Jenesii̱s 46:26 - Xo̱jo̱n eén Néná

²⁶ Ichítié ko̱jo tjiꞌún ngo kamá ngayeje xota̱ tji̱e̱e̱ Jakoo̱b xi jachójo̱ nangi Ejipto̱, ta̱nga kjiyaxki̱jín kꞌi̱e̱e̱ ínchjín kja̱ndaa̱.

Jenesii̱s 46:26 Iomraidhean Croise

Jenesii̱s 34:30

Kó Jakoo̱b katsꞌénxchánjo̱ Simeoo̱n ko̱jo Lebii̱ nga bi̱ katsoó: —Kjo̱a̱a̱ ni xi kiniꞌánjnú, achichí kjo̱a̱xti jéꞌe̱jojnúꞌun. Ngotꞌe̱ ꞌne̱ xota̱ Kanaa̱n ko̱jo xota̱ Feree̱ nde ka̱mamejénjiín sku̱i̱e̱na. Chiboa tsí má ñá, kó tsi kui xotaa̱ ku̱i̱ꞌíkjo xkjín sꞌe̱ skjánjo̱ná, ka̱márií sa̱ꞌínkꞌiénná ngayeje ñá.

Jenesii̱s 35:11

Kó ti̱ ki̱a̱ Néná bi̱ katsó ngasee̱: «Án boá kui Ne xi tjiín ngayeje ngaꞌniuú, kó mejénna nga kjín xota̱ tji̱e̱ kꞌuieé ji, ki̱a̱ kjo̱tjojinni kjín na̱xi̱ńdá, kó ti̱ ki̱a̱ kjo̱tjojinni kjín já re.

Éksondo̱ 1:1

Kjiꞌanga jachó Jakoo̱b na̱xi̱ńdá Ejipto̱, jachójo̱ ngayeje kui ndií xi̱ꞌbi̱: Rubee̱n, Simeoo̱n, Lebii̱, Jundáa̱, Isakaa̱r, Sabuloo̱n, Benjaa̱, Ndaa̱n, Neftalii̱, Ngaa̱nd ko̱jo Asee̱r. Ngayejee̱ nga jachójo̱ xota̱ ndiꞌaa̱, kó ichítié ko̱jo kan kamá ngayejee̱. Kosiee̱ ja̱bo̱a̱ jè ki̱a̱ tikón nangi Ejipto̱.

Ni xi kamá 7:14

Kó Kosiee̱ tsíchji̱a̱a̱ Jako̱b xi na̱ꞌmii̱, ko̱jo ngayeje xota̱ xkjín tsi̱ꞌe̱ nga ko̱e̱je̱kꞌíndo nangi Ejipto̱, kó ichítié ko̱jo kan ún kamá kui xotaa̱.

Ndeuteronomio̱ 10:22

Ngata̱ chíyájínjnú nga xota̱ xi xchájnú ta̱ ichítié ko̱jo kan tsí kamá nga jachó nangi Ejipto̱. Ngotꞌe̱ ꞌne̱ Néná boá xi katsꞌén nga ngo xtín xota̱ na̱xi̱ńdá xí achichí kjín je kamájnú, xi ngaskande nde jmíjín xi ka̱maxki̱i̱».