Jenesii̱s 48:16 - Xo̱jo̱n eén Néná

¹⁶ Kuí boá xi katsangiya ndítsjiee̱, tsi̱ꞌe̱ nga xín katsꞌénkjaꞌána ngayeje ni xi ndajiín. Kui tsꞌénmíꞌáa̱ nga sa̱ꞌínchikonñé kui já xo̱ngo̱ò, kó nga ta̱ngatꞌanii̱ kui nga ngatjaꞌátsjien jaꞌénna, ko̱jo jaꞌeén na̱ꞌmindyiboana Abraa̱n, ko̱jo na̱ꞌmina Isaa̱. ¡Kjín ngatama ndí xí nga sꞌiee̱!»

Jenesii̱s 48:16 Iomraidhean Croise

Jenesii̱s 22:11

kó kjiꞌá má ndítsjie xi Néná ndeskande ndiꞌakꞌajmi jàn tsíchji̱a̱a̱ Abraa̱n. Kó Abraa̱n, kꞌi̱e̱ tikòn an kꞌi̱e̱e̱, katsó.

Jenesii̱s 22:15

Kó ndítsjie xi Néná ndeskande ndiꞌakꞌajmii̱ ti̱ tsíchji̱a̱jo nginí Abraa̱n xi ma joó ndi̱yà,

Jenesii̱s 32:28

kui nda̱a̱ bi̱ katsoó: —Jè ngiti̱ Jakoo̱bjín kꞌuiín, Israee̱l kꞌuiín ngotꞌe̱, ngatꞌa̱ jè ikixkénje̱ ji Néná ko̱jo xota̱ nga̱sondiee̱, kó kiniꞌíi̱n.

Jenesii̱s 46:3

Kósꞌe̱ Néná bi̱ katsoó: «Án boá xi Nee̱ na̱ꞌmíi̱, ngata̱ ndakinjín má ji nga kꞌuin jí nangi Ejipto̱, ngatꞌa̱ án xí kjuínjòo̱. Án boá xi sa̱ꞌin an nga xota̱ tji̱e̱ tse̱ ngo na̱xi̱ńdá xí ꞌniú je ka̱ma. Kó ti̱ án boá xi sa̱ꞌin an nga kꞌi̱e̱ kjoéꞌe̱ nginí ji nangi Kanaa̱n, kó nga ko̱yè jí, ki̱a̱ kꞌuijñátꞌaa̱ Kosiee̱».

Jenesii̱s 48:5

»Kó ngotꞌe̱ ꞌne̱ Efraii̱n ko̱jo Manasee̱, nga jó kui ndí xí kisꞌiee̱ nangi Ejipto̱ ngindiee̱ nga kꞌi̱e̱ kjoéꞌe̱ an kui na̱xi̱ńdaá, xikónií tsi ndína ka̱ma, xikótsꞌèn ndína má Rubee̱n ko̱jo Simeoo̱n.

Jenesii̱s 49:22

»Kó jí Kosiee̱, jí xí xikónií ngo ndi̱je̱ xi kjimaxchá nínga tjín ndáfoa xi tjitjó má. ¡Chíkji̱ ji, kó ꞌmikijintꞌe ji ngo xó!

Xo̱jo̱n Salmoo̱ 121:7

Néná boá xi skoón, kó kꞌo̱xiéꞌaá kjo̱a̱a̱ ngayeje ni xi ndajiín.

Xo̱jo̱n Salmoo̱ 34:2

¡Ngayejení ini̱ma̱na nga sa̱ꞌintsjáa̱ Néná, kó achichí tsjá ka̱maa̱ xota̱ xi ntꞌiéꞌeén nga ku̱i̱ntꞌiè!

Xo̱jo̱n Salmoo̱ 34:22

Néná kꞌo̱xiéꞌá kjo̱a̱mindyioo̱n xota̱ xi mosoo̱ kui, kó ka̱majéjiín xota̱ xi Néná kjimaꞌniátakón.

Xo̱jo̱n Salmoo̱ 34:7

Ndítsjiee̱ Néná boá xi konda nga ngo foaꞌatjiyajoo̱n xota̱ xi bendikón Néná, kó ꞌboxiéꞌá, tsi̱ꞌe̱ nga jmí ni ka̱májiín.

Xo̱jo̱n Salmoo̱ 34:8

Chítꞌachi̱bo̱a̱yajnú, tsi̱ꞌe̱ nga xcha̱jnú nga ndaxota̱ Néná. ¡Achichíra̱tsjaa̱ kui nda̱ xi Néná ꞌniákón!

