Jenesii̱s 41:30 - Xo̱jo̱n eén Néná

^30-31 sꞌe̱ jaskan kji̱ndi̱bá yito nó nga jmí nichinie kꞌuiéjín, nga bo̱a̱ ka̱ma ta̱ꞌyajín xi kjo̱a̱ꞌátsjiee̱n ngayeje ni tsie xi kisꞌie ngasꞌe̱ nangi Ejipto̱, ngatꞌa̱ kui kjindiá ꞌniuú sa̱ꞌínkjié kui na̱xi̱ńdaá.

Jenesii̱s 41:30 Iomraidhean Croise

Jenesii̱s 41:21

Xkꞌién kó chꞌokon kamá, kó ndatsi je iskjinie kui cho̱yojo xi yiꞌii̱, ¡nde kamáyàjín ngatꞌa̱ to̱kó bo̱a̱ tsꞌén xkꞌién kamá xikoó nga tjón tjón! »Kó kjiꞌá má jaꞌána.

Jenesii̱s 41:27

Kó ti̱ nga yito kui cho̱yojo xi xkꞌién ko̱jo xi ata̱ chꞌokoón xi jatjojinni ndáfoaa̱, ti̱ yito nó boá nga, kó nga yito kui ńtín xi ata̱ ni̱ma̱koón, kui xi kixíꞌniuú ko̱jo xi katsꞌénchjaán tjo̱ xi ndibání xtji̱e̱e̱n nangi kixií, kuí boá xi tsáyà nga yito nó ka̱ma kjindiá.

Jenesii̱s 41:51

Kó ndí tjoón Kosiee̱ Manasee̱ ítꞌajaꞌén ngatꞌa̱ bi̱ katsó: «Néná boá xi katsꞌén nga kichíyána ngayeje kjo̱a̱xtina ko̱jo ndiꞌaa̱ na̱ꞌmina».

Jenesii̱s 41:56

Kó ngije ítsꞌi̱yanii̱ nga kamá kui kjindiá ngayeje kui na̱xi̱ńdaá, Kosiee̱ iskjíxꞌá kui ndiꞌa yiꞌi nínga kixindyia ni xi ma chiniee̱, kó atíñaá to ndso̱ko̱a̱n ṉño̱pan xota̱ Ejiptoo̱.

Jenesii̱s 47:13

Ta̱nga kui kjindiaá jè tjítsꞌénkjié ngayeje xota̱ xi chji̱a̱ni nangi Kanaa̱n ko̱jo nangi Ejipto̱. Ngiti̱ ingojín ngi̱ndie nínga kisꞌie ngase nichinie.

Xo̱jo̱n Salmoo̱ 105:16

Achichí kjindiá kamá ki̱a̱ nangi Kanaa̱n, ngatꞌa̱ Néná katsꞌénkjié nínga tjitjíe̱ to ndso̱ko̱a̱n ṉño̱paa̱n.

Énkjínkón 31:7

¡Ngatꞌi, kó ngatsꞌénchíyá ni xi chajaa̱! ¡Ko̱jo ngatsꞌénchíyá kjo̱a̱ni̱ma̱ xi ndyi̱foaꞌatio!

Rkaa̱ 4:25

Ta̱nga ja̱koxi̱ ni xi xiánjnúꞌun nga achichí má ínchjín kꞌán xi je kꞌien xi̱ꞌii̱n xi kisꞌie Israee̱l kui ni̱xtjin nga kisꞌijña nda̱ chji̱ni̱e̱ꞌe̱én Néná xi ꞌmí Eliyaa̱, kjiꞌanga jmí stsé tsaꞌájín ján nó ko̱jo jun sá, kó achichí kjindiá kisꞌie ngayeje nga̱sondiee̱,

Xo̱jo̱o̱n Sandiyaá 5:17

Nda̱ chji̱ni̱e̱ꞌe̱én Néná xi ꞌmí Eliyaa̱ kuí boá xi kamá ngo nda̱ xikoó ñá, kó kjiꞌanga ꞌniú tsíchji̱a̱a̱ Néná tsi̱ꞌe̱, nga ngiti̱ ko̱a̱ꞌájín stseé, ngiti̱ tsaꞌájín stsé nga̱són tꞌanangii̱ ján nó masien.