Jenesii̱s 49:10 - Xo̱jo̱n eén Néná

¹⁰ Ngatsjéni̱xtjin kꞌuijñá ngi̱ya ndse̱ ji yánísié xi ko̱ti̱xomeni ji, ngaskande tsí nga kjo̱e̱ꞌe kui re xi ja̱koxi̱i̱, kui xi ko̱tíxoma ngayeje nga̱sondiee̱.

Jenesii̱s 49:10 Iomraidhean Croise

Xo̱jo̱n Salmoo̱ 108:8

Tꞌanangii̱ nangi Ngalaa̱nd án tsa̱ꞌa̱n, xtji̱e̱e̱n ta̱ꞌin síndo xota̱ tji̱e̱e̱ Kosiee̱ tsi̱ꞌe̱ nga skoón xota̱ na̱xi̱ńdána, kó ki̱a̱ nangi Jundáa̱ jè ijñá an ngo re.

Xo̱jo̱n Salmoo̱ 60:7

Tsa̱ꞌa̱n boá tꞌanangii̱ nangi Ngalaa̱nd, ko̱jo tsa̱ꞌa̱n boá tꞌanangii̱ nínga síndo xota̱ tji̱e̱e̱ Manasee̱, tꞌanangi xi chji̱a̱ni xota̱ tji̱e̱e̱ Efraii̱n, xikónií tsi kui xi ngo ni xi ꞌbiyá an tokó án kjimana, kó tꞌanangii̱ xi chji̱a̱ni xota̱ tji̱e̱e̱ Jundáa̱, xikónií tsi kui xi ngo ki̱cha̱ xi foyatsja ngo nda̱ re kjimana.

Xo̱jo̱n Salmoo̱ 60:9

ꞌYá xí kjo̱jona ngaskande na̱xi̱ńdá xí xó tjíchjáꞌyánii̱. ꞌYá xí ko̱kóna ndi̱yà xí fochó nangii̱ xota̱ tji̱e̱e̱ Endoo̱n.

Xo̱jo̱n Salmoo̱ 78:68

ta̱sá xota̱ tji̱e̱e̱ Jundáa̱ xi jaꞌájin, ko̱jo na̱xi̱ xi tikón ki̱a̱ na̱xi̱ńdáꞌniú Sioo̱n kui xi achichí tjó kamaá.

Xki̱ 21:18

Kui ndáńchꞌií ndií ree̱ boá xi katsꞌénda nga katsꞌénkjién yá xí foyatsja ko̱jo yánísieé». Ngije jatjoni nangi kixií, xota̱ Israee̱l jaꞌa nangi Matana̱,

Xki̱ 24:17

»Ni xi akóna Néná, kji̱e̱ fotjosónjín, sꞌe̱ tsí ka̱ma kui nii̱. Sꞌe̱ kꞌuijñá ngo nda̱ re ki̱a̱ na̱xi̱ńdá Israee̱l, kui xi ꞌna̱ ka̱ma xikoó ngo ńño. Kuí boá xi sa̱ꞌiín nga skjánjo̱ xotaa̱ nangi Moaa̱b, kó sa̱ꞌínkjié kui xi je ki̱a̱ katsꞌén ndiꞌaa̱ nangi kjitiyaa̱.

Xki̱ 24:19

»Xota̱ na̱xi̱ńdaá Jakoo̱b, kjo̱tjojinni ngo xi ko̱tíxoma. Kuí boá xi sa̱ꞌínkjié ngaskande xota̱ chiboa xi kꞌuíndo ngase na̱xi̱ńdáꞌniuú.

Matioo̱ 1:21

Kó na̱ Riyaa̱ ngo ndí kꞌuieé, kó KJISO̱ kuítꞌe jaꞌén, ngatꞌa̱ kuí boá xi kꞌo̱xiéꞌá xota̱ na̱xi̱ńdaá kjo̱a̱a̱ jé xí ndyi̱tsꞌèn.

Matioo̱ 17:5

Tji̱e̱nga tsꞌénchji̱a̱ ngase Peé, ngo ṉdi̱ ꞌna̱ kitsjien, kó ki̱a̱ kasasien nínga síndo kui jaá, sꞌe̱ ngi̱jin kui ṉdi̱i̱ kandaꞌyá ngo nda̱, xi bi̱ katsó: –Kuí xi̱ꞌbi̱ xi ndí tjóna, tsjátjínna ngatꞌaa̱ kui, ndaꞌyájnúu̱.

Matioo̱ 21:9

Kó xota̱ xi tjimátjoón ko̱jo xi yajátji̱ngii̱ askjandáyà má, nga bi̱ katsó: ¡ꞌNa̱xiéꞌéjne̱, ji xota̱ tji̱e̱e̱ Ndabi̱! ¡Ngatamachikonñé xi ndibání ngajoo̱ Ndi̱a̱ná! ¡Kó ꞌna̱xiéꞌéjne̱ jàn ndiꞌakꞌajmi jàn!

