Jenesii̱s 49:8 - Xo̱jo̱n eén Néná

⁸ »Kó jí Jundáa̱, jí boá xi si̱ꞌìi̱n kondra̱ tse̱, kó ntsꞌie ji sku̱i̱e̱ ndikoón, kó ngaskande ku̱i̱ndyiańña má ngindyikin ji.

Jenesii̱s 49:8 Iomraidhean Croise

Jenesii̱s 27:29

¡Ngayeje xota̱ na̱xi̱ńdá xí ngatamabendikoón! ¡Ngayeje xota̱ xingi̱ ji ngatamabendikoón nga, kó ngatamabe nga ji xi ngito̱ko̱ ji! ¡Ngatꞌíko̱jonii̱ xota̱ xi chꞌo ka̱tso̱o̱! ¡Kó ngatamachikonñé xi sa̱ꞌínchikonñeé ji!»

Jenesii̱s 29:35

Jaskan ti̱ tsaꞌa nginí ingo ndí na̱ Liyaa̱, kó nga katsen kui ndií, bi̱ katsó: «Ngotꞌe̱ ꞌné nga sa̱ꞌintsjáa̱ Néná». Kuíni nga kui ndií Jundáa̱ ítꞌajaꞌén, ngatꞌa̱ kui jaꞌeén «Nga kiniꞌántsjá» tsó. Kósꞌe̱ ngiti̱ kisꞌiejiín ngase ndí.

Jenesii̱s 42:6

Nga jachó já ntsꞌi̱e̱ Kosiee̱ ki̱a̱ nangi Ejipto̱, kixindyiańña ngaskande nga kisitꞌaa̱ kje̱n tꞌanangii̱ nga kamábendikón Kosiee̱, ngatꞌa̱ kuí boá xi xtitjoón kui na̱xi̱ńdaá, kó kuí boá xi atíñaá to ndso̱ko̱a̱n ṉño̱pan ngayeje na̱xi̱ńdá xí tjín nga̱sondiee̱.

Xo̱jo̱n Salmoo̱ 76:1

Néná ya ki̱a̱ nangi Jundáa̱, kó ki̱a̱ na̱xi̱ńdá Israee̱l ꞌniú yandikón jaꞌeén.

Xki̱ 10:14

Xtín xota̱ Israee̱l nga tsajátjoón já ngito̱ko̱o̱, bi̱ tsꞌén kisꞌińdonda nga kijí: Xota̱ tji̱e̱e̱ Jundáa̱, ko̱jo Naasoo̱n kui xi ngito̱ko̱o̱, Xota̱ tji̱e̱e̱ Isakaa̱r, ko̱jo Natanaee̱l kui xi ngito̱ko̱o̱, Xota̱ tji̱e̱e̱ Sabuloo̱n, ko̱jo Eliaa̱b kui xi ngito̱ko̱o̱, Xota̱ tji̱e̱e̱ Rubee̱n, ko̱jo Elisuu̱r kui xi ngito̱ko̱o̱, Xota̱ tji̱e̱e̱ Simeoo̱n, ko̱jo Selumiee̱l kui xi ngito̱ko̱o̱, Xota̱ tji̱e̱e̱ Ngaa̱nd, ko̱jo Eliasaa̱f kui xi ngito̱ko̱o̱, Xota̱ tji̱e̱e̱ Efraii̱n, ko̱jo Elisamaa̱ kui xi ngito̱ko̱o̱, Xota̱ tji̱e̱e̱ Manasee̱, ko̱jo Ngamaliee̱l kui xi ngito̱ko̱o̱, Xota̱ tji̱e̱e̱ Benjaa̱, ko̱jo Ngindonii̱ kui xi ngito̱ko̱o̱, Xota̱ tji̱e̱e̱ Ndaa̱n, ko̱jo Ayiesee̱r kui xi ngito̱ko̱o̱, Xota̱ tji̱e̱e̱ Asee̱r, ko̱jo Pangiee̱l kui xi ngito̱ko̱o̱, Xota̱ tji̱e̱e̱ Neftalii̱, ko̱jo Ayiraa̱ kui xi ngito̱ko̱o̱. Ngi̱jii̱n xota̱ tji̱e̱e̱ Sabuloo̱n ko̱jo Rubee̱n kijíjin xota̱ tji̱e̱e̱ Ngersoo̱n ko̱jo Merarii̱. Kuí boá kui jaá xi tjínieé nga kꞌo̱xiékjo ndiꞌandikoón ko̱jo xi tsankꞌá nga kijíjo̱, ngatꞌa̱ ta̱kuítsí xi kamá katsꞌén kui xaá. Ngi̱jii̱n xota̱ tji̱e̱e̱ Ngaa̱nd ko̱jo Efraii̱n kijíjin xota̱ tji̱e̱e̱ Koaa̱t. Kuí boá kui jaá xi tsaꞌa ngayeje ni xi kamáchjién ngi̱yaa̱ ndiꞌandikoón. Kó nga ngaskande nga̱xto̱n jàn kjindibáni kui jaá, ngije jachó ki̱a̱ ngi̱ndie nínga sa̱ꞌínkjaꞌyaá, jè kachjaninkꞌa nginí ndiꞌandikoón nga jachó.

