Jenesii̱s 48:12 - Xo̱jo̱n eén Néná

¹² Kósꞌe̱ Kosiee̱ jaꞌáxín boaꞌá ndií nínga tikón tikoó na̱ꞌmii̱, sꞌe̱ asiéntikoó Kosiee̱ kje̱n na̱ꞌmii̱ ngaskande nga kisitꞌaa̱ kje̱n tꞌanangii̱.

Jenesii̱s 48:12 Iomraidhean Croise

Jenesii̱s 18:2

Kó ta̱niján má iskjininkꞌa kje̱n, kó kamábe ján já xí síndo tiña nínga tikón kui, kó tsanga má jataxie nga kijíkóntiñaa̱, kó nga jachókoón asiéntikoó ngaskande nga kisitꞌaa̱ xtjien tꞌanangii̱ nga kamábendikón kui jaá.

Jenesii̱s 19:1

Kó ngije kjimangixoón jachó jó kui já ndítsjiee̱ ki̱a̱ na̱xi̱ńdáꞌniú Sondoma̱, kó Loo̱t ki̱a̱ xió tikóntꞌa nga̱ntjo̱a̱a̱ na̱xi̱ńdáꞌniú Sondoma̱, kó nga kamábe Loo̱t kui já ndítsjiee̱, jastjíe̱n nga kijítsꞌentínde, kó asiéntikoó ngaskande nga kisitꞌaa̱ xtjien tꞌanangii̱ nga kamábendikón kuí jaá,

Jenesii̱s 23:7

Kósꞌe̱ Abraa̱n jastjíe̱n, kó kamábendikón kui xota̱ Ee̱t,

Jenesii̱s 33:3

Sꞌe̱ Jakoo̱b kisꞌijñatjón, kó tji̱e̱nga tsꞌénfíkón tiñaa̱ ntsꞌi̱e̱, yito ndi̱yà asiéntikoó Jakoo̱b nga kisitꞌa maá xtjien tꞌanangii̱ nga kamábendikón Esauu̱.

Jenesii̱s 42:6

Nga jachó já ntsꞌi̱e̱ Kosiee̱ ki̱a̱ nangi Ejipto̱, kixindyiańña ngaskande nga kisitꞌaa̱ kje̱n tꞌanangii̱ nga kamábendikón Kosiee̱, ngatꞌa̱ kuí boá xi xtitjoón kui na̱xi̱ńdaá, kó kuí boá xi atíñaá to ndso̱ko̱a̱n ṉño̱pan ngayeje na̱xi̱ńdá xí tjín nga̱sondiee̱.

Jenesii̱s 48:11

Kósꞌe̱ Jakoo̱b, bi̱ katsoó Kosiee̱: —Jè ngiti̱ katsꞌenkjójín an tsi skuie ngase an kje̱n ji, kó ngotꞌe̱ ꞌne̱ Néná ngaskande ndíi̱ je akóna.

Jenesii̱s 48:13

Kó Kosiee̱ iskjíbé nga jó ndií, Efraii̱n íjñá nga kixi̱i̱, kó Manasee̱ íjñá nga skoón Jakoo̱b, kó ki̱a̱ índo nínga tikón na̱ꞌmii̱, kó bo̱a̱ tsꞌén Efraii̱n nga skoón Jakoo̱b kisꞌijña kó Manasee̱ nga kixi̱i̱ Jakoo̱b kisꞌijña.

Éksondo̱ 20:12

»Ndaꞌyáꞌénjnúu̱ ko̱jo chónjnúu̱ na̱ꞌmijnú ko̱jo na̱anjnú. Kó bo̱a̱ tsꞌén nga kjín nó ka̱majnú nga ku̱i̱ndyionjnú kui na̱xi̱ńdá xi an tsjajnúꞌun.

Éksondo̱ 34:8

Ti̱ kjiꞌa kisꞌijñaxtien Moisee̱ ngaskande nga kisitꞌaa̱ kje̱n tꞌanangii̱ nga katsꞌéntsjaà Néná,

Énkjínkón 31:28

Ndií achichí tsjá tsoó kjo̱a̱a̱ ni xi tsꞌén, kó xi̱ꞌii̱n tsꞌéndíkón má nga bi̱ tsoó:

Lebitiko̱ 19:3

»Cha̱ndikónjnú na̱anjnú ko̱jo na̱ꞌmijnú, kó cha̱ndikónjnú ni̱xtjin nga niꞌánkjaꞌyaá. Án boá xi Nee̱ xota̱ Israee̱l.

Lebitiko̱ 19:32

»Kjiꞌanga ngindyi̱ko̱n ngo xota̱ xi xchaá tindyiónjnú, ko̱jo tsi ngindyi̱ko̱n ngo xota̱ xi xchá ngase ta̱bo̱a̱jiín jún, cha̱ndikónjnú, kó ti̱ndyiakixi̱jnú.

Xota̱ Éfeso̱ 6:1

Jún xi ndí jún xi sꞌijinjnú Ndi̱a̱ná, ndaꞌyáꞌénjnúu̱ xi xchájnú, ngatꞌa̱ kuí nii̱ xi kixi̱ ngindyi̱ko̱n Néná.