Jenesii̱s 47:6 - Xo̱jo̱n eén Néná

⁶ ka̱machje̱ꞌéjin ji tꞌanangi xi mejeén tsi̱ꞌe̱ nga kꞌi̱e̱ kꞌuíndo kui na̱xi̱ńdaá. Te̱ꞌée̱ tꞌanangi xi nda ngasee̱, ki̱a̱ ngatꞌíndo nangi Ngosee̱n. Kó tsi tjín kuí jaá xi ꞌniú maá xá xí tsꞌén, te̱ꞌéxée̱ kó kuí nga koo̱n cho̱ xi tsa̱ꞌa̱n.

Jenesii̱s 47:6 Iomraidhean Croise

Jenesii̱s 13:10

Kó Loo̱t askotsijen nga ngo foaꞌatjiyajoo̱n, kó kamábe tꞌanangi són xi tikóntꞌa ndejèꞌ Jorndaa̱n nga tjín síkijí ndáfoa ki̱a̱a̱, ngatꞌa̱ ngindiee̱ nga sa̱ꞌínkjié Néná na̱xi̱ńdáꞌniú Sondoma̱ ko̱jo Ngomorra̱, ngayeje kui ngi̱ndie són xi ꞌmí Soaa̱r achichí tsjachon kamá, xikó maá Endee̱n, kui ngi̱ndie nínga tjitjíe̱ yá tjié xi tjón katsꞌénda Néná, kó achichí ni kamáxchá ki̱a̱a̱, xikó maá tꞌanangi nínga kisꞌijña na̱xi̱ńdá Ejipto̱.

Jenesii̱s 13:9

Tjín ngindie ngayeje tꞌanangii̱ nínga ka̱ma si̱ꞌankjién, kuíni nga ꞌniú míꞌaá nga ta̱sá xín tꞌen ji. Tsi xtji̱e̱e̱n ndsa̱ xí skoón kꞌuin jí, xtji̱e̱e̱n ndsa̱ xí kixi̱i̱ kjuín án, kó tsi xtji̱e̱e̱n ndsa̱ xí kixi̱i̱ kꞌuin jí, xtji̱e̱e̱n ndsa̱ xí skoón kjuín án. ¡Ta̱nga chjiéngá kja̱xín kja̱xín kongín!»

Jenesii̱s 20:15

Kó bi̱ katsó Abimelee̱k: —Jéꞌe̱n kꞌi̱e̱ tikón na̱xi̱ńdána kꞌi̱e̱e̱, ka̱machje̱ꞌéjin ji ta̱ nínga mejeénri kó ki̱a̱ ka̱ma ku̱i̱ndyin ji.

Jenesii̱s 34:10

Kó ti̱ ka̱ma kꞌi̱e̱ ku̱i̱ndyionjnú ngi̱jii̱n xota̱jne̱. Kꞌi̱e̱ tikón kui na̱xi̱ńdaá: ¡ka̱ma kꞌi̱e̱ ku̱i̱ndyionjnú, tangínjnú ta̱ nínga mejénjnú, kó ka̱ma si̱ꞌantsiéjnú tꞌanangi kꞌi̱e̱e̱ nga!

Jenesii̱s 45:10

Bo̱a̱ tꞌínjnúu̱ nga ki̱a̱ kꞌuijñá nangi Ngosee̱n, kó ki̱a̱ nijan kꞌuíndo ndií, ndíndee̱, ko̱jo ngayeje cho̱o̱ ko̱jo ni xi tjiín. Kó ki̱a̱ kꞌuijñátꞌa tiñana.

Jenesii̱s 46:34

bo̱a̱ tꞌínjnúu̱ nga ndeskande koó ngasꞌe̱ nga cho̱ niꞌánxchájnú xikó katsꞌén xota̱ xi xchájnú, tsi̱ꞌe̱ nga ki̱a̱ ku̱i̱ndyionjnú nangi Ngosee̱n. Kjo̱a̱a̱ nga xota̱ Ejiptoo̱ tsjajiín nga tiña ꞌbíndo nínga síndo xota̱ xi koo̱n cho̱tsa̱nga̱a̱.

Jenesii̱s 47:11

Kó Kosiee̱ katsꞌénkjatjosón ni xi katsó nda̱ ree̱, kó ki̱a̱ katsꞌénkꞌíndo na̱ꞌmii̱ ko̱jo já ntsꞌi̱e̱ tꞌanangi xi nda ngasee̱ nangi Ejipto̱. Ki̱a̱ kisꞌińdo kui xotaa̱ nangi Ngosee̱n, kui xi jaskan nangi Ramsee̱ kiꞌmí ngijee̱.

