Jenesii̱s 48:21 - Xo̱jo̱n eén Néná

²¹ Jaskan Jakoo̱b, bi̱ katsoó Kosiee̱: —Jè ta̱ chiboa tsí ni̱xtjin chajana nga ko̱yà án, ta̱nga Néná kꞌuijñájo̱jnú, kó kuí boá xi kjo̱jo nginií nangii̱ na̱ꞌmindyiboáa.

Jenesii̱s 48:21 Iomraidhean Croise

Jenesii̱s 15:14

Ta̱nga kui na̱xi̱ńdaá ti̱ ánní xi sa̱ꞌinjée̱, kó ngije kjo̱tjo xotaa̱ kui ngi̱ndiee̱, achichí kjo̱a̱cho̱n kjo̱tjojo̱.

Jenesii̱s 15:16

Ta̱nga ngije kjo̱chó xi nijón úchán noó, xota̱ tji̱e̱ tse̱ ka̱ma kjo̱e̱ꞌe nginí kui ngi̱ndiee̱, ngatꞌa̱ kui ni̱xtjin jàn xota̱ Amoo̱r xi ta̱nisién ndajiín sa̱ꞌinkjataxie an kui ngi̱ndiee̱».

Jenesii̱s 28:15

Kꞌi̱e̱ tikónjoo̱ ji, kó jmíni̱xtjin kꞌuijñámasiee̱n ngaskande nga kjo̱tjosón ni xi tꞌíxiaán. An skoon ta̱ nínga kꞌuin jí, kó an kjoéꞌe̱jo ngiñaá kui ngi̱ndiee̱».

Jenesii̱s 37:1

Kuí bí xi̱ꞌbi̱ ni xi kamaá Jakoo̱b nga kisꞌijña ki̱a̱ nangi Kanaa̱n, nínga kisꞌijña na̱ꞌmii̱ ngasꞌe̱ xikoó ngo xota̱ xi xín nangi. Kjiꞌanga kisꞌiee̱ tjiꞌúnjó nó Kosiee̱ asíko̱jo já ntsꞌi̱e̱ nga askoo̱n cho̱tsa̱nga̱a̱, kui jaá kuí boá xi ndií na̱ Bilaa̱ ko̱jo na̱ Silpaa̱, ínchjiín na̱ꞌmii̱, kó Kosiee̱ katsóyaà na̱ꞌmii̱ ngayeje ni xi ndajín xi katsꞌén já ntsꞌi̱e̱ jun.

Jenesii̱s 47:29

Ngije makjachó ni̱xtjin nga ko̱yà, tsíchji̱a̱a̱ Kosiee̱ kui xi ndií, kó bi̱ katsoó: —Ngo kjo̱a̱nda kuíꞌaá xi̱ꞌin, kó ngiboanéná tꞌín ji nga si̱ꞌinkjatjosén ji. Tsi ja̱koxi̱ nga tjoó an, ngiboanéná tꞌín ji nga ngije ko̱yà an, nga kꞌi̱e̱jín kjónijínní nangi Ejipto̱.

Jenesii̱s 50:24

Jaskan ngije jaꞌa ni̱xtjin, Kosiee̱ bi̱ katsoó já ntsꞌi̱e̱: «Jè ta̱ chiboa tsí ni̱xtjin chajaa̱ nga ko̱yà an. Ta̱nga nga sꞌijinjnú nga Néná boá xi kji̱ndi̱bákasikójojnú, kó kuí boá xi ko̱e̱je̱jo nginíjnú nínga tikón kui tꞌanangi xi katsóyàtjón nga tsja̱á Abraa̱n, Isaa̱ ko̱jo Jakoo̱b. Kó jún chjiéngá ngiboanéná tꞌínjnú nga kjiꞌanga kjo̱chó ni̱xtjin kongínjo̱jnú ńdana kꞌi̱e̱e̱ ngije ko̱yà an».

