Jenesii̱s 47:22 - Xo̱jo̱n eén Néná

²² Ta̱nga Kosiee̱ tsꞌatsiejín tꞌanangi xi tsi̱ꞌe̱ chináꞌmii̱, ngatꞌa̱ já chináꞌmii̱ atíñájín, kjo̱a̱a̱ nga nda̱ ree̱ ngatsjéni̱xtjin katsangiyaa̱ ngo tjín to ndso̱ko̱a̱n ṉño̱pan, kó ngaskande tsꞌangii̱ nichinie kui jaá.

Jenesii̱s 47:22 Iomraidhean Croise

Jenesii̱s 14:18

Kui ngi̱ndiee̱ Melkisendee̱k ree̱ nangi Salee̱n ko̱jo chináꞌmii̱ Néná xi tikón nkꞌa jàn tsꞌaxié pan ko̱jo bino̱ xi yaꞌa, kó katsjaá Abra̱n,

Jenesii̱s 41:45

Kósꞌe̱ nda̱ ree̱ asíkjoo̱ jaꞌeén Kosiee̱ kó Safenat Panea̱ ítꞌajaꞌén, kó na̱ Asenaa̱t, tsa̱kji̱ín nda̱ xi ꞌmí Potiferaa̱ kui xi chináꞌmii̱ Oo̱n katsjaá nga kui xi chjo̱ón Kosiee̱ ka̱ma. Jaskan ngije kamá kui nii̱, Kosiee̱ kijíkatsijee̱n ngayeje nangi Ejipto̱.

Jenesii̱s 41:50

Kó jó ndí kisꞌiee̱ Kosiee̱ ngindiee̱ nga kjindibá kui kjindiaá, ndí xí yeꞌé na̱ Asenaa̱t.

Jenesii̱s 47:21

kó ngayeje xota̱ xi chji̱a̱ni nangi Ejipto̱ xi mosoo̱ nda̱ ree̱ kamá nga. Kosiee̱ boá xi katsꞌén ngayeje kui nii̱.

Jenesii̱s 47:23

Kósꞌe̱ Kosiee̱, bi̱ katsoó xota̱ Ejiptoo̱: —Kꞌi̱e̱ tikónjnú xojmá tsi̱ꞌe̱ nga kꞌuítji̱e̱jnú tꞌanangijnú. Ta̱nga ngatjaꞌátsjienjnú nga ngotꞌe̱ jè tsꞌatsiejnúꞌun jún ko̱jo tꞌanangijnú, kó ngotꞌe̱ ꞌne̱ jè nda̱ ree̱ ndokjo̱a̱nijnú.

Jenesii̱s 47:26

Kó kuíni nga Kosiee̱ ngo kjo̱a̱kiti katsꞌénda nangi Ejipto̱, nga ngo nga ún bo̱a̱ kjiꞌi ni xi maxchaá xi si̱ꞌankꞌasꞌiee̱n nda̱ ree̱. Kó ndeskande ni̱xtjin nga kamánda kui kjo̱a̱kitii̱, kó ngaskande ngotꞌe̱ nga tjíniꞌánkjatjosón. Ta̱ kuí tsi tꞌanangi xi tsi̱ꞌe̱ chináꞌmii̱ xi tsi̱ꞌe̱ nda̱ ree̱jín kamá.

Matioo̱ 10:10

ti̱nde nga chꞌiájínjnú stsa tsi̱ꞌe̱ ndi̱ya̱à, ti̱nde nga chꞌiájínjnú jó ꞌniú ńjño, ti̱nde ndiétjíbo̱a̱, ti̱nde yánísié, ngatꞌa̱ nda̱ xi tsꞌénxaá tjínrií kjo̱a̱nda nga sa̱ko̱ó ni xi skji̱ni̱e̱.

1 Xota̱ Korinto̱ 9:13

A yàjínjnú nga xi tsꞌénxá na̱ngo̱xi̱i̱ kjinie ni xi tjoꞌósón tsi̱ꞌe̱ na̱ngo̱xi̱i̱, ko̱jo xi ndyi̱tsꞌènxátꞌa ṉchandikoón ti̱ ki̱a̱ sakoó yojoo̱ cho̱ xi niꞌánkꞌién ki̱a̱a̱ nga.

Xota̱ Ngalasia̱ 6:6

Xota̱ xi tjibókoyaá éntjatsi̱e̱e̱ Néná, chjiéngá tsja̱á mostroo̱ chiboa ngayeje kjo̱a̱nda xi sa̱ko̱ó.

Ndeuteronomio̱ 12:19

Ngata̱ ꞌbíjñámasiénjínjnú xota̱ tji̱e̱e̱ Lebii̱ tji̱e̱nga nga ki̱a̱ ku̱i̱ndyionjnú kui tꞌanangii̱.

2 Xota̱ Tesalónika̱ 3:10

Ngatꞌa̱ kjiꞌanga kixindyionjinjne̱ jún, katseꞌéjne̱ ngo kjo̱a̱botíxoma xi bi̱ tsó: Tsi tjín xi mejénjiín sa̱ꞌínxá, jmíjiín kjo̱a̱nda nga ka̱ma skji̱ni̱e̱ nichinie.

1 Timoo̱ 5:17

Xota̱ xi xchá xi síndotjoón na̱ngo̱xi̱i̱ xi nda tsꞌén ndyi̱fíjo̱ xaá, chjiéngá ꞌniú ngase ngatamayandikón, ngase má kui xi ndyi̱ꞌbini̱jmì, ko̱jo xi ndyi̱bokoyá eén Néná.