Jenesii̱s 46:1 - Xo̱jo̱n eén Néná

¹ Kó bo̱a̱ tsꞌén na̱ꞌmii̱ Kosiee̱ jatjoni nangi Kanaa̱n nga kijíjo̱ ngayeje ni xi tjiín, kó nga jaꞌa nangi Beersebaa̱ katsꞌénkꞌasꞌiee̱n kjo̱a̱tjó kui Ne xi katsꞌéndikón Isa̱ na̱ꞌmii̱.

Jenesii̱s 46:1 Iomraidhean Croise

Jenesii̱s 12:8

Sꞌe̱ kijíra ngo na̱xi̱ xi tikón xtji̱e̱e̱n nínga fotjo tsꞌueé ki̱a̱ na̱xi̱ńdá Betee̱l, kó nga jachó ki̱a̱a̱, ki̱a̱ katsꞌénda ndiꞌaa̱, kui xi tji̱xi̱ín cho̱ kiniꞌándani. Na̱xi̱ńdá Aii̱ xtji̱e̱e̱n nínga fotjo tsꞌueé kisꞌijñanii̱ kui ngi̱ndiee̱, kó na̱xi̱ńdá Betee̱l xtji̱e̱e̱n nínga ꞌbosꞌien tsꞌueé kisꞌijñanii̱. Kó ti̱ ki̱a̱ katsꞌéndaa̱ ngo ṉchandikón Néná nga.

Jenesii̱s 21:14

Nga kamángindyiojón Abraa̱n achichí ta̱jñó jastjíe̱n iskjíbé pan ko̱jo ngo ti̱jìtjíxin ndáfoa, kósꞌe̱ katsjaá na̱ Angaa̱r nga íjñasón tjiaa̱, kó katsꞌénkixotꞌa nga tsangatji̱ngii̱ na̱ Angaa̱r ko̱jo ndií. Kó kui xota̱chjo̱on ko̱jo ndií ta̱xkiya kijí xtji̱e̱e̱n nangi kixií Beersebaa̱.

Jenesii̱s 21:31

Kuíni nga kui ngi̱ndiee̱ Beersebaa̱ kiꞌmí, ngatꞌa̱ ki̱a̱ boá nínga Abraa̱n ko̱jo Abimelee̱k índa ngo ni.

Jenesii̱s 21:33

Kó Abraa̱n tsie kamaá nga kisꞌijña nangii̱ xota̱ Filisteaa̱. Kó ngo yátamarisko̱ ítji̱e̱ ki̱a̱ Beersebaa̱, kó ki̱a̱ tsíchji̱a̱a̱ Néná xi tikón ngatsjéni̱xtjii̱n.

Jenesii̱s 22:13

Kósꞌe̱ Abraa̱n, ti̱ kjiꞌa kamábe nga xtji̱e̱e̱n nga̱xto̱n ngi̱jii̱n yásarsaa̱ tjítsakjájin ngo cho̱tsa̱nga̱ xi jaꞌatji ndi̱ja̱a̱, kó katsoboá kui cho̱o̱, sꞌe̱ katsꞌénkꞌasꞌiee̱n Néná ngo kjo̱a̱tjó ngajoo̱ ndií.

Jenesii̱s 28:10

Kó Jakoo̱b jatjoni nangi Beersebaa̱, sꞌe̱ kijí nangi Araa̱n.

Jenesii̱s 28:13

Kó kamábe nga nínga tikón ndyi̱ko̱n kui yákíjo̱o̱n, ki̱a̱ tikón Néná, kó Néná bi̱ katsó: «Án boá xí Nee̱ Abraa̱n, ko̱jo xi Nee̱ Isaa̱, kó tsꞌénxiyaa nga kui tꞌanangi nínga titsjajni ji, ji ko̱jo xota̱ tji̱e̱ tse̱ boá xí tsjàa̱.

Jenesii̱s 31:42

¡Achichí ndakjiꞌi nga kui Néná xí tsi̱ꞌe̱ na̱ꞌmindyiboana Abraa̱n asíko̱jona! Kui Ne xi katsꞌéndikón na̱ꞌmina Isaa̱ nda katsꞌénjo̱na, ngatꞌa̱ kamábe kjo̱a̱ndasenna ko̱jo nga je jenda an, kuíni nga katsꞌénxchánjo̱nii̱ ngoye jñó. Tsi bo̱a̱jín katsꞌén Néná kiniꞌínkjítiyerani.

