Jenesii̱s 42:13 - Xo̱jo̱n eén Néná

¹³ Kó bi̱ katsó ngase kui jaá: —Ji̱n, tiejó ntsꞌie majne̱, kó ta̱ ngo na̱ꞌmi májne̱ ngayejejne̱, kó kui nda̱ xi ꞌniú kjindií, na̱ꞌmijne̱ tikónjo̱ ngotꞌe̱ ki̱a̱ nangi Kanaa̱n, kó ngo ntsꞌiejne̱ xi je kꞌien.

Jenesii̱s 42:13 Iomraidhean Croise

Jenesii̱s 37:30

sꞌe̱ kijíkoón já ntsꞌi̱e̱, kó bi̱ katsoó: «¡Ngiti̱ jmíjín Kosiee̱ ngi̱ya ti̱xa̱ ndáńchꞌií! Kó ngotꞌe̱ ꞌne̱, mí xí xiáa̱n na̱ꞌmina.»

Jenesii̱s 42:11

Ngayeje ji̱n xota̱ nda boá ji̱n, ta̱ ngo na̱ꞌmi má ji̱n. ¡Jmí tsi xota̱ xi ndyi̱foeꞌekatsienjenꞌmá!

Jenesii̱s 42:12

Ta̱nga Kosiee̱ bi̱ katsó ngasee̱: —¡Sꞌijinjín mána kui nii̱! Jún ta̱ ndyi̱foéꞌe̱tsitsienjenꞌmá tsíjnú kótsꞌèn nga ka̱ma ku̱i̱xkánjo̱jnú xotaa̱ kui na̱xi̱ńdaá.

Jenesii̱s 42:14

Kó Kosiee̱ bi̱ katsó nginií: —¡Kjénní ni xi kixian an! ¡Nga jún xota̱ xi ndyi̱foeꞌekatsienjenꞌmá boájnú,

Jenesii̱s 42:32

Kó bo̱a̱ kiꞌmíjne̱ nga ji̱n tiejó ntsꞌie ma ji̱n, kó nga ta̱ ngo na̱ꞌmi ma ji̱n, kó nga ngo ntsꞌie ji̱n xi je kꞌien ko̱jo nga kui xi kjindií nangi Kanaa̱n tikónjo̱ na̱ꞌmijne̱ ngotꞌe̱.

Jenesii̱s 42:36

Kósꞌe̱ Jakoo̱b na̱ꞌmii̱ kui jaá bi̱ katsoó: —¡Jún ndyi̱chjeꞌéxín yejejnúꞌun ndína! Kosiee̱ ko̱jo Simeoo̱n jè ngiti̱ kꞌi̱e̱jín tikónjo̱ná, ¡kó ngotꞌe̱ ꞌne̱ mejénjnú kongínjo̱jnú Benjaa̱ nga! ¡Ti̱chánní sa̱ꞌínkꞌiénna kui nii̱!

Jenesii̱s 42:38

Kósꞌe̱ Jakoo̱b bi̱ katsó: —Kongínjo̱jínjnú ndína, ngatꞌa̱ jè kꞌien Kosiee̱, kó ta̱ Benjaa̱ xí tikón ngasena, tsi tjín ni xi ka̱maa̱ ngi̱ya ndi̱yà xí kongínjnú, achichí ndasen kotíjña̱ an ngaskande nga ko̱yà an.

Jenesii̱s 43:29

Kó nga askotsijen Kosiee̱ nga ngo foaꞌatjiyajoo̱n, kamábe nga ki̱a̱ tikón Benjaa̱ kui nda̱ xi ntsꞌi̱e̱ ma nga ngo na̱ꞌmi ngo na̱an, kó bi̱ katsó: —A kuí bí ntsꞌiejnú xi kjindí ngase xi kiꞌmíjnúꞌun tsie ꞌne̱. ¡Néná ngatsꞌénchíkonñeé xi̱ꞌin!

Jenesii̱s 43:7

Kó kui jaá bi̱ katsó: —Kjo̱a̱a̱ nga kui nda̱a̱, achichí ni xi asíyájne̱ kjo̱a̱a̱ ji̱n ko̱jo kjo̱a̱a̱ xota̱ ndiꞌaná, nga bo̱a̱ katsó tsi to̱kó tindyin ji, ko̱jo tsi tikónjne̱ ingo ntsꞌie. Kó ji̱n ta̱ kiꞌmíyàtsíjne̱ ngayeje ni xi asíyájne̱, kó jmíni̱xtjin kiniꞌánkjójne̱ tsi ku̱i̱ꞌa nga kongínjo̱jne̱ ntsꞌiejne̱ xi ingoo̱.

Jenesii̱s 44:20

Kó ji̱n bo̱a̱ kiꞌmíjne̱ ji nga na̱ꞌmijne̱ jè xchá, kó nga jó ndí kisꞌiee̱ kui ko̱jo chjo̱ón xi ꞌmí na̱ Rakee̱l, kó nga ngo kui ndií xi je kꞌien, sꞌe̱ ngo xi kjindií xi ta̱kó tikón, kui xi katsen nga je ꞌniú xchá na̱ꞌmijne̱, kuíni nga na̱ꞌmijne̱ achichí tjoó.

Jenesii̱s 44:28

kó nga ngo kui ndií xi yàjín nínga kijí, kó ngiti̱ kamábejín an. Bee̱ko̱n an nga ngora̱ cho̱ tamá iskjinie.

Kjo̱a̱chaꞌaá 5:7

Xota̱ xi xchájne̱ katsꞌénjé, kó je jesón, ¡ta̱nga ji̱n boá xi ndyi̱ꞌbíchjíjne̱ jé xí katsꞌén!

Matioo̱ 2:16

Kósꞌe̱ nga kamákjiín Erondee̱ nga tsꞌenṉcha̱jo já kjínkoón, achichí katsꞌénxchán, kó katsangiya tsi̱ꞌe̱ nga kiniꞌánkꞌién ngayeje jákjíndí xíꞌín xi ngindiee̱ nga jó noó, xi síndo ndí na̱xi̱ńdáꞌniú Belee̱n ko̱jo ngayeje ndí nangi xi síndotꞌa kui ngi̱ndiee̱, ngatꞌa̱ askosoón ni̱xtjin xikó katsoó kui já kjínkoón.

Matioo̱ 2:18

Ngo nda̱ kandaꞌyaá nangi Ramaa̱, nda̱a̱ xi tsꞌénkjandá ko̱jo xi ni̱ma̱ tjítsó kjo̱a̱a̱ nga on kjimaa̱, na̱ Rakee̱l boá xi tsꞌénkjandátjé ndií, kó kamámejénjiín nga kiniꞌándajoo̱n ngatꞌa̱ je jesón ndií.