Xki̱ 26:22

Ichítié ko̱jo kan jun mi̱ masien jáxíꞌín kamá ngayeje xi chji̱a̱ni xtín xota̱ ndiꞌaa̱ Jundáa̱.

Ndeuteronomio̱ 33:7

Sꞌe̱ bi̱ katsoó xota̱ tji̱e̱e̱ Jundáa̱: «Néná ku̱i̱ntꞌièjnú nga ko̱ndókjo̱a̱jnúu̱, kó kuí boá xi sa̱ꞌín nga si̱ꞌánjnúu̱ kondra̱jnú, kó tsja̱ndiè nga ka̱matikójo̱jnú xota̱ tji̱e̱ xi ngasee̱ xota̱ Israee̱l».

Xota̱ Ebreo̱ 10:13

Ki̱a̱ tsꞌénkoya ngaskande nga Néná ku̱i̱ꞌíndo ngindie se Kristoo̱ xota̱ xi kondra̱ síndonii̱.

Xota̱ Ebreo̱ 7:14

Ngatꞌa̱ je ya cha̱n cha̱n nga Ndi̱a̱ná Jesukristoo̱, ki̱a̱ kjindibáni xota̱ tji̱e̱e̱ Jundáa̱, kó Moisee̱ jmí ni katsójín nga kui xota̱ tji̱e̱e̱ ki̱a̱ kjo̱tjojinni chináꞌmi.

Ni xi akakoo̱ 11:15

Kó xi ma yito ndítsjiee̱ katsꞌénkjanie, sꞌe̱ ꞌniú kandaꞌyá kjín nda̱ ki̱a̱ ndiꞌakꞌajmii̱ xi bi̱ katsó: Ngayeje nga̱sondiee̱ je Ndi̱a̱ná ko̱jo Kristoo̱ ko̱tíxomaa̱, kó kuí xí ko̱tíxoma ngatsjéni̱xtjii̱n.

Ni xi akakoo̱ 5:5

Ta̱nga ngo kui xota̱ xi xchaá xi bi̱ katsóna: –Ngiti̱ cheꞌéjín ngase, ngatꞌa̱ jè katsꞌén xi kꞌuijñásón nínga botixómá Ndabii̱, kui xi ꞌmií xandi̱je̱ xi chji̱a̱ni Jundáa̱, ta̱kuítsí tjiín xá nga ka̱maa̱ skjíndókjáyá ko̱jo nga ka̱maa̱ skjíndiyá nga yito seyoo̱ kui chꞌo̱ xo̱jo̱o̱n.