Jenesii̱s 31:53

Kó kui Néná xí tsi̱ꞌe̱ Abraa̱n ko̱jo xi tsi̱ꞌe̱ Najoo̱r na̱ꞌmindyiboaná, kuí xí ngatamabe tsi nda ko̱jo tsi ndajín ndyi̱niꞌán». Kó Jakoo̱b ngiboanéná katsó nga katsꞌénkie kui Néná xí katsꞌéndikón Isa̱ na̱ꞌmii̱.

Jenesii̱s 35:3

ngatꞌa̱ chjiéngá Betee̱l kongín, tsi̱ꞌe̱ nga ngindyi̱ko̱n Néná konginkíndyiá. Ki̱a̱ boá nínga sa̱ꞌindàa̱ ngo ṉchandikón Néná, tsi̱ꞌe̱ nga tsjàa̱ ndokꞌóchjì, ngatꞌa̱ kuí boá xi asíko̱jona kjiꞌanga kisꞌiena kjo̱a̱xti. Néná boá xi ngatsjéni̱xtjin tsoꞌbájo̱na ndi̱yà xí tsoꞌbá an».

Jenesii̱s 35:7

Ki̱a̱ boá nínga Jakoo̱b jatjokjaà Néná kjiꞌanga tsangandikoón Esau̱ ntsꞌi̱e̱. Kuíni nga Jakoo̱b ngo ṉchandikón katsꞌénda ki̱a̱a̱, kó kui ngi̱ndiee̱ «Néná xí tsi̱ꞌe̱ Betee̱l» ítꞌajaꞌén.

Jenesii̱s 4:4

Kó Abee̱ ti̱ kijíjoo̱ Néná ngo kjo̱a̱tjó nga, kó jaꞌájin ndí xí tjoón cho̱tsa̱nga̱ xi kamáxchaá xi ꞌniú yiꞌi ngasee̱. Kó Néná achichí tsjá kamaá kjo̱a̱tjó xi katsꞌénkꞌasꞌien Abee̱,

Jenesii̱s 45:28

Kósꞌe̱ bi̱ katsó Jakoo̱b: «¡Jè ndakjiꞌi ꞌne̱! ¡Ndína Kosiee̱ to̱kó tikón! ¡Ta̱sá kjuínkátsijée̱n, tsi̱ꞌe̱ nga skuie ngase an ngindiee̱ nga ko̱yà án!»

Jenesii̱s 8:20

Jaskan Noee̱ katsꞌénda ngo ṉchandikón nínga katsꞌéndikón Néná, kó iskjíbé jó cho̱ ko̱jo cho̱ xi tjiín tsja̱nga̱ xi tsꞌénjóꞌo Néná nga niꞌánkꞌasꞌiee̱n kjo̱a̱tjó, kó ítí kui cho̱o̱ nganda tsi̱ꞌe̱ Néná.

Joo̱b 1:5

Ngije kamá nga ngo nga ngo kui sꞌué xí katsꞌén, Joo̱b katsangiyakjaꞌá ndií, kó tsíꞌaá Néná tsi̱ꞌe̱ nga sa̱ꞌínjetakoón ta̱jmì jéní xi katsꞌén kui jaá. Joo̱b achichí ta̱jñó fostjíe̱n nga tsꞌenkꞌásꞌieén Néná ngo kjo̱a̱tjó nga ítií cho̱ kjo̱a̱a̱ nga ngo nga ngo ndií. Joo̱b katsꞌén kui nii̱ ngatꞌa̱ katsꞌénkjó nga tsi ta̱ katsꞌénjé jaá nga chꞌo katsoó Néná, ko̱jo tsi chꞌo tsꞌén íjin ngi̱jin ini̱ma̱a̱. Kamángá maá Joo̱b nga kui nii̱ katsꞌén ndyiojón ndyiojón.

Joo̱b 42:8

Kuíni ngotꞌe̱ ꞌne̱ tangínjo̱jnú Joo̱b, kó tꞌítíjnú yito cho̱yojo toro̱, ko̱jo yito cho̱tsa̱nga̱ xi jaꞌatji ndi̱ja̱a̱, tsi̱ꞌe̱ nga sa̱ꞌinjetakónjnúꞌun. ꞌNiú ku̱i̱ꞌana Joo̱b nga ku̱i̱chji̱a̱tjéjnú, kó ta̱ngatꞌanii̱ kui nga jmí kjo̱a̱soboá sa̱ꞌínkjaꞌájínjnú, ta̱ngatꞌanii̱ nga kixi̱jín kandokjo̱a̱jnú kjo̱a̱a̱ an, xikó tsꞌén kixi̱ tsíchji̱a̱ Joo̱b».

Ni xi kamá 7:15

Kó Jako̱b kijí nangi Ejipto̱ nínga kꞌien, kó ti̱ ki̱a̱ jesón xota̱ tji̱e̱ xcháná nga.