Jenesii̱s 41:55 - Xo̱jo̱n eén Néná

⁵⁵ Ngije kisꞌie kjindiá ngayeje nangi xi síndo ki̱a̱ Ejipto̱, xota̱ na̱xi̱ńdaá kui ngi̱ndiee̱ kijíkoón nda̱ ree̱ tsi̱ꞌe̱ nga tsíꞌaá nichinie. Kó nda̱ ree̱ bi̱ katsoó: «Tangínchonjnúu̱ Kosiee̱ kó ti̱ꞌánjnú ni xi ka̱tso̱jnú kui nda̱a̱».

Jenesii̱s 41:55 Iomraidhean Croise

Jenesii̱s 41:56

Kó ngije ítsꞌi̱yanii̱ nga kamá kui kjindiá ngayeje kui na̱xi̱ńdaá, Kosiee̱ iskjíxꞌá kui ndiꞌa yiꞌi nínga kixindyia ni xi ma chiniee̱, kó atíñaá to ndso̱ko̱a̱n ṉño̱pan xota̱ Ejiptoo̱.

Jenesii̱s 42:6

Nga jachó já ntsꞌi̱e̱ Kosiee̱ ki̱a̱ nangi Ejipto̱, kixindyiańña ngaskande nga kisitꞌaa̱ kje̱n tꞌanangii̱ nga kamábendikón Kosiee̱, ngatꞌa̱ kuí boá xi xtitjoón kui na̱xi̱ńdaá, kó kuí boá xi atíñaá to ndso̱ko̱a̱n ṉño̱pan ngayeje na̱xi̱ńdá xí tjín nga̱sondiee̱.

Matioo̱ 17:5

Tji̱e̱nga tsꞌénchji̱a̱ ngase Peé, ngo ṉdi̱ ꞌna̱ kitsjien, kó ki̱a̱ kasasien nínga síndo kui jaá, sꞌe̱ ngi̱jin kui ṉdi̱i̱ kandaꞌyá ngo nda̱, xi bi̱ katsó: –Kuí xi̱ꞌbi̱ xi ndí tjóna, tsjátjínna ngatꞌaa̱ kui, ndaꞌyájnúu̱.

Matioo̱ 3:17

Kó kandaꞌyá ngo nda̱ ndiꞌakꞌajmi jàn xi bi̱ katsó: –Kuí xi̱ꞌbi̱ xi ndí tjóna, ꞌniú tsjátjínna kjo̱a̱a̱ kui.

Juaa̱ 2:5

Sꞌe̱ na̱aa̱n Kjisoo̱, bi̱ katsoó já xí ndyi̱tsꞌènseén yámíxa̱a̱: –Ti̱ꞌánjnú ngayeje ni xi ka̱tso̱jnú Kjisoo̱.

Xota̱ Filipo̱ 4:19

Kui Néná xi tsꞌénxájo̱ an tsja̱ajnú jún ngayeje ni xi chajajnú, xikó kjiꞌi kjo̱a̱cho̱o̱n kjo̱a̱je xi tjiín Kristo̱ Kjisoo̱.

Xota̱ Kolosa̱ 1:19

Ngatꞌa̱ tsja kamaá Na̱ꞌmii̱, nga íjñajii̱n Jesukristoo̱ xi kókón kuí.