Jenesii̱s 49:25 - Xo̱jo̱n eén Néná

²⁵ ¡Ndokꞌóchji̱ì kui Néná xí tsi̱ꞌe̱ na̱ꞌmíi̱, kui xi tsꞌénbosikójoo ji! ¡Ndokꞌóchji̱ì kui Néná xi ngayeje nii̱ xi maa̱, ko̱jo kui xi ngatsjéni̱xtjin tjítsꞌénchíkonñeé ji! ¡Kó tsꞌéntsjaá kjo̱a̱niꞌánchikonñeé ndiꞌakꞌajmi xi tikón nkꞌa jàn! ¡Kó tsꞌéntsjaá kjo̱a̱niꞌánchikonñeé nínga ꞌniú na̱nga̱a̱ ndáchíkoón! ¡Kó tsꞌéntsjaá kjo̱a̱niꞌánchikonñeé na̱an xi tjiín ndí ko̱jo xi ndyi̱tsꞌènkí ndií!

Jenesii̱s 49:25 Iomraidhean Croise

Jenesii̱s 17:1

Kjiꞌanga kamá ichítié ko̱jo yichán nijan noó Abra̱n, Néná jatjokjaà, kó bi̱ katsoó: «Án boá kui Ne xi tsi̱ꞌe̱ ngayeje ngaꞌniuú, ndaꞌyéꞌínní ngatsjéni̱xtjin kó kixi̱ ti̱ńtje̱ ji.

Jenesii̱s 27:28

¡Néná ngatsjaá tsie stsé, kó ngatsjaá ngo tꞌanangi xi nda! ¡Nga tsjaá nga kꞌuieé tsie to ndso̱ko̱a̱n ṉño̱pan, ko̱jo nga kꞌuieé tsie bino̱!

Jenesii̱s 28:13

Kó kamábe nga nínga tikón ndyi̱ko̱n kui yákíjo̱o̱n, ki̱a̱ tikón Néná, kó Néná bi̱ katsó: «Án boá xí Nee̱ Abraa̱n, ko̱jo xi Nee̱ Isaa̱, kó tsꞌénxiyaa nga kui tꞌanangi nínga titsjajni ji, ji ko̱jo xota̱ tji̱e̱ tse̱ boá xí tsjàa̱.

Jenesii̱s 28:21

kó tsi nda tikòn an nga kjoéꞌe̱ ngiñá an ndiꞌaa̱ na̱ꞌmina, ja̱ ti̱ Ne tsa̱ꞌa̱n ka̱ma nga.

Jenesii̱s 28:3

Mejénna an nga kui Néná xí tjiín ngaꞌniuú ngatsꞌénchíkonñeé, kó ngatsjaá nga kꞌuieé kjín ndí. Kó ti̱ mejénna nga ngo na̱xi̱ńdá xí ꞌniú je ngatama xota̱ tji̱e̱ tse̱.

Jenesii̱s 32:9

Kósꞌe̱ Jakoo̱b bi̱ katsó nga tsíchji̱a̱a̱ Néná: «Ji Ne xi tsi̱ꞌe̱ na̱ꞌmindyiboana Abraa̱n ko̱jo na̱ꞌmina Isaa̱, Jí boá xi bo̱a̱ kasení nga kji̱ndi̱báꞌoyá ngiñá an nangina ko̱jo nínga síndo xota̱na, kó nga ji xi ko̱si̱ke̱jení.

Jenesii̱s 35:11

Kó ti̱ ki̱a̱ Néná bi̱ katsó ngasee̱: «Án boá kui Ne xi tjiín ngayeje ngaꞌniuú, kó mejénna nga kjín xota̱ tji̱e̱ kꞌuieé ji, ki̱a̱ kjo̱tjojinni kjín na̱xi̱ńdá, kó ti̱ ki̱a̱ kjo̱tjojinni kjín já re.

Jenesii̱s 35:3

ngatꞌa̱ chjiéngá Betee̱l kongín, tsi̱ꞌe̱ nga ngindyi̱ko̱n Néná konginkíndyiá. Ki̱a̱ boá nínga sa̱ꞌindàa̱ ngo ṉchandikón Néná, tsi̱ꞌe̱ nga tsjàa̱ ndokꞌóchjì, ngatꞌa̱ kuí boá xi asíko̱jona kjiꞌanga kisꞌiena kjo̱a̱xti. Néná boá xi ngatsjéni̱xtjin tsoꞌbájo̱na ndi̱yà xí tsoꞌbá an».

