Jenesii̱s 49:24 - Xo̱jo̱n eén Néná

²⁴ ta̱nga ji ngatsjéni̱xtjin nga ꞌniú tikón yáchjonyáa̱, kó jmíni̱xtjin mindiyá tjiàa̱. ¡Ndokꞌóchji̱ì kui Ne xi tsi̱ꞌe̱ ngayeje ngaꞌniuú, kui xi tikóntjoón ko̱jo tsꞌénkoón Israee̱l!

Jenesii̱s 49:24 Iomraidhean Croise

Jenesii̱s 45:11

Ngi ún nó chaja nga ka̱ma ngase kui kjindiaá, ta̱nga án boá xi tsjàa̱ nichinie. Ngatꞌa̱ tsí jmí, kui ko̱jo ngayeje xota̱ xi nijan síndojo̱, xcha̱ja ngayeje ni xi tjiín, kó ni̱ma̱ tsꞌén kꞌuíndo.

Jenesii̱s 45:5

Ta̱nga nga ta̱ nda̱jín májnú, kó ngata̱ ndasénjín májnú nga akatíñájnúꞌun. Jè jó nónií nga tjín kjindiá, kó ngi ún nó chaja nga jmí ni ka̱maxchájín tꞌanangii̱, ta̱nga Néná boá xi katsangiyatjónna tsi̱ꞌe̱ nga an kꞌoxiéꞌájnúꞌun jún ko̱jo ndíjnú, kó nga ꞌniú ko̱e̱je̱ndikónná kui ni xi ka̱maa̱.

Jenesii̱s 47:12

Kó Kosiee̱ katsjaá ngayeje kui xotaa̱ nichinie, ta̱ xikó kjiꞌi kamá ndí xí kisꞌiee̱ nga ngo nga ngo.

Jenesii̱s 48:15

Kósꞌe̱ katsꞌénchikonñé Kosiee̱ nga bi̱ katsó: «Kui Néná xi Nee̱ na̱ꞌmindyiboana Abraa̱n, ko̱jo Nee̱ na̱ꞌmina Isaa̱, kui Néná xi tsꞌénbokóna ndi̱yà ngayeje ni̱xtjin nga tikòn an nga̱sondie.

Jenesii̱s 49:23

Xota̱ xi ndajín chꞌoo̱ ji, tsꞌénbosieén yáyojó,

Joo̱b 29:20

Ti̱ kisꞌijinna nga ꞌniú ngase xcha̱ndikónna, ko̱jo nga xikoó tsi ꞌniú kꞌuijñá síkijí yáchjonyána ngi̱ya ndsa̱ án”.

Xo̱jo̱n Salmoo̱ 118:22

Ndi̱jo̱ xi katsꞌénchꞌó já chji̱ni̱e̱xo̱ó xí katsꞌénda na̱ngo̱xi̱i̱, kuí boá xi kamá ndi̱jo̱ ngaꞌniuú.

Xo̱jo̱n Salmoo̱ 132:1

Ji Nee̱ na̱xi̱ńdá Israee̱l xi tjiín ngaꞌniú, ngatjaꞌátsjiee̱n Ndabii̱ ko̱jo kjo̱a̱ni̱ma̱ xi jaꞌatio, ngatjaꞌátsjiee̱n ni xi katsóyàtjoón kui:

Xo̱jo̱n Salmoo̱ 18:1

¡Ji Ne, achichí tjóna ji, ngatꞌa̱ jí boá xi boeꞌéní ngaꞌniú!

Xo̱jo̱n Salmoo̱ 18:30

Ndi̱ya̱à Néná achichí nda, kó eén jè kichitꞌa, kuí boá xi xikoó ngo ni xi ꞌbíchjaá ni xi ndajín, tsi̱ꞌe̱ xota̱ xi kui mongase nga skoón.

Xo̱jo̱n Salmoo̱ 23:1

Néná boá Ndi̱a̱ xi tsꞌénkónna, kó jmí ni chajájínna.

Xo̱jo̱n Salmoo̱ 27:14

Kuíni nga chiyékjo̱e̱e̱ Néná. «¡Ti̱ꞌingaꞌní jí, kó te̱ꞌéngaꞌníi̱ ini̱ma̱a̱! ¡Jo̱o̱n, chiyékjo̱e̱e̱ Néná!»

Xo̱jo̱n Salmoo̱ 28:8

Néná boá xi ngaꞌniuú xota̱ na̱xi̱ńdaá, kó kuí boá xi ngi̱ndie xi ꞌniú, nínga ko̱ꞌna̱xiéꞌá xi jaꞌájin kui.

Xo̱jo̱n Salmoo̱ 44:7

¡Ngatꞌa̱ jí boá xi ꞌnaxiéꞌéjne̱ kjo̱a̱a̱ xota̱ xi ndajín tsꞌénjo̱jne̱, ko̱jo jí boá xi niꞌínkjeꞌe ji kjo̱a̱soboá xota̱ xi chꞌoo̱ ji̱n!

Xo̱jo̱n Salmoo̱ 73:23

Kó ndatsi ngayeje kui nii̱ je kamána, ngatsjéni̱xtjin nga ji tikónjoo̱, jí boá xi chjábéngí ji ndsa̱ kixi̱ an.

Xo̱jo̱n Salmoo̱ 80:1

Ji Ne xi koo̱n xota̱ Israee̱l, ndaꞌyé ji: Ji xi xi tińtje̱tjée̱n xota̱ tji̱e̱e̱ Kosiee̱, xikoó tsi ngo xtín cho̱tsa̱nga̱, ji xi ki̱a̱ botíxome ji ngi̱jii̱n keruu̱b: ¡Take ji ngaꞌniúu̱!

