Jenesii̱s 48:15 - Xo̱jo̱n eén Néná

¹⁵ Kósꞌe̱ katsꞌénchikonñé Kosiee̱ nga bi̱ katsó: «Kui Néná xi Nee̱ na̱ꞌmindyiboana Abraa̱n, ko̱jo Nee̱ na̱ꞌmina Isaa̱, kui Néná xi tsꞌénbokóna ndi̱yà ngayeje ni̱xtjin nga tikòn an nga̱sondie.

Jenesii̱s 48:15 Iomraidhean Croise

Jenesii̱s 17:1

Kjiꞌanga kamá ichítié ko̱jo yichán nijan noó Abra̱n, Néná jatjokjaà, kó bi̱ katsoó: «Án boá kui Ne xi tsi̱ꞌe̱ ngayeje ngaꞌniuú, ndaꞌyéꞌínní ngatsjéni̱xtjin kó kixi̱ ti̱ńtje̱ ji.

Jenesii̱s 24:20

Kó xi tsá xi boaꞌa iskjitjónyá ndáfoa xi ndyi̱a̱ nisaa̱ ngi̱yaa̱ nínga tikón ngi̱ndie nínga ꞌbi ndáfoa kui cho̱o̱, sꞌe̱ kijíkjaꞌá ngase ngi̱ya ndáńchꞌií, ngaskande nga katsjaá ngayeje cho̱toꞌoyitsꞌeèn.

Jenesii̱s 24:40

Kósꞌe̱ bi̱ katsóna ndi̱a̱na: “Ngatsjéni̱xtjin tsꞌéntꞌièꞌée̱n Néná, kó kuíni nga kuí boá xi sa̱ngíyá ndítsjiee̱ nga kjo̱joo̱ ji, kó nga nda ko̱e̱je̱e̱ ndi̱yà xí tiꞌmi. Ta̱nga jí xí ku̱i̱ndyi̱sée̱ ngo chjo̱on ndína ki̱a̱ ngi̱jii̱n xota̱ xingi̱ án.

Jenesii̱s 27:4

Sꞌe̱ ti̱ꞌindení ngo ti̱bo̱a̱ ni xi nda chinie, ndibéje̱ní tsi̱ꞌe̱ nga skjíni̱e̱ an, kó bo̱a̱ tsꞌén sa̱ꞌinchikonñeé ngindiee̱ nga ko̱yà an.

Jenesii̱s 28:20

Sꞌe̱ jaskan Jakoo̱b bi̱ katsó nga sa̱ꞌínkjatjosón ngo ni: «Tsi Néná ko̱e̱je̱jona, kó tsi skónna ndi̱yà nínga tsꞌénfí an, kó tsi tsja̱ana ni xi skjíni̱e̱ an ko̱jo ńjño xi koajà an,

Jenesii̱s 28:22

Kó kui ndi̱jo̱ xi je iskjininkꞌa an kꞌi̱e̱e̱, kuí boá xi ka̱ma chi̱bo̱a̱a̱ ngi̱ndie nínga ngayeje xi kji̱ndi̱bá tsꞌéndíkón Néná, kó ngayeje ni xi tsja̱ana Néná, tie nga úchán tsja ngiñáa̱ kui».

Jenesii̱s 28:3

Mejénna an nga kui Néná xí tjiín ngaꞌniuú ngatsꞌénchíkonñeé, kó ngatsjaá nga kꞌuieé kjín ndí. Kó ti̱ mejénna nga ngo na̱xi̱ńdá xí ꞌniú je ngatama xota̱ tji̱e̱ tse̱.

Jenesii̱s 35:3

ngatꞌa̱ chjiéngá Betee̱l kongín, tsi̱ꞌe̱ nga ngindyi̱ko̱n Néná konginkíndyiá. Ki̱a̱ boá nínga sa̱ꞌindàa̱ ngo ṉchandikón Néná, tsi̱ꞌe̱ nga tsjàa̱ ndokꞌóchjì, ngatꞌa̱ kuí boá xi asíko̱jona kjiꞌanga kisꞌiena kjo̱a̱xti. Néná boá xi ngatsjéni̱xtjin tsoꞌbájo̱na ndi̱yà xí tsoꞌbá an».

Jenesii̱s 48:16

Kuí boá xi katsangiya ndítsjiee̱, tsi̱ꞌe̱ nga xín katsꞌénkjaꞌána ngayeje ni xi ndajiín. Kui tsꞌénmíꞌáa̱ nga sa̱ꞌínchikonñé kui já xo̱ngo̱ò, kó nga ta̱ngatꞌanii̱ kui nga ngatjaꞌátsjien jaꞌénna, ko̱jo jaꞌeén na̱ꞌmindyiboana Abraa̱n, ko̱jo na̱ꞌmina Isaa̱. ¡Kjín ngatama ndí xí nga sꞌiee̱!»

Jenesii̱s 49:22

»Kó jí Kosiee̱, jí xí xikónií ngo ndi̱je̱ xi kjimaxchá nínga tjín ndáfoa xi tjitjó má. ¡Chíkji̱ ji, kó ꞌmikijintꞌe ji ngo xó!

Jenesii̱s 49:24

ta̱nga ji ngatsjéni̱xtjin nga ꞌniú tikón yáchjonyáa̱, kó jmíni̱xtjin mindiyá tjiàa̱. ¡Ndokꞌóchji̱ì kui Ne xi tsi̱ꞌe̱ ngayeje ngaꞌniuú, kui xi tikóntjoón ko̱jo tsꞌénkoón Israee̱l!

Jenesii̱s 49:28

Bo̱a̱ tsꞌén katsꞌénchikonñé Jakoo̱b nga tiejó ndií. Nga ngo nga ngo kui jaá xi chji̱a̱ni nga tiejó xota̱ tji̱e̱e̱ Israee̱l, katsjaá kui kjo̱a̱niꞌánchikonñé xi tsoboaá.

