Jenesii̱s 47:24 - Xo̱jo̱n eén Néná

²⁴ Kó kuíni nga ngije ka̱maxchá ni xi kꞌuítji̱e̱jnú, ngo nga ún tjiín kui nii̱ xi nda̱ ree̱ si̱ꞌankꞌasꞌienjnúu̱, kó xi ngi nijón nga ún tjiín, tsa̱jún ka̱ma. Ki̱a̱ chjábénijnú xojmá xí ka̱ma kꞌuítji̱e̱jnú, kó ko̱jo kui xi̱ꞌba̱ xi ka̱ma xi̱ni̱e̱jnú jún ko̱jo ndíjnú.

Jenesii̱s 47:24 Iomraidhean Croise

Jenesii̱s 14:20

Kui Néná xi tikón nkꞌa jàn, kuí xí tsoboaá ngayeje kjo̱a̱niꞌántsjaà, ngatꞌa̱ kuí boá xi katsjaá nga kiniꞌín ji nga ikixkánje̱ ji kondraa̱». Ti̱ kjiꞌa Abra̱n katsjaá Melkisendee̱k tie nga úchaán ngayeje ni xi katsꞌén kui kjo̱a̱xcha̱án.

Jenesii̱s 14:21

Kó nda̱ re xi chji̱a̱ni Sondoma̱, bi̱ katsoó Abra̱n: —Chjábé jí ngayeje ni to̱nsinieé, ta̱nga te̱ꞌéꞌoyé nginí xotaa̱.

Jenesii̱s 28:22

Kó kui ndi̱jo̱ xi je iskjininkꞌa an kꞌi̱e̱e̱, kuí boá xi ka̱ma chi̱bo̱a̱a̱ ngi̱ndie nínga ngayeje xi kji̱ndi̱bá tsꞌéndíkón Néná, kó ngayeje ni xi tsja̱ana Néná, tie nga úchán tsja ngiñáa̱ kui».

Jenesii̱s 41:34

Kó ti̱ bo̱a̱ xiaan ji nga nda̱ re, nga kꞌuíndetjén ji xota̱ kui na̱xi̱ńdaá xi kjo̱a̱ꞌátikó ngo nga ún tjiín ngayeje ni xi ka̱maxchá kui xi yito nó nga tsie ni ka̱maxchaá.

Jenesii̱s 47:23

Kósꞌe̱ Kosiee̱, bi̱ katsoó xota̱ Ejiptoo̱: —Kꞌi̱e̱ tikónjnú xojmá tsi̱ꞌe̱ nga kꞌuítji̱e̱jnú tꞌanangijnú. Ta̱nga ngatjaꞌátsjienjnú nga ngotꞌe̱ jè tsꞌatsiejnúꞌun jún ko̱jo tꞌanangijnú, kó ngotꞌe̱ ꞌne̱ jè nda̱ ree̱ ndokjo̱a̱nijnú.

Jenesii̱s 47:25

Kó xota̱ Ejiptoo̱, bi̱ katsoó: —Ji nda̱ xtitjón: ¡jí boá xi kaꞌnaxiéꞌéjne̱! ¡Kó kuíni nga ngotꞌe̱ ꞌne̱ te̱ꞌéndièjne̱ nga mosoo̱ nda̱ ree̱ ka̱majne̱!

Xo̱jo̱n Salmoo̱ 112:5

Xota̱ xi ndaa̱ achichí ndaxota̱ ma: tsꞌénkíyaà to̱n xota̱ xi míyaá, kó achichí kixi̱ tsꞌén xá xí tsꞌén.

Xo̱jo̱n Salmoo̱ 41:1

Achichíra̱tsjaa̱ xota̱ xi nda̱ maa̱ xota̱ ni̱ma̱a̱, ngatꞌa̱ kjiꞌanga kji̱ndi̱bá ni̱xtjin xi ndajiín, Néná boá xi kꞌo̱xiéꞌá.

Lebitiko̱ 27:30

»Tie nga úchaán ngayeje ni xi ikꞌítji̱e̱jnú tꞌanangijnú, ko̱jo to xi tsjá yá tjiéjnú xi an tsoboána. Kó ti̱ tie nga úchaán cho̱yojo, ko̱jo cho̱tsa̱nga̱ xi niꞌánxchájnú xi an tsoboána nga. Xi ka̱mamejeén skjíbé nginí kui cho̱o̱, chjiéngá ngi kan nga úchán ko̱ósoón kui to̱n xi ku̱i̱ꞌíchjií, kjo̱a̱a̱ xikó tjín kisꞌinda chjií kui cho̱o̱.

Ndeuteronomio̱ 14:22

»Xki̱ nó xki̱ nó chjiéngá Néná si̱ꞌankꞌasꞌienjnúu̱ tie nga úchaán ngayeje ni xi ka̱maxchájnú, ko̱jo ni xi si̱ꞌánjnú. ¡Ngatsjéni̱xtjin ti̱ꞌankjatjosónjnú kui nii̱! Chjiéngá ko̱e̱ꞌéjnú tie nga úchaán xojmá xí ka̱maxchájnú, ko̱jo tie nga úchaán bino̱ xi si̱ꞌandajnú, ko̱jo tie nga úchaán isti̱ xi si̱ꞌandajnú. Kó ti̱ chjiéngá si̱ꞌankꞌasꞌienjnúu̱ Néná ndí xí tjón kꞌuieé cho̱yojojnú ko̱jo cho̱tsa̱nga̱jnú. »Sꞌe̱ ngo ni̱xtjin xá kꞌuijñáni nga xi̱ni̱e̱jnú kui nii̱. Kjiꞌanga si̱ꞌánjnú kui nii̱, ngayejejnú chjiéngá xcha̱ndikónjnú ko̱jo si̱ꞌantjójnú Néná ngatsjéni̱xtjin. Kui ni xi si̱ꞌánjnú chjiéngá ki̱a̱ si̱ꞌánjnú ki̱a̱ nínga Néná kjo̱a̱ꞌájin tsi̱ꞌe̱ nga ki̱a̱ kꞌuijñá ndiꞌandikoón.

Ndeuteronomio̱ 26:12

»Xki̱ ján nó kꞌuijñátꞌaxínjnú tie nga úchaán ngayeje ni xi kamáxchájnú, kó kui nii̱ chináꞌmii̱ te̱ꞌéjnúu̱, ko̱jo xota̱ xi ta̱ ngotjón síndo ki̱a̱ na̱xi̱ńdaá, ko̱jo xota̱ xi xꞌi̱a̱n, ko̱jo ínchjín kꞌán xi je kꞌien xi̱ꞌii̱n xi ki̱a̱ síndojinjnú. Kó bo̱a̱ tsꞌén nga ki̱a̱ nangijnú ngojín xi kjindiá kjo̱a̱ꞌa.