Jenesii̱s 42:24 - Xo̱jo̱n eén Néná

²⁴ Kósꞌe̱ Kosiee̱ kijíboaꞌá chií kó achichí askjandá, sꞌe̱ jaskan jachókón nginií kó tsíchji̱a̱jo, sꞌe̱ katsjákjo̱a̱ nga ikꞌítꞌaꞌniú Simeoo̱n ngindyi̱ko̱n ngayeje kui jaá.

Jenesii̱s 42:24 Iomraidhean Croise

Jenesii̱s 34:25

Ta̱nga Simeoo̱n ko̱jo Lebii̱, já ntsꞌi̱e̱ na̱ Ndinaa̱ kijí na̱xi̱ńdá jàn xi ma ján ni̱xtjin, kó ki̱cha̱ katsꞌénkꞌiénni ngayeje jáxíꞌín xi katsꞌeén sirkunsisio̱n yojoo̱, kó nde ngojín xi tsꞌaxiéꞌá yojoo̱ ngatꞌa̱ oo̱n kuí jaá.

Jenesii̱s 42:23

Ta̱nga Kosiee̱ nga tsíchji̱a̱jo kui jaá ngo chji̱ni̱e̱ꞌén katsꞌénkjién xi katsꞌénkꞌatioyaa̱, kó kui jaá kamábejín nga Kosiee̱ kamákjiín ni xi ndyi̱tsó.

Jenesii̱s 43:14

Tangínjnú tsobo̱a̱ kó kui Néná xí tjiín ngaꞌniuú ngatsjaá kjo̱a̱ni̱ma̱takón kui nda̱a̱, kó ngatꞌijñándé Benjaa̱ ntsꞌiejnú xi ingoo̱ tsi̱ꞌe̱ nga nijan kji̱ndi̱bájo̱ nginíjnú. Kó an, ja̱ tsi ngiti̱ jmí ndí kꞌuiéjínna, ja̱ nga bo̱a̱ ngatama.

Jenesii̱s 43:23

Kó bi̱ katsó kui nda̱ xi tikóntjoón ndiꞌaa̱ Kosiee̱: —Ngasꞌiejnú kjo̱a̱xió, ngata̱ ndakonjínmájnú, án boá xi kiniꞌánkꞌasꞌienjnúꞌun to̱n xi ikꞌíchjíjnú. Ta̱nga kuírá Néná xí tsi̱ꞌe̱ na̱ꞌmijnú xi ta̱ katsjájnú kui nii̱. Kósꞌe̱ kui nda̱a̱ tsꞌaxié Simeoo̱n nínga tikónyà ndo̱bo̱a̱yà.

Jenesii̱s 43:30

Kósꞌe̱ Kosiee̱ achichí ni xi kamaá nga kamábe ntsꞌi̱e̱ nga ngaskande tsanga má kijí nínga tikón ngi̱yaꞌmaa̱, kósꞌe̱ ítsꞌi̱yani nga askjandá ndasen.

Jenesii̱s 45:1

Kosiee̱ ngiti̱ kichikjo̱a̱jiín kó tsꞌaxié kui ngi̱ndiee̱ ngayeje já xí bosikójo xi síndotꞌaa̱. Kó kjiꞌanga akoó yojoo̱ já ntsꞌi̱e̱, nde ngojín já xí bosikójo Kosiee̱ xi kisꞌińdo ngase ki̱a̱a̱. Kó Kosiee̱ bi̱ katsoó já ntsꞌi̱e̱: —¡Kosiee̱ boá an já! A to̱kó tikón na̱ꞌmina. Kósꞌe̱ achichí ꞌniú askjandá Kosiee̱, kó ngaskande ngayeje xota̱ xi chji̱a̱ni Ejipto̱ ko̱jo xota̱ xi síndo ndiꞌaa̱ nda̱ ree̱ xi tsintꞌié én nga bo̱a̱ kamá. Ta̱nga achichí katsakjónní já ntsꞌi̱e̱, nga ndeskande nde kamájín tsíchji̱a̱ ngindyi̱ko̱n Kosiee̱.

Rkaa̱ 19:41

Kó ngije ma kjachó tiña na̱xi̱ńdáꞌniú Jerusale̱n, nga askotsijen Kjisoo̱, askjandá kjo̱a̱a̱ kui na̱xi̱ńdaá,

Xota̱ Roma̱ 12:15

Tsja ngatamajnú tsi tjín xí tsja tjiín, kó chaꞌájo̱jnú tsi tjín xí ndyi̱kjandà.

1 Xota̱ Korinto̱ 12:26

Kó kuíni nga, tsi tjín ni xi yaꞌaa̱ yojoná xí kjo̱a̱ni̱ma̱ kjo̱a̱ꞌatio, ngayeje xi ngasee̱ xi on ka̱maa̱ nga, kó tsi tjín ni xi yaꞌa yojoná xí ndikón si̱ꞌanjo̱, ngayeje xi ngasee̱ xi tsja ka̱maa̱ nga.

Xota̱ Ebreo̱ 4:15

Ngatꞌa̱ tikónná ngo chináꞌmi xi ꞌniú nkꞌa xaá xi ma ni̱ma̱a̱ kjo̱a̱ꞌindaná, kui xi je kachjatꞌayákón xikoó ñá, ta̱nga katsꞌénjéjín.