Jenesii̱s 47:29 - Xo̱jo̱n eén Néná

²⁹ Ngije makjachó ni̱xtjin nga ko̱yà, tsíchji̱a̱a̱ Kosiee̱ kui xi ndií, kó bi̱ katsoó: —Ngo kjo̱a̱nda kuíꞌaá xi̱ꞌin, kó ngiboanéná tꞌín ji nga si̱ꞌinkjatjosén ji. Tsi ja̱koxi̱ nga tjoó an, ngiboanéná tꞌín ji nga ngije ko̱yà an, nga kꞌi̱e̱jín kjónijínní nangi Ejipto̱.

Jenesii̱s 47:29 Iomraidhean Croise

Jenesii̱s 24:2

Ngo ni̱xtjin Abraa̱n tsíchji̱a̱a̱ nda̱ mosoo̱ xi ꞌniú xchaá kui xi botixómaá ngayeje ni xi tjiín, kó bi̱ katsoó: —Tꞌíjñí ji ndse̱ ngindie ti̱ꞌmina, ngatꞌa̱ ngo ni kꞌuínda xí mejénna nga si̱ꞌinkjatjosén ji.

Jenesii̱s 24:49

Ngotꞌe̱ ꞌne̱, tꞌíyájnúꞌun tsi ka̱maꞌniátakónjnú ko̱jo tsi nda si̱ꞌanjo̱jnú ndi̱a̱na, kó tsi jmí, ti̱ tꞌíyájnúꞌun nga, ki̱a̱ ka̱maa̱ nga skuie an míra̱ ni xi sa̱ꞌin an ngijee̱.

Jenesii̱s 27:2

kó bi̱ katsoó: —Ji xi̱ꞌin, jè ꞌniú xchá án, kó jè ta̱ bi̱ má tji̱e̱n kjo̱chó ni̱xtjin nga ko̱yà an.

Jenesii̱s 3:19

»Tsie kjo̱a̱ni̱ma̱ ku̱i̱tja̱tí nga si̱ꞌinxé jí tsi̱ꞌe̱ nga sa̱ko̱ó ni xi xi̱ni̱ ji. Bo̱a̱ ka̱ma ngaskande ni̱xtjin nga ko̱yè jí, kó ka̱ma nginí ji chojo, ngatꞌa̱ chojoo̱ boá xi katjóbé nga kamánda ji. Ngatꞌa̱ ta̱ chojo tsí jí, ¡kó chojo ka̱ma nginí ji!»

Jenesii̱s 47:9

Kó Jakoo̱b, bi̱ katsoó nda̱ ree̱: —Úchán ko̱jo kantié nó tjínna nda̱ re nga ja̱kꞌi̱e̱ ja̱ngaján tsꞌénfí an. Ndatsi tsie kjo̱a̱ni̱ma̱ tsꞌénfoaꞌatio an, ta̱nga kji̱e̱ fochójín an xikó kjiꞌi nó kisꞌińdo xota̱ xi xchána.

Jenesii̱s 48:21

Jaskan Jakoo̱b, bi̱ katsoó Kosiee̱: —Jè ta̱ chiboa tsí ni̱xtjin chajana nga ko̱yà án, ta̱nga Néná kꞌuijñájo̱jnú, kó kuí boá xi kjo̱jo nginií nangii̱ na̱ꞌmindyiboáa.

Jenesii̱s 50:12

Kó jaá Jakoo̱b kijíjo̱ yojoo̱ na̱ꞌmii̱ ki̱a̱ nangi Kanaa̱n, kó ki̱a̱ ínijín ti̱xa̱na̱xi̱ xi tikón kꞌijñá Makpelaa̱, kui xi tsꞌatsiee̱ Abraa̱n nda̱ itita̱ xi ꞌmí Efroo̱n, tsi̱ꞌe̱ nga ki̱a̱ kjónijín xkjín. Kui ti̱xa̱na̱xi̱i̱ ki̱a̱ tikóntꞌa kꞌijñá Mamree̱. Kó bo̱a̱ tsꞌén jatjosón ni xi tsíꞌá na̱ꞌmii̱ ngindiee̱ nga ko̱yà.

Jenesii̱s 50:5

nga na̱ꞌmina ngije mejeén ma kꞌien, nga ngiboanéná tꞌín ji katsóna, nga ki̱a̱ konijín an kui nga̱tsjo̱ó xí je íjñanda kui, kui xi tikón nangi Kanaa̱n. Kó kuíni nga ꞌniú míꞌáa̱ nda̱ ree̱ nga tsja̱ndièna nga kjuínkánijín an na̱ꞌmina, kó ngije kamá, kji̱ndi̱bá ngiñá an kꞌi̱e̱e̱.

