Jenesii̱s 42:28 - Xo̱jo̱n eén Néná

²⁸ «¡Jéꞌe̱n katseꞌéꞌoyá nginína to̱nna! ¡Kꞌi̱e̱ tjiyá koxta̱na!» Nga kamábe kui nii̱ achichí katsakjónní kó ngaskande jatsié má ngayejee̱, kó ja̱kꞌi̱e̱ ja̱ngaján bi̱ katsoó xkjín: «Mí nii̱ bo̱a̱ xi tjítsꞌénjo̱ná Néná.»

Jenesii̱s 42:28 Iomraidhean Croise

Jenesii̱s 27:33

Kósꞌe̱ Isaa̱ jatsié se jatsié tsja, sꞌe̱ bi̱ katsó: —Kósꞌe̱, ꞌyá kuií bo̱a̱ xi je jeꞌe kꞌi̱e̱e̱, xi je jeꞌejo̱na cho̱ xi katsꞌénkꞌién. Kó katsjána kó iskjíni̱e̱ an ngindiee̱ nga kjoéꞌe̱ ji, ngatꞌa̱ jè katsꞌenchikonñé an. ¡Kó kui kjo̱a̱niꞌánchikonñeé ngiti̱ ka̱májín kjoaꞌaxíi̱n!

Jenesii̱s 42:29

Nga jachó nginí nangi Kanaa̱n, katsóyaà Jakoo̱b, na̱ꞌmii̱ kui jaá ngayeje ni xi kamaá nga bi̱ katsoó:

Jenesii̱s 42:36

Kósꞌe̱ Jakoo̱b na̱ꞌmii̱ kui jaá bi̱ katsoó: —¡Jún ndyi̱chjeꞌéxín yejejnúꞌun ndína! Kosiee̱ ko̱jo Simeoo̱n jè ngiti̱ kꞌi̱e̱jín tikónjo̱ná, ¡kó ngotꞌe̱ ꞌne̱ mejénjnú kongínjo̱jnú Benjaa̱ nga! ¡Ti̱chánní sa̱ꞌínkꞌiénna kui nii̱!

Jenesii̱s 43:23

Kó bi̱ katsó kui nda̱ xi tikóntjoón ndiꞌaa̱ Kosiee̱: —Ngasꞌiejnú kjo̱a̱xió, ngata̱ ndakonjínmájnú, án boá xi kiniꞌánkꞌasꞌienjnúꞌun to̱n xi ikꞌíchjíjnú. Ta̱nga kuírá Néná xí tsi̱ꞌe̱ na̱ꞌmijnú xi ta̱ katsjájnú kui nii̱. Kósꞌe̱ kui nda̱a̱ tsꞌaxié Simeoo̱n nínga tikónyà ndo̱bo̱a̱yà.

Xo̱jo̱n Salmoo̱ 61:2

¡Kjiꞌanga je ngiti̱ chikjo̱a̱jiín ini̱ma̱na, ji chjiaá ndeskande nínga fetꞌanii̱ nga̱sondiee̱! ¡Ki̱a̱ tꞌenje̱ní nínga tikón ndi̱jo̱je xi nkꞌa ngase tikón, ta̱bo̱a̱jínnii̱ an!

Én xí nda xi ꞌniú tsjatsó ngasee̱ 5:6

Jastjíe̱n an, kó iskjíxꞌáa̱ nga̱ntjo̱a̱ xota̱ xi tjóna, ta̱nga ja̱bo̱a̱ jè kijí, ja̱bo̱a̱ jè jaꞌa. Kó nga tsíchji̱a̱ kui, mejeén kꞌien an katsaki. Tsangase an, ta̱nga ngiti̱ kasakojínna, tsíchji̱a̱ ngasèe̱, ta̱nga ngiti̱ katsꞌénsénjínna.

Kjo̱a̱chaꞌaá 2:17

Néná jè katsꞌénkjatjosón ni xi je índa, jè katsꞌénkjatjosón ni xi katsó ndeskande koó ngasꞌe̱: Katsꞌénkjatsón, kó katsꞌénjetakónjín. Kó kuí boá xi katsjandieè kondra̱a̱ nga tsajnókiee̱, kó ta̱ngatꞌanii̱ ni xi kamaá, nga achichí nkꞌa íjñá ngaꞌniú xí kisꞌiee̱ kondra̱a̱.

Kjo̱a̱chaꞌaá 3:37

ꞌYání bo̱a̱ xi bo̱a̱ ka̱tso̱ nga ngo ni kamá, kó nga Nénájín xi bo̱a̱ katsꞌén.

Lebitiko̱ 26:36

Kó kui xi kꞌuíndo ngasee̱, achichí ꞌniú kuindyiandikóo̱n ki̱a̱ nangii̱ kondraa̱ nínga síndo. Kó nga ku̱i̱ntꞌie̱é nga kꞌo̱ka ngo xka̱a̱ ngo yá, ko̱ngandikón xikótsꞌèn monga ngo xi ki̱cha̱ndojó tjimíyotji̱nginii̱, ¡ku̱i̱xo̱ kui xotaa̱ ndatsi jmíjín xi ndyi̱mongatji̱ngii̱!

Rkaa̱ 21:26

xotaa̱ ngaskande ko̱yayà má nga stsa̱kjonní kjo̱a̱a̱ ni chꞌo xi ka̱ma nga̱sondiee̱, ngatꞌa̱ kjo̱tsiè yeje ngaꞌniú xí tjín ndiꞌakꞌajmi jàn.

Ndeuteronomio̱ 28:65

»Ki̱a̱ kui na̱xi̱ńdaá jmíni̱xtjin nga kꞌuiéjnú kjo̱a̱xió, ko̱jo nga ndatsꞌèn ku̱i̱ndyionjnú. Ta̱ soboá kjo̱a̱ndasen tsí xi kꞌuiéjnú, ngatꞌa̱ Néná boá xi sa̱ꞌín nga ta̱soboá ko̱nda̱konjnú nga ku̱i̱ndyionjnú, kó nde ngiti̱ jmí kjo̱a̱chiyá kꞌuiéjínjnú. Nga ni̱xtjin nga ni̱xtji̱e̱n nga ko̱nda̱konjnú, kó achichí ni xi chꞌokon xi xcha̱jnú nga ta̱jño̱ó, nga ngaskande ka̱mamejénjnú nga ta̱sá je ka̱majñó, kó nga ka̱majñoó ta̱sá ka̱mamejénjnú nga ni̱xtjin ka̱ma.