Jenesii̱s 41:42 - Xo̱jo̱n eén Néná

⁴² Kósꞌe̱ jaskan nda̱ ree̱ jaꞌáxín sti̱ngaro xi tjiyaá tsja xi tsꞌénkjién nga beꞌeé xo̱jo̱n xi tsangiya, kó tsja Kosiee̱ íyaá. Sꞌe̱ katsjákjo̱a̱ nga katseꞌeé Kosiee̱ ńjño xi nda tsi̱ꞌe̱ nga ko̱a̱ja̱, kó ti̱ katsjaá ngo ni xi jmeyá kjásen xí to̱nsinié nga,

Jenesii̱s 41:42 Iomraidhean Croise

Jenesii̱s 38:18

—Kó, mí ni xi mejeén kꞌuijñaá —katsó Jundáa̱. —Mejénna kꞌuijñíní seyoo̱ ko̱jo ńchjón xí tjítꞌa, ko̱jo yánísié xi titsjayindse̱ —katsó kui naa̱. Kó Jundáa̱ jo̱ꞌo katsó ni xi kiꞌmií, kósꞌe̱ kisꞌiejo̱ kui naa̱, kó kui naa̱ tsaꞌa ndí.

Jenesii̱s 41:43

kósꞌe̱ tsíꞌaá Kosiee̱ nga ki̱a̱ nijan ko̱e̱je̱yajo̱ karroo̱ nda̱ ree̱, nga kui xi je nda̱ xtitjoón, kó kui nda̱ ree̱, bi̱ katsoó xotaa̱ ngindyi̱ko̱n Kosiee̱: «¡Chjáxꞌájnú ndi̱yà!» Kó Kosiee̱ kasakoxaá nga kui xi ko̱tíxomaa̱ ngayeje nangi Ejipto̱.

Na̱ Estee̱r (Ebreo̱) 10:3

Ngatꞌa̱ kui Marndokeoo̱ jundíoo̱, kuí boá xi kamá xi ma joó re Asueroo̱, kó nkꞌa ngase kamá xaá ngi̱jii̱n xota̱ jundíoo̱ kuíni nga achichí tjó kiniꞌán, ngatꞌa̱ tsangasee̱ nga nda kꞌuíndo xotaa̱, ko̱jo tsíchji̱a̱tjé ngayeje xota̱ tji̱e̱e̱.

Na̱ Estee̱r (Ebreo̱) 3:10

Kósꞌe̱ ree̱ tsꞌaxié sti̱ngaro xi tjiyaá tsja xi tsꞌényaꞌa chi̱bo̱a̱a̱ nga kui xi re, kó katsjaá Amaa̱n, ndií Amendataa̱, xi xota̱ tji̱e̱e̱ Angaa̱j, kui xi kondra̱ manii̱ xota̱ jundío̱,

Na̱ Estee̱r (Ebreo̱) 3:12

Kó ni̱xtjin tiejaán sá xí tjoón, kui sá xí ꞌmí Abii̱b, kandokjo̱a̱a̱ xota̱ chji̱ni̱e̱xo̱jo̱o̱n ree̱, tsi̱ꞌe̱ nga sa̱ꞌínꞌindó ni xi katsjákjo̱a̱ Amaa̱n, kó kui xo̱jo̱o̱n kanangiyaa̱ ngito̱ko̱o̱ xtín nangi, ko̱jo ngito̱ko̱o̱ nangi, ko̱jo xota̱ xi tjiín xá xki̱ na̱xi̱ńdáꞌniú. Kó bo̱a̱ tsꞌén kiniꞌánꞌindó xikótsꞌèn niꞌánda xo̱jo̱n ko̱jo xikótsꞌèn chji̱a̱ xotaa̱ nga ngo nga ngo nangii̱, kó jaꞌeén ko̱jo chi̱bo̱a̱a̱ sti̱ngaroo̱ ree̱ kiniꞌánkaꞌa kui xo̱jo̱n.

Na̱ Estee̱r (Ebreo̱) 8:10

Kó Marndokeoo̱ jaꞌeén re Asueroo̱ katsꞌéndani xo̱jo̱o̱n, sꞌe̱ yeꞌeé chi̱bo̱a̱ xi yaꞌa sti̱ngaroo̱ ree̱, kó katsangiyajo̱ xota̱ moso̱ xi kijíjo̱ ndi̱je̱e̱ ree̱, xi achichí monga.

