Jenesii̱s 45:1 - Xo̱jo̱n eén Néná

^1-3 Kosiee̱ ngiti̱ kichikjo̱a̱jiín kó tsꞌaxié kui ngi̱ndiee̱ ngayeje já xí bosikójo xi síndotꞌaa̱. Kó kjiꞌanga akoó yojoo̱ já ntsꞌi̱e̱, nde ngojín já xí bosikójo Kosiee̱ xi kisꞌińdo ngase ki̱a̱a̱. Kó Kosiee̱ bi̱ katsoó já ntsꞌi̱e̱: —¡Kosiee̱ boá an já! A to̱kó tikón na̱ꞌmina. Kósꞌe̱ achichí ꞌniú askjandá Kosiee̱, kó ngaskande ngayeje xota̱ xi chji̱a̱ni Ejipto̱ ko̱jo xota̱ xi síndo ndiꞌaa̱ nda̱ ree̱ xi tsintꞌié én nga bo̱a̱ kamá. Ta̱nga achichí katsakjónní já ntsꞌi̱e̱, nga ndeskande nde kamájín tsíchji̱a̱ ngindyi̱ko̱n Kosiee̱.

Jenesii̱s 45:1 Iomraidhean Croise

Jenesii̱s 42:24

Kósꞌe̱ Kosiee̱ kijíboaꞌá chií kó achichí askjandá, sꞌe̱ jaskan jachókón nginií kó tsíchji̱a̱jo, sꞌe̱ katsjákjo̱a̱ nga ikꞌítꞌaꞌniú Simeoo̱n ngindyi̱ko̱n ngayeje kui jaá.

Jenesii̱s 44:34

Ngatꞌa̱ kótsꞌèn kjuín ngiñá an ndiꞌaa̱ na̱ꞌmina nga tsoꞌbájo̱jín an kui nda̱a̱. ¡Mejénjínna skuie an ni ndajín xi ka̱maa̱ na̱ꞌmina!

Matioo̱ 18:15

Ta̱nga tsi ngo ntsꞌie sa̱ꞌínjé kondra̱ tse̱, ndókjo̱e̱je so̱bo̱e̱ mára ji tsi̱ꞌe̱ nga sku̱i̱e̱ nga ndajínkjiꞌi ni xi katsꞌén, tsi ku̱i̱ntꞌiéꞌén, ja̱ jè kiniꞌín nginí ji ntsꞌie.

Ni xi kamá 10:41

jmí tsi ngayeje xota̱ na̱xi̱ńdaá xi akoó yojoo̱, ta̱ ji̱n tsí xi kamáyàjne̱, ji̱n xi ja̱bo̱a̱ je jaꞌájinjne̱ Néná nga chistiko̱ kamájne̱, kó ji̱n kichiniejo̱ ko̱jo kiꞌyójo̱jne̱ jaskan ngije jaꞌáꞌyaá.

Ni xi kamá 7:13

xi ma jó ndi̱yà, Kosiee̱ akoó yojoo̱ já ntsꞌi̱e̱, kó bo̱a̱ tsꞌén kamábe nda̱ ree̱ ñá nangi kjindibáni Kosiee̱.

1 Xota̱ Korinto̱ 13:5

Tsi tjínná kjo̱a̱tjó ta̱xkiya si̱ꞌánjín ñá ngo ni, jmí kjo̱a̱ndikonkón kꞌuiéjínná, si̱ꞌanxchánjín ñá, jmí kjo̱a̱ꞌontakón kꞌuíjin jàn ini̱ma̱ná.