Jenesii̱s 49:29 - Xo̱jo̱n eén Néná

^29-31 Ngije katsꞌénchikonñé ndií Jakoo̱b, bi̱ tsꞌén atíxomaa̱: «Jè ta̱ chiboa tsí chajana nga ko̱yà an, kó mejénna nga ngo kjo̱a̱nda kuíꞌájnúꞌun, ngije ko̱yà án ki̱a̱ tjanijínjnúꞌun nínga kjiyojonijín xota̱ xi xchána. Ki̱a̱ ti̱xa̱na̱xi̱ xi tikón kꞌijñá xi Abraa̱n tsꞌatsiee̱ Efroo̱n nda̱ xi xota̱ itita̱ chji̱a̱ni, tsi̱ꞌe̱ nga ki̱a̱ ko̱ónijín na̱ Sara̱ chjo̱ón. Ki̱a̱ nínga kjiyojonijín Abraa̱n ko̱jo Isaa̱ ko̱jo na̱ Rebekaa̱, kó ti̱ ki̱a̱ yinijín an na̱ Liyaa̱ nga. Kui ti̱xa̱na̱xi̱i̱ ki̱a̱ tikón nangi Kanaa̱n tꞌa kꞌijñá Makpelaa̱, kje̱n kꞌijñá Mamree̱.

Jenesii̱s 49:29 Iomraidhean Croise

Jenesii̱s 15:15

Kó ji nda tsꞌén ka̱maxchá ji, kó xió ko̱yà ji nga kjo̱chó ni̱xtjin, kó ki̱a̱ sꞌi̱nijín ji nínga kjiyojonijín xi xcháa̱.

Jenesii̱s 23:16

Kósꞌe̱ Abraa̱n ndakjiꞌi kamaá xi kótjín tsíꞌá Efroo̱n, kó ngindyi̱ko̱n xota̱ Ee̱t íchjií kui nda̱a̱ xi nijón úchán to̱ntiboa xi tsíꞌá, xikó kjiꞌi kjo̱a̱kitii̱ já xí botiñá nii̱. Kó bo̱a̱ tsꞌén nga tsi̱ꞌe̱ Abraa̱n kamá kui tꞌanangii̱ ko̱jo kui ti̱xa̱na̱xi̱i̱, ko̱jo ngayeje yá xí kjiꞌitjié kui tꞌanangii̱. Chistiko̱ kamá ngayeje jáxá ititaa̱. Ngije kisꞌinda kui nii̱ Abraa̱n ki̱a̱ yínijín na̱ Saraa̱ ki̱a̱ ti̱xa̱na̱xi̱ xi tikón Ebroo̱n, kje̱n kꞌijñá Mamree̱, ki̱a̱ nangi Kanaa̱n.

Jenesii̱s 23:9

tsi̱ꞌe̱ nga ko̱tíñána ti̱xa̱na̱xi̱ xi tikón Makpela̱, kui xi tikóntꞌa nínga ꞌbítji̱e̱ nii̱, kó bo̱a̱ tꞌínjnúu̱ nga kꞌuichjíi̱ xi kótjín chjií kui ngi̱ndiee̱, tsi̱ꞌe̱ nga kꞌuiéna ngo nga̱tsjo̱ó xí tsa̱ꞌa̱n ka̱ma ngi̱jii̱n nangi xi tsa̱jún.

Jenesii̱s 35:27

Jaskan Jakoo̱b kijí nginí ndiꞌaa̱ Isa̱ na̱ꞌmii̱, kui xi kisꞌijña ki̱a̱ nínga ꞌmí Ebroo̱n, nínga kisꞌijña Abraa̱n nga.

Jenesii̱s 35:29

Kó jè ꞌniú xchá Isaa̱ nga kꞌien, kó ndií, kui xi ꞌmí Esauu̱ ko̱jo Jakoo̱b ki̱a̱ yínijín nínga kjiyojonijín xkjín.

Jenesii̱s 47:30

Ngije ko̱yà an, ꞌna̱xié ji ńdana kꞌi̱e̱e̱, kó ki̱a̱ tjanijínní nínga kjiyojonijín xota̱ xi xchána. Kó Kosiee̱ ngiboanéná nga sa̱ꞌinkjatjosón an kui nii̱ katsoó na̱ꞌmii̱,

Jenesii̱s 49:28

Bo̱a̱ tsꞌén katsꞌénchikonñé Jakoo̱b nga tiejó ndií. Nga ngo nga ngo kui jaá xi chji̱a̱ni nga tiejó xota̱ tji̱e̱e̱ Israee̱l, katsjaá kui kjo̱a̱niꞌánchikonñé xi tsoboaá.

Jenesii̱s 49:33

Kó ngije kamaá Jakoo̱b nga atíxomaa̱ ndií, ítikó yojoo̱ nga̱són ṉchaa̱n, sꞌe̱ kꞌien ngijee̱.

Jenesii̱s 50:12

Kó jaá Jakoo̱b kijíjo̱ yojoo̱ na̱ꞌmii̱ ki̱a̱ nangi Kanaa̱n, kó ki̱a̱ ínijín ti̱xa̱na̱xi̱ xi tikón kꞌijñá Makpelaa̱, kui xi tsꞌatsiee̱ Abraa̱n nda̱ itita̱ xi ꞌmí Efroo̱n, tsi̱ꞌe̱ nga ki̱a̱ kjónijín xkjín. Kui ti̱xa̱na̱xi̱i̱ ki̱a̱ tikóntꞌa kꞌijñá Mamree̱. Kó bo̱a̱ tsꞌén jatjosón ni xi tsíꞌá na̱ꞌmii̱ ngindiee̱ nga ko̱yà.

Xota̱ Ebreo̱ 12:23

Ki̱a̱ jáchójnú nínga kamátikó xota̱ xi tjón kamá ndií Néná kui xi je kjitꞌa jaꞌeén ki̱a̱ ndiꞌakꞌajmii̱. Tsangínchon tiñajnú kui Ne xi tsáyà tsi nda ko̱jo tsi ndajín tsꞌén ngayeje xotaa̱, ki̱a̱ nínga síndo a̱si̱énni̱xtjii̱n xota̱ xi ndaa̱, kui xi Néná katsꞌén xi chjiéngá ka̱ma.