Jenesii̱s 43:11 - Xo̱jo̱n eén Néná

^11-13 Kósꞌe̱ na̱ꞌmii̱ kui jaá ja̱chon nga katsꞌénjo̱ꞌo kui nii̱, nga bi̱ katsó: —Ja̱ tsi jmíjín ngase ingo ni xi ka̱ma si̱ꞌán, ja̱ tangínjo̱jnú ntsꞌiejnú tsobo̱a̱ nínga tikón kui nda̱a̱, ta̱nga ingo ni ti̱ꞌánjnú. Tꞌíkitsiejnú koxta̱jnú ni nda xi tjínná kꞌi̱e̱e̱, kó chꞌi̱a̱jnúu̱ kui nda̱a̱, xikoó balsamo̱, chií ntsjién, ndásíje̱n, nisije̱n, to pistacho̱ ko̱jo to almendra̱. Kó ti̱ chꞌi̱a̱jnúu̱ jó bo̱a̱ kjiꞌi to̱n xikó kjiꞌi kichꞌiájnú tsie ꞌne̱, ngatꞌa̱ chjiéngá si̱ꞌankꞌasꞌienjnú kui to̱n xi kichꞌiáꞌoyá nginíjnú, ngatꞌa̱ tsi ta̱ kamátsobéjii̱n nga ki̱a̱ íyá koxta̱jnú.

Jenesii̱s 43:11 Iomraidhean Croise

Jenesii̱s 33:10

Kó Jakoo̱b bi̱ katsó: —Jmí ntsꞌie, ꞌniú míꞌaá, chjábé jí kui nii̱ xi tsꞌéntsjaa, ngatꞌa̱ achichí ndaxota̱ tiniꞌínje̱ní, kó nga je kamábee̱ ji ¡xikó maá tsi kje̱n Néná xí kamábe an!

Jenesii̱s 37:25

Kósꞌe̱ kui já ntsꞌi̱e̱ Kosiee̱ iskjinie ṉño̱. Kó kjiꞌá má kamábe nga ngo xtín xota̱ xi botiñá ni ndyi̱ndibá, xota̱ tji̱e̱e̱ Ismaee̱l boá xi kjindibáni nangi Ngalaa̱nd, kui jaá tjimájo̱ cho̱toꞌoyitsꞌe̱n xi ndyi̱yaꞌa ndásíje̱n xi nda ko̱jo xka̱ xi sije̱n xi ndyi̱fíjo̱ nangi Ejipto̱.

Jenesii̱s 43:10

Jè tsie tsꞌandíyáná kꞌi̱e̱e̱, tsi bo̱a̱jín kamá, ¡jera̱ jó ndi̱yà kamáná nga tsangín ko̱jo nga kjindibá tsobo̱a̱!

Jenesii̱s 43:14

Tangínjnú tsobo̱a̱ kó kui Néná xí tjiín ngaꞌniuú ngatsjaá kjo̱a̱ni̱ma̱takón kui nda̱a̱, kó ngatꞌijñándé Benjaa̱ ntsꞌiejnú xi ingoo̱ tsi̱ꞌe̱ nga nijan kji̱ndi̱bájo̱ nginíjnú. Kó an, ja̱ tsi ngiti̱ jmí ndí kꞌuiéjínna, ja̱ nga bo̱a̱ ngatama.

Jenesii̱s 43:15

Kósꞌe̱ kui jaá iskjíbé ni xi ko̱a̱ꞌa̱ ko̱jo jó bo̱a̱ kjiꞌi to̱n xikó kjiꞌi xi tjón tsaꞌa, ko̱jo Benjaa̱, kó xi tsá xi boaꞌa kijí xtji̱e̱e̱n Ejipto̱. Kó jachó nínga tikón Kosiee̱,

Jenesii̱s 43:25

Kó nga je be kui jaá nga ki̱a̱ kjo̱chó Kosiee̱ nga nijan skji̱ni̱e̱jo ṉño̱ nga ka̱mandisꞌué, índonda ni xi ndyi̱yaꞌa xi sa̱ꞌinkꞌasꞌiee̱n.

Jenesii̱s 43:26

Nga jachó Kosiee̱ ndiꞌaa̱, kui jaá kixindyiańña ngaskande nga kisitꞌaa̱ xtjien tꞌanangii̱ nga kamábendikón kuí nda̱a̱, kó katsꞌénkꞌasꞌiee̱n ni xi ndyi̱yaꞌaa̱, jaskan ngije katsꞌéntinde Kosiee̱, Kosiee̱ asíyaá tsi ta̱kó tikón na̱ꞌmii̱. Kó kui jaá bi̱ katsó: —Jo̱o̱n to̱kó tikón na̱ꞌmijne̱, nda tikón, kó jè tikónnda nga kui xi moso̱ tse̱ ka̱ma nga.

