Jenesii̱s 41:8 - Xo̱jo̱n eén Néná

⁸ Kó nga kamángindyiojoón achichí nda̱ kamaá, kó katsangiyakjaꞌá ngayeje xota̱ xi kotꞌasón xi chji̱a̱ni nangi Ejipto̱, ko̱jo ngayeje xota̱ xi kjínkón, kó kui nda̱ ree̱ katsóyaà ni xi tseꞌéchi̱nii̱, ta̱nga nde ngojín kui xotaa̱ xi katsóyaà mí ni xi mejeén tsó kui chi̱ni xi katseꞌeé nda̱ ree̱.

Jenesii̱s 41:8 Iomraidhean Croise

Jenesii̱s 40:6

Kó nga kamángindyiojón Kosiee̱ jachókatsijee̱n kui jaá, kó kamábe nga achichí ndasen síndo,

Jenesii̱s 40:8

Kó kui jaá bi̱ katsó: —Kjo̱a̱a̱ nga ngo chi̱ni tseꞌéjne̱, ta̱nga jmíjín xi tsáyàjne̱ mí ni xi mejeén tsó kui chi̱nii̱. Kósꞌe̱ Kosiee̱ bi̱ katsó: —Tꞌíyájnúꞌun chi̱nijnú, kó Néná ka̱tso̱yàná mí ni xi mejeén tsó.

Jenesii̱s 41:15

Kó nda̱ ree̱, bi̱ katsoó Kosiee̱: —Ngo chi̱ni tseꞌéna, kó nde ngojín xi tsáyàna mí ni xi mejeén tsó, ta̱nga jè kiꞌmíyàna nga ngije xò ndaꞌyé ji ngo chi̱ni, ꞌmíyé xò ji ni xi mejeén tsó.

Jenesii̱s 41:24

Kó kui ńtín xí ata̱ ni̱ma̱koón iskjinie kui ńtín xí achichí tsjákoón. Ngayeje kui nii̱ jè kixiyàa̱ ngayeje já xí kotꞌasoón, ta̱nga nde ngojín xi kamaá katsóyàna ni xi mejeén tsó kui chi̱nii̱.

Jenesii̱s 41:7

¡Kó kui ńtín xí ata̱ ni̱ma̱koón iskjinie kui ńtín xí achichí tsjákoón xi kisꞌikitsié maá to ndso̱ko̱a̱n ṉño̱pan! Kó kjiꞌá má jaꞌaá nda̱ ree̱, kó kamákjiín nga chi̱ni boá kui nii̱.

Xo̱jo̱n Salmoo̱ 25:14

Ni xi tjiꞌmaá Néná, kuí boá xota̱ xi bendikón kuí, kó kuí boá xi ko̱ko̱ó kjo̱a̱ꞌbíndaa̱.

Éksondo̱ 7:11

Kósꞌe̱ nda̱ ree̱ tsíchji̱a̱a̱ xota̱ chji̱ni̱e̱ ko̱jo tjiꞌe xi kisꞌiee̱, tsi̱ꞌe̱ nga ti̱ bo̱a̱ ti̱ sa̱ꞌín kui jaá nga.

Éksondo̱ 7:22

Kó bo̱a̱ kamá xikó má katsó Néná, achichí tajá kamá ini̱ma̱a̱ nda̱ ree̱. Kó nga já tjiꞌe xi tjín nangi Ejipto̱ ti̱ jín katsꞌén ndáfoaa̱ nga, kó tsintꞌiéꞌénjiín Aaroo̱n ko̱jo Moisee̱. Kó nda̱ ree̱ kijí nginí ndiꞌaa̱.

Éksondo̱ 8:7

Kó já tjiꞌee̱ ti̱ bo̱a̱ ti̱ katsꞌén nga nga katsꞌénkjién kjo̱a̱tjiꞌee̱ kó katsꞌénkjatjo xkji̱e̱ ngi̱jin ndáfoaa̱, xi íkitsieni ngayeje nangi Ejiptoo̱.

Lebitiko̱ 19:31

»Ngata̱ xota̱ xi chji̱a̱jo xota̱ xi je jesónjín mongínchonjnúu̱ nga xchítꞌajnú yojojnú. Tsi bo̱a̱ si̱ꞌánjnú, je ngiti̱ tsjiejín ka̱majnú. Án boá xi Nee̱ xota̱ Israee̱l.

Lebitiko̱ 20:6

»Tsi tjín xí ko̱e̱je̱koo̱n xota̱ xi chji̱a̱jo xota̱ xi je jesoón nga skótꞌasoón yojoo̱, ka̱maxtína, kó án boá xi sa̱ꞌinkꞌién an kui xi bo̱a̱ katsꞌeén.

Matioo̱ 2:1

Ngije katsen Kjisoo̱ ki̱a̱ Belee̱n, ndí na̱xi̱ńdáꞌniú xí chji̱a̱ni nangi Jundea̱, ni̱xtjin nga atíxoma nda̱ re Erondee̱ ngayeje kui na̱xi̱ńdaá, jachó na̱xi̱ńdáꞌniú Jerusale̱n já kjínkón xi kjindibáni xtji̱e̱e̱n nínga fotjo tsꞌueé,

Ni xi kamá 17:18

Kó tjín xota̱ xi kjínkón xi ꞌmí filósofo̱ xi iskjítꞌoyà ni xi akóyá já xí ꞌmí Epikúreo̱, ko̱jo xi iskjítꞌoyà ni xi akóyá já xí ꞌmí estoiko̱ xi ítsꞌi̱yanii̱ nga askjotíjo̱ Pabloo̱, kó tjín xí bi̱ katsó: –Mí ni xi tsꞌénchji̱a̱ kui nda̱ xi tá se chji̱a̱a̱. Kó kje̱ꞌe xi bi̱ katsó: –Máraá tsi kui nda̱a̱ xi tsꞌénꞌbini̱jmì kjo̱a̱a̱ Ne xi tja̱tsi̱e̱. Kui nii̱ xi katsó kui jaá ngatꞌa̱ nga Pabloo̱ íni̱jmì éntjatsi̱e̱e̱ Kjisoo̱, ko̱jo kjo̱a̱a̱ nga jaꞌáꞌyá nginií.

Ni xi kamá 7:22

Kó bo̱a̱ tsꞌén Moisee̱ akakoyaá ngayeje kjo̱a̱kjínkón xi máa xota̱ xi chji̱a̱ni Ejipto̱, kó ngo nda̱ xi ꞌniú chji̱ni̱e̱ kamá, ngatꞌa̱ kisꞌiee̱ ngaꞌniú én xí tsíchji̱a̱ ko̱jo ni xi katsꞌén.

1 Xota̱ Korinto̱ 1:19

Ngatꞌa̱ jè kjitꞌa xo̱jo̱n eén Néná, nínga bi̱ tsoó: Sa̱ꞌinkjatsón án kjo̱a̱kjínkoón xota̱ xi kjínkoón, kó sa̱ꞌínkjié an ngaꞌniuú ni xi makjiín xota̱ xi inda to̱ko̱o̱.