Jenesii̱s 42:36 - Xo̱jo̱n eén Néná

³⁶ Kósꞌe̱ Jakoo̱b na̱ꞌmii̱ kui jaá bi̱ katsoó: —¡Jún ndyi̱chjeꞌéxín yejejnúꞌun ndína! Kosiee̱ ko̱jo Simeoo̱n jè ngiti̱ kꞌi̱e̱jín tikónjo̱ná, ¡kó ngotꞌe̱ ꞌne̱ mejénjnú kongínjo̱jnú Benjaa̱ nga! ¡Ti̱chánní sa̱ꞌínkꞌiénna kui nii̱!

Jenesii̱s 42:36 Iomraidhean Croise

Jenesii̱s 42:37

Ta̱nga Rubee̱n bi̱ katsoó na̱ꞌmii̱: —Na̱ꞌmi, te̱ꞌéndiè ji nga Benjaa̱ ngi̱ya ndsa̱ an kꞌuijñá, kó kjoéꞌe̱jo ngiñaá, ta̱nga tsi ngiti̱ kjoéꞌe̱jojaán, ¡ka̱ma si̱ꞌinkꞌin ji nga jó ndína!

Jenesii̱s 43:14

Tangínjnú tsobo̱a̱ kó kui Néná xí tjiín ngaꞌniuú ngatsjaá kjo̱a̱ni̱ma̱takón kui nda̱a̱, kó ngatꞌijñándé Benjaa̱ ntsꞌiejnú xi ingoo̱ tsi̱ꞌe̱ nga nijan kji̱ndi̱bájo̱ nginíjnú. Kó an, ja̱ tsi ngiti̱ jmí ndí kꞌuiéjínna, ja̱ nga bo̱a̱ ngatama.

Jenesii̱s 44:12

Kósꞌe̱ nda̱ xi tikóntjoón ndiꞌaa̱ Kosiee̱ tsangase kui chi̱tse̱én, tjón má tsi̱ꞌe̱ nda xi xchá ngasee̱ askotꞌa, sꞌe̱ jetꞌani xi tsi̱ꞌe̱ nda̱ xi kjindií, ¡kó ki̱a̱ kasako kui chi̱tsen to̱ntiboaa̱ ngi̱ya koxta̱ xi tsi̱ꞌe̱ Benjaa̱!

Jenesii̱s 45:28

Kósꞌe̱ bi̱ katsó Jakoo̱b: «¡Jè ndakjiꞌi ꞌne̱! ¡Ndína Kosiee̱ to̱kó tikón! ¡Ta̱sá kjuínkátsijée̱n, tsi̱ꞌe̱ nga skuie ngase an ngindiee̱ nga ko̱yà án!»

Jenesii̱s 47:12

Kó Kosiee̱ katsjaá ngayeje kui xotaa̱ nichinie, ta̱ xikó kjiꞌi kamá ndí xí kisꞌiee̱ nga ngo nga ngo.

Joo̱b 7:7

Ngatjaꞌátsjiee̱n ji Ne, nga kjo̱a̱mindyionna xikónií tsi ngo ndi̱yà chjondá, kó nga jè ngiti̱ skuiejín an ngase mí nii̱ bo̱a̱ ni xi ndaa̱.

Xo̱jo̱n Salmoo̱ 34:19

Achichí má kjo̱a̱ni̱ma̱ xi foaꞌajin xota̱ xi kixi̱i̱, ta̱nga Néná boá xi sa̱ꞌíndé kjo̱a̱a̱ ngayeje kui nii̱.

Eklesiastee̱ 7:8

Chjí ngasenii̱ nga ndatsꞌèn si̱ꞌankjietꞌani ngo ni, ta̱bo̱a̱jiín nga ndatsꞌèn ku̱i̱ꞌítsꞌi̱yanii̱. Chjí ngasenii̱ ngo xota̱ xi koyakjo̱a̱, ta̱bo̱a̱jiín ngo xota̱ xi nkꞌakon.

Matioo̱ 14:31

Kó ti̱ kjiꞌa Kjisoo̱ iskjíbé tsja Peé, sꞌe̱ bi̱ katsoó: ¡Achichí chiboa sꞌijii̱n! Míkjo̱a̱a̱ nga jó nga ján ikꞌíjñíi̱ ini̱màa̱.

Xota̱ Roma̱ 8:28

Kó jè ya nga xota̱ xi tsꞌéntjó Néná, Néná tsꞌeén ni xi nda nganda tsi̱ꞌe̱, xota̱ xi Néná jaꞌájin xikótsꞌèn kamámejeén kui.

Xota̱ Roma̱ 8:31

Mí ni xi kꞌuín kjo̱a̱a̱ kui nii̱. Tsi Néná tikónjo̱ná, ꞌyá xi ka̱maa̱ kondra̱ná kꞌuijñá.

1 Xota̱ Korinto̱ 10:13

Ni xi kjimataꞌinjnú nga tjíchjatꞌayákónjnú, jmí tsi tsꞌatio ngase kjo̱a̱a̱ ni xi kjimataꞌin xotaa̱. Ka̱ma ka̱maꞌniátakónjnú Néná, kó tsja̱ndièjín nga ꞌniú ngase chjátꞌayákónjnú kjo̱a̱a̱ ni xi kjo̱chíkjo̱a̱jnú. Ta̱sá kjiꞌanga chjátꞌayákónjnú, Néná ko̱kójnú kótsꞌèn kjo̱tjongijnú yojojnú tsi̱ꞌe̱ nga xchíkjo̱a̱jnú ni xi ka̱majnú.

2 Xota̱ Korinto̱ 4:17

Ngatꞌa̱ kui kjo̱a̱ni̱ma̱ xi ta̱ ngotjón nga ndyi̱bitjatió ñá, kuí xí tsja̱aná ngo kjo̱a̱je xi ngatsjéni̱xtjin ko̱jo xi nda ngase.