Na̱ Estee̱r (Ebreo̱) 4:16

«Tꞌen ji kó tꞌítikí jí ngayeje xota̱ jundío̱ xi síndo na̱xi̱ńdáꞌniú Susa̱, kó ti̱ꞌankjaꞌájnú kjindiá yojojnú ngatꞌaa̱ an, kó ngata̱ jmí ni chiniejínjnú, ko̱jo ngata̱ jmí ni ꞌyójínjnú ján ni̱xtjii̱n ján ni̱xtji̱e̱n. Kó an ko̱jo ínchjín xo̱ngò moso̱na ti̱ si̱ꞌankjaꞌajne̱ kjindiá yojojne̱ nga, kósꞌe̱ kjiꞌá boá nga kjuínkóo̱n ree̱, ndatsi tsjandièjín kjo̱a̱kitii̱ ni xi sa̱ꞌin an. ¡Kó tsi sa̱ꞌínkꞌiénna ree̱, ja̱ ngatꞌien an!»

Xo̱jo̱n Salmoo̱ 68:29

Ji Ne, ta̱ngatꞌanii̱ na̱ngo̱xi̱i̱ xi tikón ki̱a̱ na̱xi̱ńdáꞌniú Jerusale̱n, nga já ree̱ kjo̱chójoo̱ ni xi tsjakon.

Xo̱jo̱n Salmoo̱ 72:10

¡Já re xi chji̱a̱ni nangi Tarsii̱ ko̱jo xi síndo tji̱ngi̱i̱, ngatꞌíchjií to̱n xi machjítjé ni! ¡Já re xi chji̱a̱ni nangi Arabia̱, ko̱jo xi chji̱a̱ni nangi Etiopía̱ ngatjandibájoo̱ ni tsjakon kui ree̱ nga!

Xo̱jo̱n Salmoo̱ 76:11

Si̱ꞌankjatjosóo̱n Néná ngayeje ni xi kiꞌmíyatjóo̱n nga si̱ꞌán, ngayeje jún xota̱ na̱xi̱ńdá xi tindyiontꞌájnú, ndibájo̱jnúu̱ kjo̱a̱tjó kui Néná xi fíndikónná.

Énkjínkón 17:18

Xota̱ xi tsꞌénkjójín ni xi tsꞌén, kuí boá xi tsangi yojoo̱ kjo̱a̱a̱ kje̱ꞌe xota̱, kó kuí boá xi ꞌbíchjí ni xi míꞌangi amingoo̱.

Énkjínkón 18:16

Tsi ngo ni xi ndakjiꞌi ta̱ tiboeꞌé jí, ngayeje xotaa̱ nga tsja ka̱maa̱ nga sa̱ꞌínjo̱ꞌoo̱, ¡ngaskande xota̱ xi ꞌniú ndikoón, skjíxꞌaá nga̱ntjo̱a̱ ndiꞌaa̱!

Énkjínkón 19:6

Achichí má xota̱ xi mongase kjo̱a̱ndaa̱ xota̱ xi nda ini̱ma̱a̱, kó ngayeje xotaa̱ xi mongase nga nda ko̱a̱ꞌa, nda̱ xi tsie ni tsjaá.

Énkjínkón 21:14

Kjiꞌanga ngo ni xi ta̱ boeꞌéná, kó nga ꞌma boeꞌéná, tsꞌénkꞌíxió ngaskande kjo̱a̱tamá xí ꞌniuú.

Én xí nda xi ꞌniú tsjatsó ngasee̱ 4:10

¡Achichí tsjatsꞌèn niꞌíndajìnní, jí ndí ndíchja, jí ndí chjo̱onna! ¡Ixi ngase niꞌínje̱ní, ta̱bo̱a̱jiín xikótsꞌèn ixi binoo̱, kó sije̱n ngase ji, ta̱bo̱a̱jiín ngayeje ndásíje̱n xi tjiín!

Én xí nda xi ꞌniú tsjatsó ngasee̱ 4:14

narndo̱ ko̱jo asafraa̱n, ko̱jo nde̱je sije̱n, ko̱jo tji̱bo̱a̱kanera̱, xikoó ngayeje yá xí tjiín nisijee̱n, mirra̱ ko̱jo aloe̱, ko̱jo ngayeje xka̱ sije̱n xi nda ngasee̱ nga.

Én xí nda xi ꞌniú tsjatsó ngasee̱ 8:14

¡Tsáyè ji, xota̱ xi tjóna an! ¡Ti̱yi jí xikoó ngo ndi̱kꞌijñá! ¡Ti̱yi jí xikoó ngo ndí chjo̱ón ngo ndi̱kꞌijñá, ki̱a̱ nga̱són na̱xi̱ nínga tjín xka̱ sije̱e̱n!

Lebitiko̱ 20:24

Kuíni nga jún tsjajnúꞌun kui tꞌanangi nínga síndo kui xotaa̱ ngotꞌe̱. Achichí tsjachon kui ngi̱ndiee̱, kó achichí tsie nichinie kꞌuiéjnú ki̱a̱a̱ ngatsjéni̱xtjin.

Ni xi kamá 21:14

Kó nga kamáꞌindakónjínjne̱, ta̱sá bi̱ kiꞌmíjne̱: –Ngatama ni xi mejeén Ndi̱a̱ná nga ka̱ma.

Ndeuteronomio̱ 33:14

Ngaskande nínga síndo na̱xi̱ xi nkꞌaa̱, Néná tsja̱ajnú nga ngo noó tsie ni xi ka̱maxchá.