Jenesii̱s 45:16 - Xo̱jo̱n eén Néná

¹⁶ Nda̱ ree̱ achichí tsjá kamaá kui ko̱jo já xí ndyi̱tsꞌènxájo̱ nga tsintꞌié nga já ntsꞌi̱e̱ Kosiee̱ ki̱a̱ síndo nangi Ejipto̱,

Jenesii̱s 45:16 Iomraidhean Croise

Jenesii̱s 16:6

Kó Abra̱n, bi̱ katsoó na̱ Saraii̱: —Ngi̱ya ndse̱ jí tikón na̱ mosoo̱, jí xí ye ji mí ni xi si̱ꞌinje̱. Kósꞌe̱ na̱ Saraii̱ ndajín katsꞌénjo̱ na̱ Angaa̱r, kó ta̱sá tsanga na̱ Angaa̱r.

Jenesii̱s 20:15

Kó bi̱ katsó Abimelee̱k: —Jéꞌe̱n kꞌi̱e̱ tikón na̱xi̱ńdána kꞌi̱e̱e̱, ka̱machje̱ꞌéjin ji ta̱ nínga mejeénri kó ki̱a̱ ka̱ma ku̱i̱ndyin ji.

Jenesii̱s 34:18

Kó Jamoo̱r ko̱jo Sikee̱n katsꞌénjo̱ꞌo ni xi katsó kui jaá.

Jenesii̱s 41:33

»Kuíni nga chjiéngá ngotꞌe̱ ꞌne̱ nda̱ re, ngo nda̱ ti̱ndyi̱sé ji xi chji̱ni̱e̱ ko̱jo xi kjínkón, tsi̱ꞌe̱ nga kui kꞌuijñátjoón na̱xi̱ńdaá.

Jenesii̱s 41:37

Kó nda̱ ree̱ ko̱jo já mosoo̱ nda kamaá ni xi katsó Kosiee̱,

Jenesii̱s 45:15

Kósꞌe̱ Kosiee̱ katsjaá ngo ndsó tꞌanijon ngayeje já ntsꞌi̱e̱ sꞌe̱ askjandájo̱, kó kjiꞌá boá nga ngayeje já ntsꞌi̱e̱ kamá tsíchji̱a̱jo Kosiee̱.

Jenesii̱s 45:17

kó ti̱ kuii̱ nda̱ ree̱, katsangiyaa̱ én Kosiee̱ nga bi̱ katsoó: «Ti̱ꞌankaꞌájnú chꞌià bórroó, kó ngatjí nginí nangi Kanaa̱n,

Na̱ Estee̱r (Ebreo̱) 1:21

Kó kui kjo̱a̱botíxomaa̱ tsja kamaá ree̱ ko̱jo xota̱ xi ngito̱ko̱o̱, kó kui ree̱ bo̱a̱ katsꞌén xikó tsó én xí tsíchji̱a̱ Memukaa̱n.

Na̱ Estee̱r (Ebreo̱) 2:4

kó kui tsa̱kjìn xo̱ngò xí ree̱ ka̱mamejeén kꞌuijñájo̱, kui ngatꞌíjñá ngajoo̱ na̱ Bastii̱. Kó tsjá kamaá ree̱ kui ni xi akatíxomaa̱, kó bo̱a̱ katsꞌén xikó kiꞌmií.

Na̱ Estee̱r (Ebreo̱) 5:14

Kósꞌe̱ chjo̱ón ko̱jo xota̱ xi nda yaꞌa, bi̱ katsoó: —Nga niꞌándaa ngo yá xí kan jó metro̱ nga nkꞌa, kó ndyiojón ta̱jñó bo̱a̱ tꞌíi̱n ree̱ nga ki̱a̱ kjuiénboáꞌá Marndokeoo̱, sꞌe̱ jaskan tsjangatꞌieé nga kꞌuínje̱ ji ree̱ kui sꞌueé. Kó Amaa̱n tsja kamaá kui ni xi kiꞌmií, kó íjñanda kui yaá.

Ni xi kamá 6:5

Tsja kamaá kui nii̱ ngayeje xota̱ xi kamátikoó, kó tsangasejin Ixtibaa̱, nda̱ xi ꞌniú sꞌijii̱n Néná ko̱jo xi ꞌniú tjíjii̱n A̱si̱énni̱xtjii̱n Néná, ko̱jo Ngiripee̱, ko̱jo Prókoroo̱, ko̱jo Nikanoo̱r, ko̱jo Timoo̱n, ko̱jo Parmenaa̱, ko̱jo Ndikoraa̱ ngo nda̱ Antiokiya̱ xi jundío̱jín, ta̱nga katsꞌénjo̱ꞌo kjo̱a̱sꞌijii̱n Néná,

Ni xi kamá 7:13

xi ma jó ndi̱yà, Kosiee̱ akoó yojoo̱ já ntsꞌi̱e̱, kó bo̱a̱ tsꞌén kamábe nda̱ ree̱ ñá nangi kjindibáni Kosiee̱.

Ndeuteronomio̱ 1:33

ndatsi kui je tsie ꞌne̱ jaꞌájin ngo ngi̱ndie xi jún tsja̱ajnú. Tsi̱ꞌe̱ nga ki̱a̱ kjo̱jojnú, kó kuí boá xi kitsjientjónjnú, nga jñoó ngo ndiꞌí katsꞌéntsijennijnú, kó nga ni̱xtjii̱n ngo ṉdi̱ íjñá xi askonnijnú tsi̱ꞌe̱ nga jmí ni kamájínjnú.