Jenesii̱s 43:23

Kó bi̱ katsó kui nda̱ xi tikóntjoón ndiꞌaa̱ Kosiee̱: —Ngasꞌiejnú kjo̱a̱xió, ngata̱ ndakonjínmájnú, án boá xi kiniꞌánkꞌasꞌienjnúꞌun to̱n xi ikꞌíchjíjnú. Ta̱nga kuírá Néná xí tsi̱ꞌe̱ na̱ꞌmijnú xi ta̱ katsjájnú kui nii̱. Kósꞌe̱ kui nda̱a̱ tsꞌaxié Simeoo̱n nínga tikónyà ndo̱bo̱a̱yà.

Jenesii̱s 48:3

kó bi̱ katsoó Kosiee̱: —Kui Néná xi tjiín ngayeje ngaꞌniuú, ki̱a̱ jatjokjàna ki̱a̱ na̱xi̱ńdá Betee̱l ki̱a̱ nangi Kanaa̱n, kó ki̱a̱ katsꞌénchikonñéna,

Xo̱jo̱n Salmoo̱ 84:11

Ngatꞌa̱ jí boá xi tsꞌué jí, ko̱jo jí boá xi ꞌbíchjaá ni xi ndajín, jí boá xi tiboeꞌéjne̱ kjo̱a̱nda ko̱jo kjo̱a̱yandikón. Kó Néná kjo̱a̱ꞌáxínjiín kjo̱a̱ndaa̱ xota̱ xi ngatsjéni̱xtjin nga nda ndyi̱tsꞌe̱én.

Xo̱jo̱n Salmoo̱ 85:12

Néná nda sa̱ꞌínkꞌijñáná, kó tꞌananginá nda ni xi ka̱maxchaá,

Matioo̱ 6:33

Ta̱nga ta̱sá tjón mára ti̱ndyi̱séjnú nga si̱ꞌankjatjosónjnú kjo̱a̱botíxomaa̱ ko̱jo kjo̱a̱kixi̱i̱ Néná, kó ngayeje kui nii̱, ta̱ sꞌi̱sónrií nga sa̱kójnú.

Xota̱ Éfeso̱ 1:3

Nganiꞌántsjaá Néná, kui xi Na̱ꞌmii̱ Ndi̱a̱ná Jesukristoo̱. Kui xi katsꞌén nga ngi̱jii̱n Kristoo̱ kasakoná ngayeje to̱ko̱ya kjo̱a̱niꞌánchikonñé, xi ndibání ndiꞌakꞌajmi jàn xi tsjáná a̱si̱énni̱xtjii̱n.

Ndeuteronomio̱ 33:1

Moisee̱ boá xi kamá ngo nda̱ chji̱ni̱e̱ꞌén xí katsꞌénxátꞌaa̱ Néná. Ngindiee̱ nga ko̱yà, katsꞌénchikonñé xota̱ Israee̱l,

Ndeuteronomio̱ 8:17

Tsi xchi̱yàjnú kui nii̱, si̱ꞌankjóra̱jnú nga ta̱ngatꞌanii̱ ngaꞌniújnú nga tjínjnú ngayeje ni xi tjínjnú, ko̱jo ni xi je kasakojnú.

Xota̱ Filipo̱ 4:19

Kui Néná xi tsꞌénxájo̱ an tsja̱ajnú jún ngayeje ni xi chajajnú, xikó kjiꞌi kjo̱a̱cho̱o̱n kjo̱a̱je xi tjiín Kristo̱ Kjisoo̱.

1 Timoo̱ 4:8

Ngatꞌa̱ nga niꞌángáa̱ yojona nga chjaxingá, ta̱ chiboa tsi bosikójoná kuí nii̱, ta̱nga nda ngase nga ngo nda̱ nda xi xota̱a̱ Jesukristoo̱ ka̱ma, ngatꞌa̱ ꞌniú bosikójoná kuí nii̱ kui kjo̱a̱mindyion xi̱ꞌbi̱, ko̱jo kjo̱a̱mindyion xi sꞌe̱ ndibaá.