Joo̱b 14:14

Tsi ko̱yà xota̱ nga̱sondiee̱, a kꞌuijñá nginí. Ngayeje ni̱xtjin nga kotíjña̱ an, skoya an, ngaskande nga sꞌi̱jñandé án kjo̱a̱a̱ kjo̱a̱bo̱yaa̱.

Joo̱b 30:23

kó jè be án nga kjiꞌa kjo̱chó ni̱xtjin ki̱a̱ kꞌuínje̱ní kjo̱a̱bo̱yaa̱, nínga tikón ngi̱ndie nínga ku̱i̱ndyionjne̱ ngatsjéni̱xtjin.

Joo̱b 7:1

»Achichí ꞌniú xá xí niꞌán nga tindyión kuí nga̱sondiee̱, kó ni̱xtjinná xikónií ni̱xtjii̱n ngo nda̱ xi tsꞌénxá ngi̱jin jno̱o̱.

Xo̱jo̱n Salmoo̱ 49:7

Nde ngojín kui xotaa̱ xi ka̱maa̱ kꞌo̱xiéꞌá ngo ntsꞌi̱e̱, ti̱nde ka̱májiín ku̱i̱ꞌíchjií Néná tsi̱ꞌe̱ nga kꞌo̱xiéꞌá,

Xo̱jo̱n Salmoo̱ 49:9

Tsi̱ꞌe̱ nga kꞌuijñá ngatsjéni̱xtjin, kó nga jmíni̱xtjin kjo̱tsòn.

Xo̱jo̱n Salmoo̱ 6:5

Ngatꞌa̱ jmíjín xi kjo̱a̱ꞌátsjiee̱n ji ki̱a̱ nínga síndo xota̱ xi je jesoón, kó ki̱a̱ nga̱tsjo̱ó, ꞌyá xí sa̱ꞌíntsjaá jí.

Xo̱jo̱n Salmoo̱ 89:48

ꞌYá xota̱ nga̱sondie xi kꞌuijñá nga sku̱i̱e̱jín kjo̱a̱bo̱yaa̱, ꞌyá xi ka̱maa̱ kꞌo̱xiéngí yojoo̱ ngi̱yaa̱ nga̱tsjo̱ó.

Ndeuteronomio̱ 31:14

Ngije kamá kui nii̱, Néná bi̱ katsoó Moisee̱: «Jè má kjachó ni̱xtjin nga ko̱yè jí. Kuíni nga mejénna nga ji, ko̱jo Josuee̱ kongínjnú ki̱a̱ ndiꞌandikoón, tsi̱ꞌe̱ nga an xiyàjnúꞌun ni xi si̱ꞌánjnú». Kó Moisee̱ ko̱jo Josuee̱ kijí ki̱a̱ ndiꞌandikoón,

Ndeuteronomio̱ 31:16

Kó Néná bi̱ katsoó Moisee̱: «Jè tsá ko̱yà jí. Kó ngije ka̱ma kui nii̱, xota̱ Israee̱l jè ngiti̱ ka̱mamejénjiín ku̱i̱ntꞌiéꞌénna, kó ne xi kuijín xi tsi̱ꞌe̱ kui xota̱ xi síndo kui tꞌanangii̱ xi sa̱ꞌíndikón. Ku̱i̱ꞌíjñámasienna kó sa̱ꞌínkjatjosónjín kjo̱a̱ꞌbínda xi je kiniꞌán ji ko̱jo an.

Xota̱ Ebreo̱ 11:22

Ta̱ngatꞌanii̱ kjo̱a̱sꞌijii̱n Kosiee̱, kuíni nga ngije ma kꞌien má, bo̱a̱ katsó nga xota̱ Israee̱l sájín kjo̱tjoni nangi Ejipto̱, kó atíxomaa̱ kjo̱a̱a̱ kó sa̱ꞌiín kui xotaa̱ ńdaa̱.

Xota̱ Ebreo̱ 9:27

Xikó tsꞌén tikón nga ngayeje xotaa̱ nga ta̱ ngo tsí ndi̱yà ko̱yà, sꞌe̱ jaskan Néná ka̱tso̱yà tsi nda ko̱jo tsi ndajín katsꞌén.