Jenesii̱s 42:21 - Xo̱jo̱n eén Néná

²¹ ta̱nga ja̱kꞌi̱e̱ ja̱ngaján bi̱ katsoó xkjín: «Nga ja̱koxi̱ nda ndyi̱ꞌbíchjí ñá ngotꞌe̱ ni xi kiniꞌánjo̱ ntsꞌié, a foaꞌátsjienjnú nga achichí ꞌniú tsíꞌáná nga si̱ꞌanjetakóo̱n katsaki, kó bo̱a̱jín kiniꞌán, ndatsi kamáyà ñá nga achichí katsakjónní. Ja̱ ngotꞌe̱ ꞌne̱ kꞌi̱e̱ ndyi̱ꞌbíchjí ni xi kiniꞌán».

Jenesii̱s 42:21 Iomraidhean Croise

Jenesii̱s 41:9

Kósꞌe̱ nda̱ ngito̱ko̱o̱ já xí tjón kotꞌa bino̱ xi ꞌbi nda̱ ree̱ tsíchji̱a̱jo ree̱, nga bi̱ katsoó: —¡Ngotꞌe̱ ꞌne̱ nga be an nga achichí nga ndajín an xota̱!

Jenesii̱s 44:16

Kósꞌe̱ Jundáa̱ bi̱ katsó: —Ja̱ kó mí ni xi ka̱ma kꞌuínjne̱ ji ndi̱a̱. Ka̱májín ko̱kójne̱ nga bo̱a̱jín kjiꞌi kui nii̱. Néná jè kamábe nga ji̱n xi konnijne̱, kó ngotꞌe̱ ꞌne̱ moso̱ tse̱ ji ngatamajne̱, ko̱jo kui nda̱ xi yaꞌa chi̱tsen to̱ntiboaa̱ nga.

Jenesii̱s 50:15

Kó já ntsꞌi̱e̱ Kosiee̱ ngije jaꞌa nga kꞌien na̱ꞌmii̱, bi̱ tsꞌén katsꞌénkjó: «Mí xí si̱ꞌán tsi Kosiee̱ ta̱kó tjítsꞌénxchánjo̱ná kó tsi ka̱mamejeén sa̱ꞌíngojo kjo̱a̱a̱ ni xi kiniꞌánjo̱.»

Énkjínkón 21:13

Xota̱ xi tsꞌensénjiín xota̱ ni̱ma̱ xi ni̱ma̱ tsó nga ko̱si̱ko̱joo̱, ti̱nde kui si̱ꞌansénjiín kjiꞌanga kui ku̱i̱ꞌa nga ko̱siko̱jo.

Énkjínkón 28:17

Xota̱ xi katsꞌenkꞌién ngo ini̱ma̱, kjótsoꞌbá chinga ngaskande nga ko̱yà, ¡ngata̱ jmíjín xi bosikójo!

Xki̱ 32:23

»Kꞌi̱e̱ ti̱ꞌandajnú na̱xi̱ńdáꞌniú tsi̱ꞌe̱ ndíjnú ko̱jo nchꞌoá tsi̱ꞌe̱ cho̱jnú, ta̱nga ti̱ꞌankjatjosónjnú ni xi je kiꞌmíyatjónjnú nga si̱ꞌánjnú, ngatꞌa̱ tsi bo̱a̱jín si̱ꞌánjnú, ngo jé xí ta̱nisién ꞌniú xí si̱ꞌánjnú kondraa̱ Néná, kó kuí boá xi ko̱tíjéjnú.

Matioo̱ 7:2

Ngatꞌa̱ xikótsꞌèn ndyi̱nfongitaꞌínjnú jé ngo xota̱, ti̱ bo̱a̱ ti̱ tsꞌén kjongítaꞌínjnú jún ngo jé, kó ti̱ kuii̱ yáchi̱bo̱a̱ xi si̱ꞌankjiénjnú jún nga xꞌi̱chi̱bo̱a̱jnú, ti̱ kuii̱ xi si̱ꞌankjién nga xꞌi̱chi̱bo̱a̱jojnú jún.

Markoo̱ 9:48

nínga chi̱ndoo̱ kui xotaa̱ fesónjín, ti̱nde ndiꞌií jmíni̱xtjin ꞌbo.

Rkaa̱ 16:28

ngatꞌa̱ ún má ntsꞌié án xi ka̱tso̱yaa̱, tsi̱ꞌe̱ nga ti̱ kꞌi̱e̱jín kji̱ndi̱bá kꞌi̱e̱ kui ngi̱ndie nínga tsie kjo̱a̱ni̱ma̱ bitjatioó.”

Ni xi kamá 19:18

Kó achichí kjín má xota̱ xi je kisꞌijii̱n eén Néná xí katsóyà ngindyi̱ko̱n xota̱ na̱xi̱ńdaá ngayeje ni xi ndajínkjiꞌi xi katsꞌén ngasꞌe̱.

Xo̱jo̱o̱n Sandiyaá 2:13

Ngatꞌa̱ ni̱xtjin nga Néná sa̱ꞌíndajin kjo̱a̱a̱, ni̱ma̱jín ka̱maa̱ xota̱ xi ni̱ma̱jín kamaá kje̱ꞌe xota̱. Ta̱nga kui xota̱ xi ni̱ma̱ kamaá kje̱ꞌe xota̱, sa̱kójiín kjo̱a̱botíjeé Néná kui ni̱xtjii̱n.

1 Xo̱jo̱o̱n Juaa̱ 1:9

Ta̱nga tsi ndyi̱niꞌánkié yojoná nga tjínná jé, ka̱ma ka̱maꞌniátakón ñá nga kixi̱ boá Néná, tsi̱ꞌe̱ nga sa̱ꞌínjetakón jéná ko̱jo nga sa̱ꞌíntsjiejónná ngayeje ni xi ndajín xi tikónjinná.