Matioo̱ 25:32

kó xota̱ xi chji̱a̱ni ngayeje na̱xi̱ńdá kjo̱e̱ꞌekíndyiá kje̱n, kó xín ku̱i̱ꞌíndo xota̱ xi ndajín, kó xín ku̱i̱ꞌíndo xota̱ xi nda, xikó má tsꞌén ngo nda̱ xi koo̱n cho̱tsa̱nga̱a̱ nga foaꞌájin cho̱tsa̱nga̱a̱ ngi̱jii̱n tindsoo̱,

Juaa̱ 12:32

Kó tsi an nkꞌa chjanínkꞌána kui tꞌanangii̱, ngayeje xotaa̱ xi kji̱ndi̱bákón tiñana.

Juaa̱ 18:31

Sꞌe̱ bi̱ katsó Pilatoo̱: –Ja̱ tangínjo̱jnú, kó ti̱ꞌanjéjnúu̱ xikó tsó kjo̱a̱kitijnú. Kó xota̱ jundíoo̱, bi̱ katsó: –Tsjandièjínjne̱ kjo̱a̱kitii̱ nga tjín xí si̱ꞌankꞌienjne̱.

Juaa̱ 19:12

Ndeskande koó kjiꞌa Pilatoo̱ kamámejeén iskjíndó, ta̱nga xota̱ jundíoo̱ askjandáyà má, nga bi̱ katsó: –Tsi si̱ꞌinkjí ndé jí kui nda̱a̱, amingoo̱ Sesa̱jín ji, ngayeje xi mejeén nda̱ re tsꞌén yojòo̱, kondraa̱ nda̱ Enperandoo̱ boá.

Juaa̱ 19:15

Ta̱nga kui jaá, bi̱ katsó nga askjandáyà: –¡ꞌNa̱xié ji, ꞌna̱xié ji, tjatꞌe ji kro! Sꞌe̱ bi̱ katsó Pilatoo̱: –A nda̱ Rejnú xi kotꞌa an kro. Sꞌe̱ bi̱ katsoó já ngito̱ko̱o̱ chináꞌmii̱: –Sesaa̱ xí rejne̱, jmíjínjne̱ xi kje̱ꞌe.

Juaa̱ 9:7

kó bi̱ katsoó: –Tꞌenkaníjín ndyikin nínga tikón ti̱xa̱ je xi ndyi̱a̱ ndáfoa xi tikón Siloe̱ (xi kanangiyaa̱, tsó kui eén nga én arameo̱). Kijí kui nda̱a̱, kó aniéjón ndyi̱ko̱n, kó nga jachó nginí, je kamátsijee̱n.

Xota̱ Roma̱ 15:12

Kó nda̱ chji̱ni̱e̱ꞌe̱én Néná xi ꞌmí Isayaa̱, ti̱ bi̱ tsꞌén katsꞌénꞌindó: Xtjonínkꞌá nga kꞌuieé ngaꞌniú ngo nda̱ xi xota̱ tji̱e̱e̱ nda̱ xi ꞌmí Isaii̱, kó kuí xí ko̱tíxomaa̱ ngayeje xota̱ na̱xi̱ńdá, kó ngayeje xota̱ na̱xi̱ńdaá kuí xí ka̱maꞌniátakón.

2 Xota̱ Korinto̱ 5:10

Ngatꞌa̱ chjiéngá ngayeje ñá ki̱a̱ konginkíndyiá ngindyi̱ko̱n Kristoo̱, tsi̱ꞌe̱ nga sku̱i̱e̱ ni xi kiniꞌán, kó nga ngo nga ngo ñá sa̱kóná ni xi tsoboáná, tsi nda ko̱jo tsi ndajín kjiꞌi ni xi kiniꞌán, tji̱e̱nga kixindyión ngi̱jii̱n kui yojoo̱.

Xota̱ Ebreo̱ 7:14

Ngatꞌa̱ je ya cha̱n cha̱n nga Ndi̱a̱ná Jesukristoo̱, ki̱a̱ kjindibáni xota̱ tji̱e̱e̱ Jundáa̱, kó Moisee̱ jmí ni katsójín nga kui xota̱ tji̱e̱e̱ ki̱a̱ kjo̱tjojinni chináꞌmi.

Ni xi akakoo̱ 11:15

Kó xi ma yito ndítsjiee̱ katsꞌénkjanie, sꞌe̱ ꞌniú kandaꞌyá kjín nda̱ ki̱a̱ ndiꞌakꞌajmii̱ xi bi̱ katsó: Ngayeje nga̱sondiee̱ je Ndi̱a̱ná ko̱jo Kristoo̱ ko̱tíxomaa̱, kó kuí xí ko̱tíxoma ngatsjéni̱xtjii̱n.