Jenesii̱s 50:6

Kó nda̱ ree̱ bi̱ tsó én xí katsangiyaa̱: —Tꞌen ji, kó tjanijín ji na̱ꞌmíi̱, xikótsꞌèn tsíꞌaá kui.

Xo̱jo̱n Salmoo̱ 18:46

¡Tsie ngatamaa̱ Néná! ¡Ngatamachikonñé ndi̱jo̱ jena! ¡Nganiꞌántsjaá kui Ne xi tsꞌaxiéꞌána!

Rkaa̱ 2:29

Ngotꞌe̱ ꞌne̱ Ndi̱a̱, jè jatjosón ni xi kaseyetjénní: Kó jè ka̱ma ko̱e̱ꞌéndiè ji nga kui mosòo̱ xió ko̱yà.

Ni xi kamá 13:36

Ngatꞌa̱ nga ja̱koxi̱ Ndabii̱ katsꞌénkjatjosoón ti̱ kuii̱ xota̱ tsi̱ꞌe̱, xikó katsoó Néná nga sa̱ꞌín, kósꞌe̱ jaskan ngije kꞌien, ki̱a̱ nijan kisꞌinijínjo̱ xi xchaá, kó yojoo̱ jatson.

Ndeuteronomio̱ 30:3

Néná ni̱ma̱ ka̱maa̱ jún, kó ingo ndi̱yà nginí sa̱ꞌínchikonñéjnú. Sa̱ꞌínkjín nginíjnú ki̱a̱ na̱xi̱ńdá nínga tjón katsangiyajnú. Ndatsi je ꞌniú kjin nínga tindyiónjnú, Néná ko̱ngasejnú, kó kji̱ndi̱bájo̱ nginíjnú ki̱a̱ na̱xi̱ńdá xi katsóyàtjoón nga tsja̱á xota̱ xi xchájnú. Kó ki̱a̱ boá nínga ndatsꞌèn ku̱i̱ndyionjnú, kó kjín ngase ndí kꞌuiéjnú ta̱bo̱a̱jiín xota̱ xi xchájnú.

Ndeuteronomio̱ 31:8

Ti̱ kuíní Néná xí ko̱e̱je̱tjoón, kó kuí boá xi ko̱síko̱joo̱ ngayeje ni xi si̱ꞌin ji, jmíni̱xtjin ku̱i̱ꞌíjñámasiee̱n. ¡Ngata̱ ndakinjín má, ꞌna̱xié ji kjo̱a̱tsiendikóo̱n!»

2 Timoo̱ 4:6

Ngatꞌa̱ an, jè ma ka̱ma an xikoó ngo chji̱e̱ xi niꞌánkꞌasꞌiee̱n Néná, kó jè ma kjachó chi̱bo̱a̱a̱ nga kꞌuijñá an kui nga̱sondiee̱.

Xota̱ Ebreo̱ 7:3

Melkisendee̱k kisꞌiejiín na̱ꞌmi ko̱jo na̱an ko̱jo xota̱ xi xchá, ti̱nde katsenjín ti̱nde kꞌienjín, yàjín ñá kjindibáni, kó xá chináꞌmii̱ tikón ngatsjéni̱xtjin, xikoó kui xi tsi̱ꞌe̱ ndií Néná.

Xota̱ Ebreo̱ 7:8

Chináꞌmi xi chji̱a̱ni xota̱ tji̱e̱e̱ Lebii̱ xi ngotꞌe̱ niꞌánkꞌasꞌiee̱n tie nga úchaán ni xi niꞌaán, xota̱ xi fesón boá, ta̱nga Melkisendee̱k, ta̱kó tikón, ngatꞌa̱ xo̱jo̱n eén Néná chji̱a̱jín tsi kꞌien kui nda̱a̱.

2 Xo̱jo̱o̱n Peé 1:14

Jè be an nga ngi chiboa ni̱xtjin tikónna nga kꞌuijñámasien an kui yojoo̱, xikó katsóna Ndi̱a̱ná Jesukristoo̱.