Jenesii̱s 49:1 - Xo̱jo̱n eén Néná

¹ Kó Jakoo̱b tsíchji̱a̱a̱ ngayeje ndií tsi̱ꞌe̱ nga ka̱matikó, ngatꞌa̱ kamámejeén ka̱tso̱yaa̱ ni xi sꞌe̱ ka̱ma nga kjo̱chó ni̱xtjin, kó bi̱ katsoó:

Jenesii̱s 49:1 Iomraidhean Croise

Xo̱jo̱n Salmoo̱ 105:15

«Ngata̱ niꞌánjo̱jínjnú na̱xi̱ńdá xí án jaꞌajin an, ngata̱ jmí ni xi ndajín niꞌánjo̱jínjnú xota̱ chji̱ni̱e̱ꞌénna».

Xo̱jo̱n Salmoo̱ 25:14

Ni xi tjiꞌmaá Néná, kuí boá xota̱ xi bendikón kuí, kó kuí boá xi ko̱ko̱ó kjo̱a̱ꞌbíndaa̱.

Xki̱ 24:14

Jè tsꞌénfí an, ta̱nga ngindiee̱ nga kjuín án, xiyaá ni xi xota̱ Israee̱l jaskan sa̱ꞌínjo̱ xota̱ na̱xi̱ńdá xí tse̱.

Rkaa̱ 2:26

kó A̱si̱énni̱xtjii̱n Néná katsóyàtjoón kui nda̱a̱ nga kji̱e̱ ko̱yàjín tsi tjónjín sku̱i̱e̱ Kristoo̱, kui xi sa̱ngíyá Néná.

Ni xi kamá 2:17

Bi̱ ka̱ma nga kju̱i̱e̱tꞌa ni̱xtjii̱n, tsó Néná, skjitjónjón an A̱si̱énni̱xtjinna ngayeje xota̱, ndí xíꞌínjnú ko̱jo ndí ínchjínjnú ku̱i̱chji̱a̱ xikoó chji̱ni̱e̱ꞌénna, jákjíndí xo̱ngòjnú kjín to̱ko̱ya ni ko̱ko̱ó, kó xota̱ xi xchaá ngi̱jin ńjñaá ko̱e̱ꞌéchinii̱.

Ndeuteronomio̱ 31:12

Chjiéngá ko̱e̱je̱ kui sꞌueé ngayeje xotaa̱: xi chjo̱on, xí xi̱ꞌin, ko̱jo jákjíndí ínchjín, ko̱jo jákjíndí xíꞌín, ko̱jo xota̱ xi ta̱ síndo tsá ki̱a̱ kui na̱xi̱ńdaá. Ki̱a̱ boá nínga ku̱i̱ntꞌiè nga si̱ꞌanya kui kjo̱a̱bokoyaá, kó chjiéngá ka̱maa̱ nga sku̱i̱e̱ndikón Néná, ko̱jo nga ku̱i̱ntꞌiéꞌeén kui kjo̱a̱botíxomaa̱.

Ndeuteronomio̱ 4:30

Tsi ngi̱jii̱n kjo̱a̱ni̱ma̱jnú ko̱jo nga je nda̱ kjimajnú, kó tsi ko̱nda̱ꞌyáꞌén nginíjnúu̱ Néná,

1 Timoo̱ 4:1

A̱si̱énni̱xtjii̱n Néná tsáyà cha̱n cha̱n nga ngije kjifetꞌa ni̱xtjii̱n, kꞌuié xota̱ xi kꞌuijñátꞌaxín xi ngiti̱ sa̱ꞌínsꞌijinjín Néná, kó ki̱a̱ ko̱e̱je̱tji̱ngii̱ nga ku̱i̱ntꞌie̱é a̱siénni̱xtjin xi ndiso, ko̱jo kjo̱a̱bokoyá xi tsi̱ꞌe̱ xindajín.

2 Timoo̱ 3:1

Ti̱ chjiéngá xchi̱e̱ ji kui nii̱ nga: Nga ni̱xtjin xi fetꞌaa̱, kji̱ndi̱bá ni̱xtjin xi ta̱nisién niꞌin ka̱ma.

Xota̱ Ebreo̱ 1:2

Kó ngotꞌe̱ ꞌne̱, kui ni̱xtjin xi kjifetꞌaa̱, Néná katsangiya ndií, kó kuí xí katsꞌénkjién nga tsíchji̱a̱joná, kó kuí boá xi katsꞌénkꞌasꞌiee̱n ngayeje nii̱, ko̱jo ta̱ngatꞌanii̱ kui nga Néná katsꞌénda ngayeje nga̱sondiee̱ ko̱jo ndiꞌakꞌajmii̱.

Xota̱ Ebreo̱ 13:1

Ngatsjéni̱xtjin tjó ti̱ꞌánjnú xingi̱jnú, xikoó tsi ngo ntsꞌiejnú.

Ni xi akakoo̱ 4:1

Ngije kamá kui nii̱, askotsijen an kó kamábe an ngo nga̱ntjo̱a̱ xi tji̱e̱nti̱xa̱ ki̱a̱ ndiꞌakꞌajmii̱, kó kui nda̱ xi tjón tsintꞌie an, kui xi xikó maá ngo tjio, bi̱ katsóna: –Ndibénijíngí ji kꞌi̱e̱e̱, kó an kokòo̱ ni xi jaskan ka̱ma.