Jenesii̱s 48:14 - Xo̱jo̱n eén Néná

¹⁴ Ta̱nga Jakoo̱b yejéntie tsja xi kixi̱i̱ kó to̱ko̱ Efraii̱n íjñasoón kui ndí xi kjindií Kosiee̱, kó tsja xi skoón to̱ko̱ Manasee̱ íjñasoón, ta̱ xá bo̱a̱ katsꞌénní ndatsi be nga Manasee̱ boá xi ndí xí tjoón Kosiee̱.

Jenesii̱s 48:14 Iomraidhean Croise

Jenesii̱s 41:51

Kó ndí tjoón Kosiee̱ Manasee̱ ítꞌajaꞌén ngatꞌa̱ bi̱ katsó: «Néná boá xi katsꞌén nga kichíyána ngayeje kjo̱a̱xtina ko̱jo ndiꞌaa̱ na̱ꞌmina».

Jenesii̱s 41:52

Kó ndií xi ma jó Efraii̱n ítꞌajaꞌén ngatꞌa̱ bi̱ katsó: «Néná boá xi katsjána ndí kꞌi̱e̱ nangi nínga achichí kjo̱a̱ni̱ma̱ jaꞌa an».

Jenesii̱s 48:13

Kó Kosiee̱ iskjíbé nga jó ndií, Efraii̱n íjñá nga kixi̱i̱, kó Manasee̱ íjñá nga skoón Jakoo̱b, kó ki̱a̱ índo nínga tikón na̱ꞌmii̱, kó bo̱a̱ tsꞌén Efraii̱n nga skoón Jakoo̱b kisꞌijña kó Manasee̱ nga kixi̱i̱ Jakoo̱b kisꞌijña.

Jenesii̱s 48:17

Tsjajín kamaá Kosiee̱ nga kamábe nga na̱ꞌmii̱ tsja xi kixi̱i̱ íjñasoón to̱ko̱ Efraii̱n, kó jaꞌáxín tsja na̱ꞌmii̱ tsi̱ꞌe̱ nga ko̱síkjo, kó nga tsja xi kixi̱i̱ ku̱i̱ꞌíjñasoón to̱ko̱ Manasee̱,

Jenesii̱s 48:18

kó bi̱ katsoó Na̱ꞌmii̱: —¡Bo̱a̱jín tsꞌén na̱ꞌmi! ¡Manasee̱ boá xi ndí tjónna! ¡Kó kuí boá xi chjiéngá kꞌuíjñisée̱n, ndse̱ xi kixi̱i̱!

Xo̱jo̱n Salmoo̱ 110:1

Néná bi̱ katsoó nda̱ rejne̱: «Kꞌi̱e̱ ti̱ndyintꞌení nínga kixi̱i̱ ngi̱ndie nínga botixoma an, ngaskande nga sa̱ꞌinchaja an kondra̱a̱».

Éksondo̱ 15:6

»Ne tsa̱ꞌa̱n, ngaꞌniúu̱ boá xi kiniꞌínkjín jí nga kiniꞌínkjié ji kondràa̱,

Xki̱ 2:18

»Xtji̱e̱e̱n nínga ꞌbosꞌien tsꞌueé kꞌuíndo xota̱ tji̱e̱e̱ Efraii̱n. Ngito̱ko̱o̱ jájuún, Elisamaa̱ boá, kui xi ndií Amiuu̱nd. Nga kamáxki̱ jájuún, yichán mi̱ masien kamá. »Nga kixi̱i̱ xota̱ tji̱e̱e̱ Efraii̱n, ki̱a̱ ngatꞌíndo xota̱ tji̱e̱e̱ Manasee̱. Ngito̱ko̱o̱ jájuún, Ngamaliee̱l boá, kui xi ndií Pendasuu̱r. Nga kamáxki̱ jájuún, kantié jó mi̱ jó úchán kamá. »Nga skoón xota̱ tji̱e̱e̱ Efraii̱n, ki̱a̱ ngatꞌíndo xota̱ tji̱e̱e̱ Benjaa̱. Ngito̱ko̱o̱ jájuún, Abindaa̱n boá, kui xi ndií Ngindonii̱. Nga kamáxki̱ jájuún, kantjiꞌún mi̱ nijón úchán kamá. »Ngayeje kui jájuún, bandera̱ xi chji̱a̱ni Efraii̱n xí ko̱e̱je̱tji̱ngi. Kó ngayeje jájuún, úchán ko̱jo jin mi̱ úchán jájún kamá. Kó ngayejee̱ nga xi ma jaán tíkjá ko̱e̱je̱tji̱ngi.

