Jenesii̱s 46:3 - Xo̱jo̱n eén Néná

^3-4 Kósꞌe̱ Néná bi̱ katsoó: «Án boá xi Nee̱ na̱ꞌmíi̱, ngata̱ ndakinjín má ji nga kꞌuin jí nangi Ejipto̱, ngatꞌa̱ án xí kjuínjòo̱. Án boá xi sa̱ꞌin an nga xota̱ tji̱e̱ tse̱ ngo na̱xi̱ńdá xí ꞌniú je ka̱ma. Kó ti̱ án boá xi sa̱ꞌin an nga kꞌi̱e̱ kjoéꞌe̱ nginí ji nangi Kanaa̱n, kó nga ko̱yè jí, ki̱a̱ kꞌuijñátꞌaa̱ Kosiee̱».

Jenesii̱s 46:3 Iomraidhean Croise

Jenesii̱s 12:2

Kó ngo na̱xi̱ńdá xí ta̱nisién je sa̱ꞌin an ngayeje xota̱ tji̱e̱e̱, kó sa̱ꞌinchikonñeé, kó nkꞌa kꞌuijñá an jaꞌée̱n, kó ta̱ngatꞌanii̱ ji nga kjín xota̱ xi ka̱machikonñé.

Jenesii̱s 15:1

Ngije kamá kui nii̱, Néná jatjokjaà Abra̱n nga akoó ngo ni, kó bi̱ katsoó: —Abra̱n, ngata̱ ndakinjín má ji, ngatꞌa̱ án boá xi tsꞌénkoón ji. Achichí tsie kjo̱a̱cho̱n xi sꞌe̱ tsjaa.

Jenesii̱s 15:13

Kósꞌe̱ Néná bi̱ katsoó: «Mejénna nga xchi̱e̱ ji nga xota̱ tji̱e̱ tse̱ ngo nangi xi xín ko̱e̱je̱kꞌíndo, kó moso̱ ka̱ma ki̱a̱a̱, kó nijón úchán nó nga ndajín ka̱mataꞌin kui ngi̱ndiee̱.

Jenesii̱s 17:1

Kjiꞌanga kamá ichítié ko̱jo yichán nijan noó Abra̱n, Néná jatjokjaà, kó bi̱ katsoó: «Án boá kui Ne xi tsi̱ꞌe̱ ngayeje ngaꞌniuú, ndaꞌyéꞌínní ngatsjéni̱xtjin kó kixi̱ ti̱ńtje̱ ji.

Jenesii̱s 18:18

ngatꞌa̱ xota̱ tji̱e̱ tsi̱ꞌe̱ boá xi ka̱ma ngo na̱xi̱ńdá xí ꞌniú je, ko̱jo nga ta̱ngatꞌanii̱ kui nga sa̱ꞌinchikonñé an ngayeje na̱xi̱ńdá xí tjín nga̱sondiee̱.

Jenesii̱s 35:11

Kó ti̱ ki̱a̱ Néná bi̱ katsó ngasee̱: «Án boá kui Ne xi tjiín ngayeje ngaꞌniuú, kó mejénna nga kjín xota̱ tji̱e̱ kꞌuieé ji, ki̱a̱ kjo̱tjojinni kjín na̱xi̱ńdá, kó ti̱ ki̱a̱ kjo̱tjojinni kjín já re.

Jenesii̱s 47:27

Kó bo̱a̱ tsꞌén nga xota̱ Israee̱l, ki̱a̱ kisꞌińdo Ejipto̱ ki̱a̱ nangi Ngosee̱n. Kó ki̱a̱ tsꞌatsie tꞌanangi, kó achichí kamá ndií.

