Jenesii̱s 42:6 - Xo̱jo̱n eén Néná

⁶ Nga jachó já ntsꞌi̱e̱ Kosiee̱ ki̱a̱ nangi Ejipto̱, kixindyiańña ngaskande nga kisitꞌaa̱ kje̱n tꞌanangii̱ nga kamábendikón Kosiee̱, ngatꞌa̱ kuí boá xi xtitjoón kui na̱xi̱ńdaá, kó kuí boá xi atíñaá to ndso̱ko̱a̱n ṉño̱pan ngayeje na̱xi̱ńdá xí tjín nga̱sondiee̱.

Jenesii̱s 42:6 Iomraidhean Croise

Jenesii̱s 18:2

Kó ta̱niján má iskjininkꞌa kje̱n, kó kamábe ján já xí síndo tiña nínga tikón kui, kó tsanga má jataxie nga kijíkóntiñaa̱, kó nga jachókoón asiéntikoó ngaskande nga kisitꞌaa̱ xtjien tꞌanangii̱ nga kamábendikón kui jaá.

Jenesii̱s 19:1

Kó ngije kjimangixoón jachó jó kui já ndítsjiee̱ ki̱a̱ na̱xi̱ńdáꞌniú Sondoma̱, kó Loo̱t ki̱a̱ xió tikóntꞌa nga̱ntjo̱a̱a̱ na̱xi̱ńdáꞌniú Sondoma̱, kó nga kamábe Loo̱t kui já ndítsjiee̱, jastjíe̱n nga kijítsꞌentínde, kó asiéntikoó ngaskande nga kisitꞌaa̱ xtjien tꞌanangii̱ nga kamábendikón kuí jaá,

Jenesii̱s 33:3

Sꞌe̱ Jakoo̱b kisꞌijñatjón, kó tji̱e̱nga tsꞌénfíkón tiñaa̱ ntsꞌi̱e̱, yito ndi̱yà asiéntikoó Jakoo̱b nga kisitꞌa maá xtjien tꞌanangii̱ nga kamábendikón Esauu̱.

Jenesii̱s 41:43

kósꞌe̱ tsíꞌaá Kosiee̱ nga ki̱a̱ nijan ko̱e̱je̱yajo̱ karroo̱ nda̱ ree̱, nga kui xi je nda̱ xtitjoón, kó kui nda̱ ree̱, bi̱ katsoó xotaa̱ ngindyi̱ko̱n Kosiee̱: «¡Chjáxꞌájnú ndi̱yà!» Kó Kosiee̱ kasakoxaá nga kui xi ko̱tíxomaa̱ ngayeje nangi Ejipto̱.

Jenesii̱s 41:57

ꞌNiú kamá kui kjindiaá nga ngayeje xota̱ xi tjín kjín na̱xi̱ńdá xi jachó nangi Ejipto̱ nga jachókꞌatsiee̱ nichinie Kosiee̱.

Jenesii̱s 44:14

Nga jachó Jundáa̱ ko̱jo já ntsꞌi̱e̱ ki̱a̱ ndiꞌaa̱ Kosiee̱, kui nda̱a̱ ta̱kó tikón ngase ndiꞌaa̱, kó kui jaá kixindyiańña ngaskande nga kisitꞌaa̱ kje̱n tꞌanangii̱,

Jenesii̱s 45:8

»Kó ja̱ jè kamáyàjnú ngotꞌe̱ nga jmí tsi jún xi kanangiyajnúꞌun kꞌi̱e̱e̱, Néná boá xi kꞌi̱e̱ jeꞌejo̱na, kó kuí boá xi katsꞌénna nga an xi ka̱ma an ngo nda̱ xi ko̱tíxoma ngayeje nangi Ejiptoo̱, ko̱jo nga an xi ka̱ma an nda̱ xi ko̱síngáyindi̱yà xá xí tsꞌén nda̱ ree̱ nangi Ejipto̱.

Jenesii̱s 48:12

Kósꞌe̱ Kosiee̱ jaꞌáxín boaꞌá ndií nínga tikón tikoó na̱ꞌmii̱, sꞌe̱ asiéntikoó Kosiee̱ kje̱n na̱ꞌmii̱ ngaskande nga kisitꞌaa̱ kje̱n tꞌanangii̱.

Énkjínkón 11:26

Xota̱ xi foaꞌáꞌmá to ndso̱ko̱a̱n ṉño̱paa̱n, tsi̱ꞌe̱ nga chjí ngase ko̱tíñá, xota̱ na̱xi̱ńdaá chꞌo tsꞌén chji̱a̱taꞌin, ta̱nga xota̱ xi ndatsꞌèn botiñá kui to ndso̱ko̱a̱n ṉño̱paa̱n, xota̱ na̱xi̱ńdaá tsꞌénchíkonñé.

Ni xi kamá 7:10

kó kui Néná tsꞌaxiéꞌá ngayeje kjo̱a̱ni̱ma̱ xi jaꞌajin, kó katsjaá kjo̱a̱nda, ko̱jo kjo̱a̱kjínkón ngindyi̱ko̱n nda̱ re xi chji̱a̱ni nangi Ejipto̱, kó kui nda̱ ree̱ katsjaá Kosiee̱ nga kui xi kamá xtitjoón nangi Ejipto̱, ko̱jo nga kui xi ko̱tíxoma ngayeje ndiꞌaa̱.

Ni xi akakoo̱ 3:9

Án boá xi sa̱ꞌin an, nga kui xota̱ xi chji̱a̱ni ndiꞌa nínga ndokjo̱a̱ eén xindajín Satanaa̱, kui xi xota̱ jundío̱ tsoó yojoo̱, kó kuijín bo̱a̱, nga ko̱e̱je̱kasiéntꞌaatikoó ji ngindie ndsa̱ki, tsi̱ꞌe̱ nga sku̱i̱e̱ nga tjóna ji.