó xota̱ tji̱e̱e̱ Ngaa̱nd: «¡Ngatamachikonñé Néná, kui xi achichí tsie tꞌanangi katsjájnú! ¡Jún boá xi xikoó ngo xandi̱je̱ xi je tikónnda nga sa̱ꞌínꞌoón xi je kasakoo̱! Jún boá xi kachjábéjnú tꞌanangi xi nda ngasee̱ ngatꞌa̱ kandaꞌyáꞌénjnúu̱ Néná kjo̱a̱a̱ ngayeje nii̱, kó ko̱jo kjo̱a̱a̱ nga kixi̱ kamájnú kjiꞌanga chjiéngá bo̱a̱ kiniꞌánjnú».

Ni xi akakoo̱ 5:5

Ta̱nga ngo kui xota̱ xi xchaá xi bi̱ katsóna: –Ngiti̱ cheꞌéjín ngase, ngatꞌa̱ jè katsꞌén xi kꞌuijñásón nínga botixómá Ndabii̱, kui xi ꞌmií xandi̱je̱ xi chji̱a̱ni Jundáa̱, ta̱kuítsí tjiín xá nga ka̱maa̱ skjíndókjáyá ko̱jo nga ka̱maa̱ skjíndiyá nga yito seyoo̱ kui chꞌo̱ xo̱jo̱o̱n.