Jenesii̱s 48:16

Kuí boá xi katsangiya ndítsjiee̱, tsi̱ꞌe̱ nga xín katsꞌénkjaꞌána ngayeje ni xi ndajiín. Kui tsꞌénmíꞌáa̱ nga sa̱ꞌínchikonñé kui já xo̱ngo̱ò, kó nga ta̱ngatꞌanii̱ kui nga ngatjaꞌátsjien jaꞌénna, ko̱jo jaꞌeén na̱ꞌmindyiboana Abraa̱n, ko̱jo na̱ꞌmina Isaa̱. ¡Kjín ngatama ndí xí nga sꞌiee̱!»

Jenesii̱s 48:19

Ta̱nga Jakoo̱b kamámejénjiín bo̱a̱ katsꞌén, kó bi̱ katsó kui: —Jè be an xi̱ꞌin, jè be an. Manasee̱ ti̱ bo̱a̱ ti̱ tsꞌén ngo na̱xi̱ńdá xi je ka̱ma ndií nga, ta̱nga ndíi̱ xi kjindí ngasee̱ ꞌniú ngase xcha̱ndikón kuí, ta̱bo̱a̱jiín xi ingoo̱, kó xota̱ tji̱e̱e̱ kui, ngo xtín na̱xi̱ńdá ka̱ma.

Éksondo̱ 1:12

Ta̱nga tji̱e̱nga xota̱ Ejiptoo̱ ꞌniú ndajín ngase katsꞌénjo̱ xota̱ Israee̱l, ta̱sá má ꞌniú kamákjín ngase kui xotaa̱. Xota̱ Ejiptoo̱ achichí katsakjónnií xota̱ Israee̱l nga,

Éksondo̱ 14:13

Kó Moisee̱ bi̱ katsoó xota̱ na̱xi̱ńdaá: —¡Xió tindyiónjnú, kó ngata̱ ndakonjínmájnú! Ngata̱ nda̱jín májnú, ngatꞌa̱ sꞌe̱ xcha̱jnú nga Néná boá xi kꞌo̱xiéꞌájnú. Kui xota̱ Ejipto̱ xi ndyi̱yajnú ngotꞌe̱, nginijánjín xcha̱jnú, ngatꞌa̱ Néná boá xi skja̱n ngajojnú.

Ni xi kamá 27:24

kó bi̱ katsóna: “Ngata̱ ndakinjín má ji Pablo̱, ngatꞌa̱ chjiéngá kjóchichíi̱n nda̱ xtitjón xi ꞌmí Sesaa̱, kó Néná jè katsjandieè ji ko̱jo ngayeje xota̱ xi nijan tjimájoo̱ ngi̱jin ndaá nga ko̱yàjínjnú.”

Ni xi kamá 7:17

Kó xikótsꞌèn kjimatiña ni̱xtjin nga kjo̱tjosón ni xi katsoó Néná Abraa̱n, xota̱ xi chji̱a̱ni Israee̱l ta̱sasá kamákjín ki̱a̱ na̱xi̱ńdá Ejipto̱,

Ndeuteronomio̱ 10:22

Ngata̱ chíyájínjnú nga xota̱ xi xchájnú ta̱ ichítié ko̱jo kan tsí kamá nga jachó nangi Ejipto̱. Ngotꞌe̱ ꞌne̱ Néná boá xi katsꞌén nga ngo xtín xota̱ na̱xi̱ńdá xí achichí kjín je kamájnú, xi ngaskande nde jmíjín xi ka̱maxki̱i̱».

Ndeuteronomio̱ 26:5

Kósꞌe̱ kui xi sa̱ꞌínkꞌasꞌien kui ni̱se̱nya̱á, bi̱ ka̱tso̱: “Xota̱ xi xchána ki̱a̱ tsíchji̱a̱ni ngo xtín xota̱ arameo̱ xi kisꞌiejiín ngo ngi̱ndie nínga kisꞌińdo síkijí. Ki̱a̱ kijíkꞌíndo nangi Ejipto̱, kó ki̱a̱ kamá ngo xtín na̱xi̱ńdá xi kjín kamá ko̱jo xi ꞌniú kamá.