Éksondo̱ 1:7

Ta̱nga nga achichí kamá ndí xí kisꞌiee̱ xota̱ Israee̱l, tsá kamákjín xota̱ tji̱e̱e̱, kó ngo na̱xi̱ńdá xi je ko̱jo xi ꞌniú kamá. ¡Kuíni nga ngayeje nangi Ejipto̱ nga kisꞌieni xota̱ Israee̱l!

Matioo̱ 6:13

Kó ngata̱ boeꞌéndièjín ji nga chjátꞌayákónjne̱, xín ti̱ꞌinkjeꞌejne̱ ni xi ndajín, ngatꞌa̱ jí tse̱ ngi̱ndie nínga botíxomaa̱, ko̱jo ngaꞌniuú, ko̱jo kjo̱a̱jee̱, ngatsjéni̱xtjin. Bo̱a̱ kjiꞌi.

Juaa̱ 17:15

Jmí tsi ꞌniú tsꞌénmíꞌaá tsi̱ꞌe̱ nga chje̱ꞌéxín ji kui xotaa̱, kui nga̱sondiee̱, tsꞌénmíꞌáñaá tsi̱ꞌe̱ nga xín si̱ꞌinkjeꞌee̱ xindajín.

Ni xi kamá 15:17

tsi̱ꞌe̱ nga xota̱ xi ngasee̱ ko̱ngase Ndi̱a̱ná, ko̱jo ngayeje xota̱ xi Israee̱ljín xi je kamátsjie ngi̱yaa̱ jaꞌénna,

Xota̱ Roma̱ 8:23

Kó jmí tsi ta̱kuítsí ni xi katsꞌénda Néná xí bo̱a̱ kjimaa̱, ko̱jo ñá xi je tikónná A̱si̱énni̱xtjii̱n Néná xikoó ngo ni xi tsjatjónná kjo̱a̱a̱ ni xi jaskan tsja̱aná. Tji̱e̱nga ndyi̱chiyá nga Néná tsja̱aná ngayeje kjo̱a̱nda xikoó ngo ndií ngije kisꞌijñandé yojoná.

1 Xota̱ Korinto̱ 10:4

ko̱jo ta̱ ngo tsí ni ꞌyó xi katsꞌe xi Néná katsjaá. Ngatꞌa̱ kuí xí katsꞌe kui ndáfoa xi jatjoo̱ kui ndi̱jo̱je xi Néná katsjaá, kó kui ndi̱jo̱o̱ kuí xí Kristoo̱, xi kistsoꞌbátji̱ngii̱.

1 Xota̱ Korinto̱ 10:9

Ti̱nde ngata̱ chjátꞌayákónjín ñá Ndi̱a̱ná, xikó katsꞌén chiboa kui xotaa̱ nga askotꞌayákón, kó ye̱ iskjiniee̱ nga jesón.

Ndeuteronomio̱ 28:10

Kósꞌe̱ ngayeje xota̱ na̱xi̱ńdá xí ngasee̱ sku̱i̱e̱, nga jún boá xi xota̱ na̱xi̱ńdaá Néná, kó stsa̱kjonní.

Ndeuteronomio̱ 33:17

Jájuún ndíjnú, Efraii̱n ko̱jo Manasee̱, kuí boá xi ꞌniú ngase xikó maá cho̱yojo toro̱ ko̱jo cho̱ búfalo̱. ¡Yáyojójnú boá xi sa̱ꞌínkjiéni ngaskande kondra̱ xi kjin ngase síndoo̱!»

2 Timoo̱ 4:18

Kó Ndi̱a̱ná kꞌo̱xiéꞌána kjo̱a̱a̱ ngayeje ni xi ndajiín, kó kꞌo̱xiéꞌána tsi̱ꞌe̱ nga kui ko̱tíxomana ki̱a̱ ndiꞌakꞌajmii̱. Kui tsi̱ꞌe̱ ngatama kjo̱a̱jee̱ ngatsjéni̱xtjin. Bo̱a̱ kjiꞌi.

Titoo̱ 2:14

kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.

Xota̱ Ebreo̱ 11:21

Ta̱ngatꞌanii̱ kjo̱a̱sꞌijii̱n Jako̱b, kuíni nga ngije ma kꞌien má, katsóyàtjoón nga ngo nga ngo ndií Kosiee̱ nga Néná sa̱ꞌínchikonñéni. Sꞌe̱ jaskan katsꞌéntsjaà Néná nga katsꞌénkjién yánísieé nga kasaxixtien.