Na̱ Estee̱r (Ebreo̱) 8:15

Kó Marndokeoo̱ jatjoni ngindyi̱ko̱n ree̱ nga tsꞌényajá ngo ńjño xi boajá re xi aso ko̱jo tiboa, ko̱jo ngo korona̱ to̱nsinié tjiꞌaá to̱ko̱, ko̱jo ngo ńjñobichitjé xi lino̱ kamándani xi koán. Kó xota̱a̱ na̱xi̱ńdáꞌniú Susa̱ achichí tsjá kamaá, kó ngaskande askjandáyà má nga tsja kisꞌiee̱.

Na̱ Estee̱r (Ebreo̱) 8:2

Kósꞌe̱ ree̱ jaꞌáxín sti̱ngaro xi tjiyaá tsja, kui xi Amaa̱n mára katsꞌénkꞌasꞌiee̱n, kósꞌe̱ Marndokeoo̱ katsjaá. Kó na̱ re Estee̱r, Marndokeoo̱ katsjáxaá kjo̱a̱a̱ ngayeje ni xi tsi̱ꞌe̱ Amaa̱n mára kamá.

Na̱ Estee̱r (Ebreo̱) 8:8

Ngotꞌe̱ ꞌne̱, ti̱ꞌanꞌindójnúu̱ ngo xo̱jo̱n xota̱ jundíoo̱ xikótsꞌèn nda bee̱takónjnú, kó ti̱ꞌankjiénjnú jaꞌeén ree̱, sꞌe̱ tꞌiéjnúu̱ chi̱bo̱a̱ xi yaꞌa sti̱ngaroo̱, ngatꞌa̱ kjiꞌanga ngo xo̱jo̱n xi jaꞌeén ree̱ kiniꞌándani, kó ꞌbeé chi̱bo̱a̱a̱ sti̱ngaroo̱, jmíjín xi ka̱maa̱ sa̱ꞌínchjíjínnii̱.

Xo̱jo̱n Salmoo̱ 73:6

Ngatꞌa̱ kjo̱a̱nkꞌakoo̱n boá xi xikoó tsi kui xi ixkìꞌ kjimaa̱, kó ni xi ndajiín, kuí boá xi xikoó tsi kui xi ńjñobichitjé kjimaa̱.

Énkjínkón 1:9

Ngatꞌa̱ kjo̱a̱bokoyaá xi xcháa̱, kuí boá xi xikónii̱ tsi ngo niꞌbíꞌátoko ka̱maa̱, ko̱jo tsi xikoó ngo ni xi jmeyá kjásen ji ka̱maa̱.

Énkjínkón 31:22

Kjíbé ńjño lino̱ xi nda ko̱jo xi ńchjón koán kamándani, kó kuí tsꞌéndani ńjñotjibé ko̱jo chi̱nga xi boajá.

Énkjínkón 31:24

Tsꞌénda ńjño xi botiñá, ko̱jo ńjño xi ꞌbíkjá ndáyáná xi botiñaá xota̱ xi botiñá nii̱.

Én xí nda xi ꞌniú tsjatsó ngasee̱ 1:10

¡Achichí tsjatsꞌèn ya tꞌanijin ji ki̱a̱ ngamasiee̱n tsja̱ni̱je̱e̱n! ¡Achichí tsjatsꞌèn ya kjásen ji nga yajáyaá ixkìꞌ!

Én xí nda xi ꞌniú tsjatsó ngasee̱ 4:9

Jè kiniꞌíntse̱ ji ini̱ma̱na, jí ndí ndíchja, jí ndí chjo̱onna. Jè kiniꞌíntse̱ ji ini̱ma̱na, ndeskande koó nga kitsitsijìnní, xikoó tsi ki̱a̱ ikꞌítsakjájinní ngi̱jii̱n toꞌixkíi̱.

Rkaa̱ 15:22

Ta̱nga na̱ꞌmii̱, bi̱ katsoó mosoo̱: “ꞌNa̱xiéjnú ngo ńjño xi tsjakjiꞌi, kó ti̱ꞌankajájnú ndína, kó tꞌíyájnúu̱ ngo sti̱ngaro tsja, ko̱jo tjayàjnúu̱ tji̱xíndié.