Xo̱jo̱n Salmoo̱ 89:1

Ngatsjéni̱xtjin nga sie an kjo̱a̱ni̱ma̱takoón Néná. Kó ta̱kjiꞌání nga xiyà an kjo̱a̱ꞌniátakón xi tjiín ji Ne,

Éksondo̱ 3:6

Án boá xi Nee̱ xota̱ xi xcháa̱, Án boá xi Nee̱ Abraa̱n, Nee̱ Isaa̱ ko̱jo Nee̱ Jakoo̱b. Nga tsintꞌié kuí nii̱ Moisee̱, kamámejénjiín askotsijee̱n Néná ngatꞌa̱ katsakjónní, kó ta̱sá yíꞌmá kje̱n.

Matioo̱ 21:42

Sꞌe̱ Kjisoo̱, bi̱ katsó: –A jmíni̱xtjin kiniꞌányàjnú xo̱jo̱n eén Néná nínga bi̱ tsoó. Ndi̱jo̱ xi katsꞌénchꞌó já chji̱ni̱e̱xo̱ó, kuí xí ndi̱jo̱ ngaꞌniuú ndiꞌaa̱ kamá. Néná boá xi katsꞌén kui nii̱, kó achichí fíndikoón ndyikón.

Markoo̱ 12:10

A kji̱e̱ niꞌányàjínjnú xo̱jo̱n eén Néná, nínga bi̱ tsoó: Ndi̱jo̱ xi katsꞌénchꞌó já chji̱ni̱e̱xo̱ó, kuí xí ndi̱jo̱ ngaꞌniuú ndiꞌaa̱ kamá.

Rkaa̱ 20:17

Kjisoo̱ askotsijen ndá ndaá xotaa̱, sꞌe̱ bi̱ katsó: –Mí xí mejeén tsó ni xi bi̱ tsó xi tjítꞌa xo̱jo̱o̱n: Ndi̱jo̱ xi katsꞌénchꞌó já chji̱ni̱e̱xo̱ó, kuí xí ndi̱jo̱ ngaꞌniuú ndiꞌaa̱ kamá.

Ni xi kamá 4:11

Kuí bí Kjiso̱ xi̱ꞌbi̱ xi ndi̱jo̱ xi katsꞌénchꞌó já chji̱ni̱e̱xo̱ó, ta̱nga kuí boá xi kamá ndi̱jo̱ ngaꞌniuú ndiꞌaa̱.

Xota̱ Roma̱ 14:4

Kó ꞌyání jí nga titsitsijinkóo̱n tsi nda ko̱jo tsi ndajín ndyi̱tsꞌèn mosoo̱ kje̱ꞌe xota̱. Tsi tajá tikón ko̱jo tsi kꞌo̱ka nga tjítsꞌén xaá kui mosoo̱, ndi̱a̱a̱ xí be tsi nda ko̱jo tsi ndajín katsꞌén, ta̱nga tajá kꞌuijñá kui mosoo̱, ngatꞌa̱ Ndi̱a̱ná tjínrií ngaꞌniú nga ka̱maa̱ ko̱síko̱jo.

Xota̱ Éfeso̱ 2:20

Jún xikónií ngo ndiꞌa nkꞌa xi kjimanda kui xi já apostroo̱, ko̱jo já chji̱ni̱e̱ꞌe̱én Néná ítjatsꞌennii̱ nga ndyi̱kjininkꞌa, kó Jesukristoo̱ boá kui xi ndi̱jo̱ ngaꞌniuú kui ndiꞌaa̱.

Ndeuteronomio̱ 32:4

Kuí boá xi tsꞌénkónná kjo̱a̱a̱ ni xi ndajiín. Kuí boá xi ngo Néná xi kixi̱ ko̱jo xi maꞌniátakón, ngatsjéni̱xtjin nga kixi̱ tsꞌensénná.

Ndeuteronomio̱ 33:27

Néná kuí boá Ne xi tikón ngatsjéni̱xtjii̱n, kó ngatsjéni̱xtjin nga skónjnú, kuí boá xi sa̱ꞌín nga ko̱nga kondra̱jnú, tsi̱ꞌe̱ nga si̱ꞌankjiejnú.

Ndeuteronomio̱ 34:9

Moisee̱ ngindiee̱ nga ko̱yà, íjñasoón tsja to̱ko̱ Josuee̱, kó Néná íkitsie maá kjo̱a̱kjínkón Josuee̱. Kuíni nga xota̱ Israee̱l tsintꞌiéꞌeén Josuee̱, kó katsꞌénkjatjosón kjo̱a̱botíxoma xi Néná katsjaá Moisee̱.

Xota̱ Kolosa̱ 1:11

Ngasakó ngasejnú ngaꞌniú, xikó kjiꞌi kui ngaꞌniú xí tjiín kui Néná xí tjiín kjo̱a̱jee̱, tsi̱ꞌe̱ nga xchíkjo̱a̱jnú ta̱jmì niní, kó ngatꞌiéjnú kjo̱a̱chiyákjo̱a̱.

2 Timoo̱ 4:17

Ta̱nga Ndi̱a̱ná kisꞌijñajo̱na, kó katsjána ngaꞌniú, tsi̱ꞌe̱ nga kamána nga íni̱jmì án eén Néná, kó tsintꞌié ngayeje xota̱ xi jundío̱jiín. Bo̱a̱ tsꞌén nga Néná tsꞌaxiéꞌána nga kiniꞌánkꞌiénjínna.