Xki̱ 8:10

Kó ki̱a̱ je kꞌuíndo Aaroo̱n ko̱jo xota̱ tji̱e̱e̱, nga kui xi ngito̱ko̱o̱ xota̱ na̱xi̱ńdaá, kó Aaroo̱n bi̱ sa̱ꞌín nga tsja̱axaá nga xá xí tsa̱ꞌa̱n sa̱ꞌín: »Xota̱ Israee̱l ku̱i̱ꞌíjñasoón tsja to̱ko̱ xota̱ tji̱e̱e̱ Lebii̱, sꞌe̱ jaskan kui jaá ku̱i̱ꞌíjñasoón tsja to̱ko̱ nga jó kui cho̱yojo xo̱ngo̱ò. Ngo kui cho̱yojo xo̱ngo̱ò xi si̱ꞌankꞌien tsi̱ꞌe̱ nga kjo̱a̱tjó xi ka̱majetakón jeé ka̱ma, kó xi ingoo̱ kꞌuití ndo̱jò ndójo̱ nganda tsa̱ꞌa̱n. Bo̱a̱ tsꞌén si̱ꞌintsjie ji xota̱ tji̱e̱e̱ Lebii̱. Kó ngije kamá kui nii̱, jè síndonda tsi̱ꞌe̱ nga ta̱ xána xi sa̱ꞌín ki̱a̱ ndiꞌandikoón. »Xota̱ tji̱e̱e̱ Lebii̱ án tsa̱ꞌa̱n ka̱ma, ngatꞌa̱ xota̱ Israee̱l boá xi sa̱ꞌínkꞌasꞌienna ngajoo̱ ndí xí tjoón. Kjiꞌanga katsꞌenkꞌién an ndí tjoón xtín xota̱ Ejiptoo̱, bo̱a̱ kixian an nga ngayeje ndí tjoón xtín xota̱ Israee̱l an tsa̱ꞌa̱n ka̱ma, ko̱jo ngayeje ndí tjoón cho̱ xi tjiín nga. Kó nga ngajoo̱ kui ndí xí tjoón, nga xota̱ tji̱e̱e̱ Lebii̱ xi katsꞌenjo̱ꞌo an. »Kó kuíni nga, tꞌíndetꞌaxín ji xota̱ tji̱e̱e̱ Lebii̱ ngi̱jii̱n xota̱ Israee̱l xi ngasee̱, tsi̱ꞌe̱ nga ngatsjéni̱xtjin kꞌuíndo nga ta̱ xána tsí xi sa̱ꞌín.

Matioo̱ 16:18

Kó kuíni nga an tꞌíxiaán nga jí xí ꞌmií Peé. Nga̱soón kui ndi̱jo̱o̱ ki̱a̱ sa̱ꞌinda an na̱ngo̱xi̱na, kó ngaꞌniuú kjo̱a̱bo̱yaa̱ ka̱májiín sa̱ꞌiín.

Matioo̱ 19:13

Kósꞌe̱ jachóchinií Kjisoo̱ jákjíndí xi̱xi̱ tsi̱ꞌe̱ nga ku̱i̱ꞌíjñasoón tsja, ko̱jo tsi̱ꞌe̱ nga ku̱i̱chji̱a̱tjé, ta̱nga xota̱ tsi̱ꞌe̱ Kjisoo̱ katsꞌénxchánjo̱ xota̱ xi jachójo̱ kui jákjíndií.

Matioo̱ 19:15

Kó Kjisoo̱ ngije íjñasoón tsja kui jákjíndií, jatjo kui ngi̱ndiee̱.

Matioo̱ 6:5

Kó kjiꞌanga ko̱ndókjoée̱ Néná, ngata̱ bo̱a̱jín niꞌín ji xikó tsꞌén xota̱ xi jókje̱e̱n, ngatꞌa̱ achichí tjó maá nga chji̱a̱a̱ Néná, nga mindyiakixi̱ ki̱a̱ ndiꞌa nínga ndokjo̱a̱ eén Néná ko̱jo nijon ndi̱yàtié, tsi̱ꞌe̱ nga ngayeje xota̱ xi sku̱i̱e̱, ja̱koxi̱ ni xi xiánjnúꞌun nga kui xotaa̱, jè tjisákó yejee̱ ni xi tsoboaá nga sa̱ko̱ó.

Rkaa̱ 13:13

Kó Kjisoo̱ íjñasoón tsja kui xota̱chjo̱on, kó tji̱e̱nmá kisꞌijñakixi̱, kó kui xota̱chjo̱on ítsꞌi̱yanii̱ nga katsjaá kjo̱a̱je Néná.

Rkaa̱ 4:40

Kó nga tsꞌatjé tsꞌueé, ngayeje xota̱ xi tjín xkjín xi tjiín chiꞌin xi kꞌi̱e̱ xi ngaján jachóchinií Kjisoo̱, kó kuí katsꞌénjo̱ nga ngo nga ngo kui xotaa̱, kó kamándayaa̱.

Ni xi kamá 13:3

Kósꞌe̱ ngije tsíchji̱a̱a̱ Néná, ko̱jo ngije jaꞌa nga kisꞌińdo kjindiá, ngayeje kui xota̱ na̱ngo̱xi̱i̱ íjñasoón tsja, sꞌe̱ katsꞌénkjí.

Ni xi kamá 6:6

kui jaá xi tsangínjo̱ nínga síndo já apostroo̱, kó tsíchji̱a̱tjé, ko̱jo yejénnié tsja.

Ndeuteronomio̱ 34:9

Moisee̱ ngindiee̱ nga ko̱yà, íjñasoón tsja to̱ko̱ Josuee̱, kó Néná íkitsie maá kjo̱a̱kjínkón Josuee̱. Kuíni nga xota̱ Israee̱l tsintꞌiéꞌeén Josuee̱, kó katsꞌénkjatjosón kjo̱a̱botíxoma xi Néná katsjaá Moisee̱.

1 Timoo̱ 4:14

Ti̱ꞌinkjìn jí kui kjo̱a̱nda xi tikoón xi katsjaá Néná kui xi katsóyàtjón já chji̱ni̱e̱ꞌe̱én, kjiꞌanga xota̱ xi xchaá na̱ngo̱xi̱i̱ íjñasoón tsja.

1 Timoo̱ 5:22

Ngata̱ ta̱xkiya boeꞌéxéjíi̱n ngo nda̱ nga kꞌuíjñisée̱n ndse̱, ngatꞌa̱ tsi ta̱, ta̱ chiboa ko̱e̱ꞌéxée̱ ko̱jo ji nijan si̱ꞌinjéje̱. Tsjietsꞌén tindyin kjo̱a̱a̱ ngayeje ni xi ndajiín.