Jenesii̱s 43:34 - Xo̱jo̱n eén Néná

³⁴ Kó ti̱ kuii̱ nichinie xi iskjinie Kosiee̱ xi katseꞌeé ngayeje kui jaá nga, ta̱nga Benjaa̱ ún bo̱a̱ kjiꞌi ngase ikꞌíyaá kui. Kó iskjinie kó katsꞌe, kó achichí tsjá kisꞌiee̱ ngayeje kui jaá.

Jenesii̱s 43:34 Iomraidhean Croise

Jenesii̱s 35:24

Ndí xí kisꞌiee̱ na̱ Rakee̱l kuí boá xi Kosiee̱, ko̱jo Benjaa̱.

Jenesii̱s 45:22

Nga ngo nga ngo kui jaá katsjaá ńjño tja̱tsi̱e̱ xi ko̱a̱ja̱, ta̱nga Benjaa̱ ján úchán to̱ntiboa katsjaá ko̱jo ún ꞌniú ńjño xi chajá xi nda.

Énkjínkón 31:6

Xaán tsi̱ꞌe̱ xota̱ xi je mejeén kjifesoón boá, kó binoo̱ tsi̱ꞌe̱ xota̱ xi síndo xtindaa̱ boá.

Eklesiastee̱ 10:19

Paa̱n boá xi cha̱n chiniená, kó binoo̱ boá xi tsjáná kjo̱a̱tsja nga tindyión nga̱sondie, kó to̱o̱n boá xi mejennii̱ ngayeje nii̱.

Eklesiastee̱ 9:7

¡Ye tsobo̱a̱, ti̱ꞌinꞌnítakín ji! Chi̱ni kó tsjatsꞌèn ti̱ndyin ji, tꞌi̱ ji binòo̱, kó tsjangatꞌieé ini̱ma̱a̱, ngatꞌa̱ xá xí je kiniꞌín ji, achichí tsjá maá Néná.

Én xí nda xi ꞌniú tsjatsó ngasee̱ 5:1

Jè jéꞌe̱ an ngi̱ndie nínga tjitji̱e̱na nii̱, ji ndí ndíchja, ji ndí chjo̱onna. Jè jaꞌatikó án mirraa̱ ko̱jo tosijee̱n, jè iskjíni̱e̱ an ntsjién xí ndyi̱a̱ ndo̱bo̱a̱ cho̱ndo̱ꞌo̱sieèn, jè katsꞌe an binoo̱, ko̱jo ntsjeén. ¡Yàjnú já amingo̱ xi tjóna, chi̱ni̱e̱jnú ko̱jo tꞌi̱o̱jnú ngaskande nga nda stsi̱e̱jnú!

Matioo̱ 11:19

Jaskan jeꞌe ndií nda̱ xi̱ꞌii̱n, nda̱ xi iskjinie, ko̱jo xi katsꞌe, kó jún, bi̱ kiꞌmíjnú: Kꞌi̱e̱ tikón ngo nda̱ xi xki̱ꞌá, nda̱ chꞌi̱, nda̱ amingoo̱ já xí foaꞌáꞌyá to̱n xi machjítjé ni ko̱jo xota̱ jé. Ta̱nga kjo̱a̱kjínkoón Néná ka̱makixi̱ni kjo̱a̱a̱ ndií.

Juaa̱ 2:10

sꞌe̱ bi̱ katsoó: –Ngayeje xotaa̱ tjón mára bino̱ xi nda tsjá, sꞌe̱ ngije ꞌniú katsꞌe xotaa̱, tsjá bino̱ xi ngindiee̱, ta̱nga ji tichjeꞌétjé ji bino̱ xi ndaa̱ ngaskande ngotꞌe̱.