Jenesii̱s 6:9

Noee̱ ngatsjéni̱xtjin nga tsintꞌiéꞌeén Néná. Ngi̱jii̱n ngayeje xota̱ xi kisꞌie kui ni̱xtjin jàn, kisꞌiejín ingo xota̱ xi bo̱a̱ tsꞌén nda ko̱jo xi kixi̱ kamá xikoó Noee̱.

Xo̱jo̱n Salmoo̱ 16:8

Ngatsjéni̱xtjin nga Néná boá xi tjínjinkon an, ngatꞌa̱ ki̱a̱ tikóntꞌana tjia kixi̱na, kuíni nga jmíjín ni xi kꞌo̱jmina.

Xo̱jo̱n Salmoo̱ 23:1

Néná boá Ndi̱a̱ xi tsꞌénkónna, kó jmí ni chajájínna.

Xo̱jo̱n Salmoo̱ 37:3

Néná ti̱ꞌinꞌnítakín ji, kó ni xi nda ti̱ꞌin ji, ku̱i̱ndyin ji kui tꞌanangii̱, kó ni xi ja̱koxi̱i̱ ti̱ꞌinꞌnítakín ji.

Éksondo̱ 4:5

—Kui nii̱ ti̱ꞌin ji ngindyi̱ko̱n ngito̱ko̱o̱ xota̱ Israee̱l nga. Ngije sku̱i̱e̱ nga yánísieé ye̱ kamá, kjiꞌá boá nga sꞌi̱jii̱n nga je kamáyèní án, kó nga án boá xi Nee̱ xota̱ xi xchaá.

Eklesiastee̱ 5:12

kó ngaskande ngiti̱ foféjín ngatꞌa̱ achichí to̱n je tjiín. Ta̱nga xota̱ xi tsꞌénxaá, ka̱márií tsi tsie ko̱jo tsi chiboa nichinie skji̱ni̱e̱, ta̱nga ata̱ tsjatsꞌèn fofé.

Eklesiastee̱ 5:18

Ta̱nga, jè kamábe an ngo ni xi nda: Nga xi̱ni̱e̱ ko̱jo nga sꞌi̱o̱, ko̱jo nga tsja ka̱máná kjo̱a̱a̱ xá xí niꞌán kꞌi̱e̱ kui nga̱sondie xi katsjáná Néná. Ngatꞌa̱ kuí boá kui nii̱ xi íjñáná Néná.

Eklesiastee̱ 6:7

Ngayeje xá xí tsꞌén xota̱ nga̱sondiee̱, ta̱ tsi̱ꞌe̱ nga skji̱ni̱e̱ ko̱jo nga kꞌuí tsí, kó ngaskande bo̱a̱ tsꞌén jmíni̱xtjin tsiee̱.

Rkaa̱ 1:6

Nga joó nga kixi̱ kisꞌiṉtso̱ma ngindyi̱ko̱n Néná, kó jmíjín xi chꞌo tsꞌén tsíchji̱a̱taꞌin, ngatꞌa̱ katsꞌénkjatjosón kjo̱a̱botíxomaa̱ ko̱jo kjo̱a̱kitii̱ Néná.

1 Xota̱ Korinto̱ 10:31

Kó kuíni, tsi xi̱ni̱e̱jnú, ko̱jo tsi sꞌi̱o̱jnú, ko̱jo tsi kje̱ꞌe ni si̱ꞌánjnú, ngayeje ni xi si̱ꞌánjnú nga ta̱kó kjo̱a̱jee̱ Néná.

2 Xota̱ Korinto̱ 1:12

Tsjá májne̱ nga nda tikón kjo̱a̱kjíntakónjne̱, kó yàjne̱ nga tsjie, ko̱jo nga kixi̱ kisꞌiṉtso̱majne̱ ngi̱jinjnú, ko̱jo ngi̱jii̱n ngayeje xotaa̱, kjiꞌanga bo̱a̱ kiniꞌánjne̱, kjo̱a̱ndaa̱ Néná boá xi tsangíntjingijne̱, jmí tsi xikótsꞌèn tjíjinkon xotaa̱ kui nga̱sondiee̱.

Ndeuteronomio̱ 33:1

Moisee̱ boá xi kamá ngo nda̱ chji̱ni̱e̱ꞌén xí katsꞌénxátꞌaa̱ Néná. Ngindiee̱ nga ko̱yà, katsꞌénchikonñé xota̱ Israee̱l,

Xota̱ Kolosa̱ 2:6

Kó kuíni nga, ngije kiniꞌánjo̱ꞌojnú Jesukristoo̱ kui xi Ndi̱a̱ná, chjiéngá bo̱a̱ tsꞌén kongintjingíjnúu̱ xikoó xota̱ xi kui chji̱a̱ni.

1 Xota̱ Tesalónika̱ 2:12

Kó kiꞌmíyàjne̱ nga kixi̱ ku̱i̱ṉtsomajnú xikótsꞌèn mejeén Néná, kui Néná xí tsíchji̱a̱jnú tsi̱ꞌe̱ nga kui xi ko̱tíxomájnú, kó sa̱kójnú kjo̱a̱jee̱.

Xota̱ Ebreo̱ 11:21

Ta̱ngatꞌanii̱ kjo̱a̱sꞌijii̱n Jako̱b, kuíni nga ngije ma kꞌien má, katsóyàtjoón nga ngo nga ngo ndií Kosiee̱ nga Néná sa̱ꞌínchikonñéni. Sꞌe̱ jaskan katsꞌéntsjaà Néná nga katsꞌénkjién yánísieé nga kasaxixtien.