Jenesii̱s 47:16

Kó Kosiee̱, bi̱ katsoó kui xotaa̱: —Tsi ngiti̱ jmíjínjnú to̱n, ndibájo̱jnú cho̱ xi tjínjnú, kó to ndso̱ko̱a̱n ṉño̱pan kositꞌajo̱jnúꞌun.

Jenesii̱s 47:4

Kꞌi̱e̱ jéꞌe̱kindyion ngotjónjne̱ kui ngi̱ndiee̱, ngatꞌa̱ jè ngiti̱ jmí ni chiniejín nangi Kanaa̱n, kó ti̱ jè ngiti̱ jmí ndi̱xcho̱jiín cho̱ xi tjínjne̱ nga. ꞌNiú chjiáꞌájne̱ ji nga ko̱e̱ꞌéndièjne̱ nga ki̱a̱ ku̱i̱ndyionjne̱ nangi Ngosee̱n.

Jenesii̱s 47:5

Kósꞌe̱ nda̱ ree̱, bi̱ katsoó Kosiee̱: —Kó nga na̱ꞌmíi̱ ko̱jo ntsꞌie ji, kꞌi̱e̱ jeꞌekꞌíndojoo̱,

Éksondo̱ 18:21

»Tsi̱ꞌe̱ nga ka̱maa̱ si̱ꞌin ji ngayeje kui nii̱, chje̱ꞌéjin ji jáxíꞌín ngi̱jii̱n xota̱ Israee̱l xi ka̱maa̱ ko̱síko̱joo̱. Ti̱ndyi̱sé ji xota̱ xi ka̱maa̱ sa̱ꞌín ngo xá, xi ntꞌiéꞌeén Néná, xi ndisojín, ko̱jo xi xke̱éto̱njín tsi̱ꞌe̱ nga kjo̱a̱ndaa̱ ngo xota̱ ko̱e̱je̱. Te̱ꞌée̱ xá nga ngito̱ko̱ ngatama, tjín xí nga tsꞌenseén ngo mi̱ xota̱, kje̱ꞌe xí nga tsꞌenseén úchán xota̱, kje̱ꞌe xí ichítié, kó kje̱ꞌe xí tie xota̱ nga tsꞌenseén nga ngo nga ngo.

Éksondo̱ 18:25

Kó jaꞌájin Moisee̱ jáxíꞌín xi ka̱maa̱ ko̱síko̱jo, kó katsjáxaá nga kui xi sa̱ꞌíndajin kjo̱a̱xtii̱ xota̱ na̱xi̱ńdaá. Tjín xí ngo mi̱ xota̱ katsꞌénseén, tjín xí úchán katsꞌénseén, tjín xí ichítié katsꞌénseén, ko̱jo tjín xí tie xota̱ katsꞌénseén nga.

Éksondo̱ 9:10

Kó Moisee̱ ko̱jo Aaroo̱n iskjíbé ndisoo̱, kó kijíkoón nda̱ ree̱. Nga jachó ngindyi̱ko̱n nda̱ ree̱, Moisee̱ iskjíbé kuí ndisoo̱ kó iskjitjón xtji̱e̱e̱n nkꞌa jàn, kó kuí ndisoo̱ xi katsꞌén nga xota̱ Ejiptoo̱ ko̱jo cho̱ tji̱e̱é tsajaá ṉdo xi on tji̱xin yojoo̱. Kó já tjiꞌee̱ nde ngiti̱ jachójín nínga tikón Moisee̱ nga sa̱ꞌínkjién kjo̱a̱tjiꞌee̱ tsi̱ꞌe̱ nga ti̱ bo̱a̱ ti̱ sa̱ꞌín, ngatꞌa̱ ngaskande kui tsajaá ṉdo ngayeje yojoo̱ nga.

Éksondo̱ 9:21

Ta̱nga kje̱ꞌe xota̱ xi kisꞌijinjiín ni xi kiꞌmií, kó ki̱a̱ índo mosoo̱ ko̱jo cho̱o̱ ki̱a̱ ngi̱jin kꞌijñaá.

Énkjínkón 21:1

Ngi̱ya tsja Néná, ini̱ma̱a̱ ree̱, xikónií ngo ndejèꞌ, xi fí ndi̱yà xí mejeén Néná nga ko̱e̱je̱.

Énkjínkón 22:29

Kjiꞌanga xchi̱e̱ ji ngo xota̱ xi nda tjítsꞌén xaá, jmí tsi ta̱xkiya xota̱ xi sa̱ꞌínxátꞌaa̱, nda̱ ree̱ boá xi kjo̱chótsꞌénxátꞌaa̱.

Juaa̱ 17:2

xikótsꞌèn katseꞌéní xá nga án kotixomáa̱ xotaa̱, ko̱jo tsi̱ꞌe̱ nga an tsjàa̱ kjo̱a̱mindyion ngatsjéni̱xtjii̱n ngayeje xota̱ xi ji katseꞌée̱.