Jenesii̱s 48:19 - Xo̱jo̱n eén Néná

¹⁹ Ta̱nga Jakoo̱b kamámejénjiín bo̱a̱ katsꞌén, kó bi̱ katsó kui: —Jè be an xi̱ꞌin, jè be an. Manasee̱ ti̱ bo̱a̱ ti̱ tsꞌén ngo na̱xi̱ńdá xi je ka̱ma ndií nga, ta̱nga ndíi̱ xi kjindí ngasee̱ ꞌniú ngase xcha̱ndikón kuí, ta̱bo̱a̱jiín xi ingoo̱, kó xota̱ tji̱e̱e̱ kui, ngo xtín na̱xi̱ńdá ka̱ma.

Jenesii̱s 48:19 Iomraidhean Croise

Jenesii̱s 25:23

Kó Néná bi̱ katsoó: «Nga jó ndíi̱, jó na̱xi̱ńdá ndyi̱bokó. Kuí boá xi jó na̱xi̱ńdá kamá ndeskande ngindiee̱ nga stse̱n. Ngo xi ꞌniú ka̱ma, kó ngo xi inda ka̱ma, ta̱nga kui xi xchá ngi̱chí ka̱maa̱, kuí boá xi sa̱ꞌínseén xi kjindí ngasee̱».

Jenesii̱s 28:14

¡Xota̱ tji̱e̱e̱ kjín ka̱ma xikó maá xa̱a̱ tꞌanangii̱! Kó kꞌi̱e̱ kꞌuíndo ngayeje kui na̱xi̱ńdaá, kó ngatꞌaa̱ ji ko̱jo xota̱ tji̱e̱ tse̱ boá nga ngayeje xota̱ na̱xi̱ńdá xí tjín nga̱sondiee̱ ka̱machikonñé.

Jenesii̱s 46:3

Kósꞌe̱ Néná bi̱ katsoó: «Án boá xi Nee̱ na̱ꞌmíi̱, ngata̱ ndakinjín má ji nga kꞌuin jí nangi Ejipto̱, ngatꞌa̱ án xí kjuínjòo̱. Án boá xi sa̱ꞌin an nga xota̱ tji̱e̱ tse̱ ngo na̱xi̱ńdá xí ꞌniú je ka̱ma. Kó ti̱ án boá xi sa̱ꞌin an nga kꞌi̱e̱ kjoéꞌe̱ nginí ji nangi Kanaa̱n, kó nga ko̱yè jí, ki̱a̱ kꞌuijñátꞌaa̱ Kosiee̱».

Jenesii̱s 48:14

Ta̱nga Jakoo̱b yejéntie tsja xi kixi̱i̱ kó to̱ko̱ Efraii̱n íjñasoón kui ndí xi kjindií Kosiee̱, kó tsja xi skoón to̱ko̱ Manasee̱ íjñasoón, ta̱ xá bo̱a̱ katsꞌénní ndatsi be nga Manasee̱ boá xi ndí xí tjoón Kosiee̱.

Jenesii̱s 48:18

kó bi̱ katsoó Na̱ꞌmii̱: —¡Bo̱a̱jín tsꞌén na̱ꞌmi! ¡Manasee̱ boá xi ndí tjónna! ¡Kó kuí boá xi chjiéngá kꞌuíjñisée̱n, ndse̱ xi kixi̱i̱!

Ndeuteronomio̱ 33:17

Jájuún ndíjnú, Efraii̱n ko̱jo Manasee̱, kuí boá xi ꞌniú ngase xikó maá cho̱yojo toro̱ ko̱jo cho̱ búfalo̱. ¡Yáyojójnú boá xi sa̱ꞌínkjiéni ngaskande kondra̱ xi kjin ngase síndoo̱!»

Ni xi akakoo̱ 7:6

ko̱jo tiejó mi̱ tji̱e̱e̱ xota̱ xi chji̱a̱ni Asee̱r, ko̱jo tiejó mi̱ tji̱e̱e̱ xota̱ xi chji̱a̱ni Neftalii̱, ko̱jo tiejó mi̱ tji̱e̱e̱ xota̱ xi chji̱a̱ni Manasee̱,

Ni xi akakoo̱ 7:8

ko̱jo tiejó mi̱ tji̱e̱e̱ xota̱ xi chji̱a̱ni Sabuloo̱n, ko̱jo tiejó mi̱ tji̱e̱e̱ xota̱ xi chji̱a̱ni Kosiee̱, ko̱jo tiejó mi̱ tji̱e̱e̱ xota̱ xi chji̱a̱ni Benjaa̱.