Jenesii̱s 42:18 - Xo̱jo̱n eén Néná

^18-20 Kó xi ma ján ni̱xtjin Kosiee̱ bi̱ katsoó: «Tsakjón án Néná. Tsi ja̱koxi̱ nga xota̱ xi ndajnú ko̱jo tsi mejénjnú ku̱i̱ndyionra ngasejnú nga̱sondie, bi̱ ti̱ꞌánjnú: te̱ꞌéndièjnú nga ngo ntsꞌiejnú xi ngatꞌíjñára ndo̱bo̱a̱yà, kó xi ngasee̱ ngatjíjoo̱ to ndso̱ko̱a̱n ṉño̱pan xota̱ xi síndo ndiꞌajnú, ngatꞌa̱ achichíra̱ je bojoó, ta̱nga ndibájo̱jnú ntsꞌiejnú xi kjindií, kó bo̱a̱ tsí tsꞌén skuié an tsi ja̱koxi̱ ni xi ndyi̱ꞌmìjnú.» Kó já ntsꞌi̱e̱ Kosiee̱ jo̱ꞌo katsó ni xi kiꞌmií,

Jenesii̱s 42:18 Iomraidhean Croise

Jenesii̱s 20:11

Kó Abraa̱n bi̱ katsó: —Ngatꞌa̱ katsꞌenkjó án nga kui ngi̱ndiee̱ jmíjín xota̱ xi bendikón Néná, kó kixián án nga ta̱ngatꞌanii̱ chjo̱onna nga si̱ꞌankꞌienna.

Jenesii̱s 39:9

Ngojín ni xi íchjána, kꞌi̱e̱ kui ndiꞌaa̱ jmíjín ingo xi nkꞌa ngase xaá, ta̱nga ji chjo̱ón má ji, kó tsi an kjojñajoo̱, sa̱ꞌin jé an ngindyi̱ko̱n Néná.

Joo̱b 1:1

Ki̱a̱ nangi Uu̱ kisꞌijña ngo nda̱ xi kiꞌmí Joo̱b xi achichí ndaxota̱ ko̱jo kixi̱ kamá. Ngatsjéni̱xtjin nga kamábendikón Néná, kó chiíjín katsꞌén ni xi ndajín.

Éksondo̱ 1:17

Ta̱nga na̱ Sifraa̱ ko̱jo na̱ Púaa̱ achichí kamábendikón Néná, kó kuíni nga katsꞌénkjatjosónjiín ni xi katsó nda̱ ree̱ nangi Ejiptoo̱ nga sa̱ꞌín.

Éksondo̱ 18:21

»Tsi̱ꞌe̱ nga ka̱maa̱ si̱ꞌin ji ngayeje kui nii̱, chje̱ꞌéjin ji jáxíꞌín ngi̱jii̱n xota̱ Israee̱l xi ka̱maa̱ ko̱síko̱joo̱. Ti̱ndyi̱sé ji xota̱ xi ka̱maa̱ sa̱ꞌín ngo xá, xi ntꞌiéꞌeén Néná, xi ndisojín, ko̱jo xi xke̱éto̱njín tsi̱ꞌe̱ nga kjo̱a̱ndaa̱ ngo xota̱ ko̱e̱je̱. Te̱ꞌée̱ xá nga ngito̱ko̱ ngatama, tjín xí nga tsꞌenseén ngo mi̱ xota̱, kje̱ꞌe xí nga tsꞌenseén úchán xota̱, kje̱ꞌe xí ichítié, kó kje̱ꞌe xí tie xota̱ nga tsꞌenseén nga ngo nga ngo.

Lebitiko̱ 25:17

»Ngata̱ ngojín xi ꞌboṉcha̱jo xkjín, cha̱ndikónjnúꞌun. Án boá xi Nee̱ xota̱ Israee̱l.

Lebitiko̱ 25:43

»Nda ti̱ꞌanjo̱jnú ngayeje xota̱ Israee̱l. Cha̱ndikónjnúꞌun.

Rkaa̱ 18:2

bi̱ katsoó: –Ngo na̱xi̱ńdáꞌniú kisꞌijña ngo nendiꞌamasien xi katsakjónjín Néná, kó kamábendikónjín xotaa̱.

Rkaa̱ 18:4

Kó kjín ni̱xtjin nga kamámejénjiín kui nendiꞌamasiee̱n nga katsꞌénseén, ta̱nga ti̱chaa̱n, bi̱ tsꞌén yíjin kon: “Ndatsi tsakjonjín an Néná, kó ti̱ bendikónjín an xotaa̱,