Jenesii̱s 49:4 - Xo̱jo̱n eén Néná

⁴ Ta̱nga ji ꞌniú ndajínkjiꞌi ni xi kiniꞌínje̱ní, ngatꞌa̱ katsjajnije̱ ji ngo chjo̱onna. Kuíni nga ngiti̱ jijín xi tjón ka̱ma ji, ngatꞌa̱ ji xikónií ndáchíkoón, nga májín foxioó.

Jenesii̱s 49:4 Iomraidhean Croise

Jenesii̱s 35:22

Tji̱e̱nga kisꞌijña Jakoo̱b kui ngi̱ndiee̱, ndií kui xi ꞌmí Rubee̱n kisꞌiejo̱ na̱ Bilaa̱, kui xi chjo̱on mánii̱ Jakoo̱b, kó tsintꞌié kuí nii̱ Jakoo̱b. Tiejó kamá ndií Jakoo̱b.

Jenesii̱s 46:8

Kuí bí xi̱ꞌbi̱ jaꞌeén xota̱ ndiꞌaa̱ Jakoo̱b xi nijan kijíjo̱ Ejipto̱, tjón má kꞌi̱e̱ koaꞌañáa̱ kui xi kamá xota̱ tji̱e̱e̱ Jakoo̱b ko̱jo na̱ Liyaa̱. Rubee̱n, kuí boá xi ndí tjoón Jakoo̱b, kó kuí bí xi̱ꞌbi̱ xi ndií Rubee̱n: Anoo̱k, Faluu̱, Esroo̱n, ko̱jo Karmii̱. Kuí bí xi̱ꞌbi̱ xi ndií Simeoo̱n: Jemuee̱l, Jamii̱n, Oaa̱d, Jakii̱n, Soaa̱r, ko̱jo Sauu̱l kui xi ndií ngo xota̱chjo̱on xi chji̱a̱ni nangi Kanaa̱n. Kuí bí xi̱ꞌbi̱ xi ndií Lebii̱: Ngersoo̱n, Koaa̱t, ko̱jo Merarii̱. Kuí bí xi̱ꞌbi̱ xi ndií Jundáa̱: Ee̱r, Onaa̱n, Selaa̱, Faree̱, ko̱jo Seraa̱. Ta̱nga Ee̱r ko̱jo Onaa̱n ki̱a̱ jesón nangi Kanaa̱n. Kuí bí xi̱ꞌbi̱ xi ndií Faree̱: Esroo̱n, ko̱jo Amuu̱l. Kuí bí xi̱ꞌbi̱ xi ndií Isakaa̱r: Tolaa̱, Pubaa̱, Joo̱b, ko̱jo Simroo̱n. Kuí bí xi̱ꞌbi̱ xi ndií Sabuloo̱n: Seree̱nd, Eloo̱n, ko̱jo Jalee̱l.

1 Xota̱ Korinto̱ 5:1

Ja̱koxi̱ nga ta̱jñàní ndaꞌyá nga tjín kjo̱a̱tondo̱ ngi̱jinjnú, ngatꞌa̱ ngo nda̱ tikónjinjnú xi na̱anjoón tikónjo̱. ¡Ngaskande xota̱ xi bejín Néná tsꞌénjín kui nii̱!

Ndeuteronomio̱ 33:6

Sꞌe̱ jaskan, Moisee̱ bi̱ katsoó xota̱ tji̱e̱e̱ Rubee̱n: «Jún boá ngo xtín xota̱ tji̱e̱ xi chiboa ma, ta̱nga ngatsjéni̱xtjin nga ku̱i̱ndyionjnú».

Ndeuteronomio̱ 5:21

ti̱nde ngata̱ niꞌánmejénjínjnú ni xi tjiín kje̱ꞌe xota̱, tsi chjo̱ón, tsi mosoo̱ xi xi̱ꞌin, tsi mosoo̱ xi chjo̱on, tsi cho̱yojo xi tsꞌénxaá, tsi bórróo̱, ko̱jo tsi ta̱jmì niní xi tjiín.

2 Xo̱jo̱o̱n Peé 2:14

Nde májín nda be ngo na̱, nga ja̱ kamá tsꞌénkjó nga sa̱ꞌíntsjajo̱, jmíni̱xtjin fenda nga ndyi̱tsꞌèn jé, ꞌboṉcha̱jo xota̱ xi kji̱e̱ ꞌniújín ndyi̱a̱, achichí kjo̱a̱xkéto̱n tjíjin ini̱ma̱a̱, xota̱ xi ꞌniú ndajín boá ngindyi̱ko̱n Néná.

2 Xo̱jo̱o̱n Peé 3:16

Nga ngo nga ngo xo̱jo̱n xi katsangiya Pabloo̱ katsóyàjnú kjo̱a̱a̱ kui nii̱, ndatsi tjín nii̱ xi niꞌin makjínná. Kuíni nga xota̱ xi ndajín makjiín ko̱jo xi ꞌniújín síndojin kjo̱a̱sꞌijii̱n kje̱ꞌe tsꞌén ꞌbijñaá ni xi je tjítꞌa kui xo̱jo̱n. Bo̱a̱ ti̱ tsꞌeén ni xi ngase xi kjitꞌa xo̱jo̱n eén Néná nga, kó bo̱a̱ tsꞌén nga ti̱ kuii̱ ndyi̱tsꞌènkjí yojoo̱ nínga xcha̱ja.