Jenesii̱s 4:7 - Xo̱jo̱n eén Néná

⁷ Tsi ndakjiꞌi ni xi tiniꞌín ji, ngatsjéni̱xtjin nga tsja ka̱mana nga sa̱ꞌinjoꞌoo̱, ta̱nga tsi ndajínkjiꞌi ni xi tiniꞌín ji, jeé jè tsꞌénkoya nga sa̱ꞌínꞌoón xikoó ngo cho̱ tamá. ¡Ngata̱ boeꞌéndièjín ji nga sa̱ꞌiín jeé!»

Jenesii̱s 4:7 Iomraidhean Croise

Jenesii̱s 19:21

Kó ngo kui já ndítsjiee̱ xi bi̱ katsoó: —Ndakjíꞌí, sa̱ꞌinkjatjosón an ni xi tꞌísé ji, kó sa̱ꞌinkjiéjín an kui ndí na̱xi̱ńdá xí tꞌísé ji.

Jenesii̱s 3:16

Kósꞌe̱ Néná, bi̱ katsoó naa̱: «Kó jí, kjiꞌanga kꞌuié jí ndí, ¡án xí sa̱ꞌin an nga ꞌniú ka̱ma xi so xi ndakjáa̱n! Kó ndatsi bo̱a̱ ka̱maa̱, ti̱ kuí xí si̱ꞌinmején ji xi̱ꞌíi̱n tsi̱ꞌe̱ nga kꞌuieé ndí, kó xi̱ꞌíi̱n boá xi ko̱tíxomaa».

Joo̱b 11:14

kó tsi ngo jé kiniꞌín ji, sꞌe̱ si̱ꞌinkjìi̱n yojòo̱ kui jeé, ko̱jo tsi ko̱e̱ꞌéndièjín ji nga ni xi kixi̱jiín kꞌuié ngi̱ya ndiꞌàa̱,

Joo̱b 11:15

ja̱ kjiꞌá boá nga ka̱ma chjanínkꞌé ji kje̱n nga jmíjéjiín, kó ka̱ma ꞌniú ku̱i̱ndyin ji nga jmí ni ko̱nda̱kinjín ji.

Joo̱b 29:4

¡kjiꞌanga kjindí ngase an, ko̱jo nga kisꞌiena ngaꞌniú, Néná katsꞌénchikonñé ndiꞌana ngatꞌa̱ nda tsaꞌana!

Joo̱b 42:8

Kuíni ngotꞌe̱ ꞌne̱ tangínjo̱jnú Joo̱b, kó tꞌítíjnú yito cho̱yojo toro̱, ko̱jo yito cho̱tsa̱nga̱ xi jaꞌatji ndi̱ja̱a̱, tsi̱ꞌe̱ nga sa̱ꞌinjetakónjnúꞌun. ꞌNiú ku̱i̱ꞌana Joo̱b nga ku̱i̱chji̱a̱tjéjnú, kó ta̱ngatꞌanii̱ kui nga jmí kjo̱a̱soboá sa̱ꞌínkjaꞌájínjnú, ta̱ngatꞌanii̱ nga kixi̱jín kandokjo̱a̱jnú kjo̱a̱a̱ an, xikó tsꞌén kixi̱ tsíchji̱a̱ Joo̱b».

Énkjínkón 18:5

¡Ndajínkjiꞌi, nga kꞌuiyá nga jmíjéjiín, xota̱ xi ꞌniú ndajiín, ko̱jo nga chje̱ꞌéxiín kjo̱a̱nda xi tjiín xota̱ xi kixi̱i̱!

Énkjínkón 21:27

Achichí chꞌoó Néná kjo̱a̱tjó xi tsꞌenkꞌásꞌién xota̱ xi ꞌniú ndajiín, kó ngase má nga ndajín tsꞌén tsꞌenkꞌásꞌién.

Xki̱ 32:23

»Kꞌi̱e̱ ti̱ꞌandajnú na̱xi̱ńdáꞌniú tsi̱ꞌe̱ ndíjnú ko̱jo nchꞌoá tsi̱ꞌe̱ cho̱jnú, ta̱nga ti̱ꞌankjatjosónjnú ni xi je kiꞌmíyatjónjnú nga si̱ꞌánjnú, ngatꞌa̱ tsi bo̱a̱jín si̱ꞌánjnú, ngo jé xí ta̱nisién ꞌniú xí si̱ꞌánjnú kondraa̱ Néná, kó kuí boá xi ko̱tíjéjnú.

Ni xi kamá 10:35

ta̱sá ngayeje na̱xi̱ńdá tsja maá Néná kjo̱a̱a̱ ngayeje xota̱ xi bendikón ko̱jo xi ni xi kixi̱ ndyi̱tsꞌèn.

Xota̱ Roma̱ 12:1

Kó kuíni ntsꞌie, ꞌniú míꞌájnúꞌun ta̱ngatꞌanii̱ kjo̱a̱ni̱ma̱takoón Néná, tsi̱ꞌe̱ nga kui si̱ꞌankꞌasꞌienjnúu̱ yojojnú xikoó ngo kjo̱a̱tjó xi tikón, ko̱jo xi tsjie, ko̱jo xi tsja ka̱maa̱ Néná. Kuí bí kjo̱a̱niꞌántsjà xi ja̱koxi̱ xi chjiéngá ko̱e̱ꞌé.

Xota̱ Roma̱ 14:18

Ngatꞌa̱ Néná tsjá kjimaa̱ kjo̱a̱a̱ xota̱ xi ndyi̱tsꞌèn xaá Kristoo̱, kó ngayeje xota̱ xi ngasee̱ ndyi̱tsꞌènjóꞌo.

Xota̱ Roma̱ 15:16

tsi̱ꞌe̱ nga mosoo̱ Jesukristoo̱ ka̱ma an, nganda tsi̱ꞌe̱ xota̱ xi jundío̱jín nga kokoyáa̱ eén Néná, kó kui xotaa̱ ngo kjo̱a̱tjó xi nda ka̱ma ngindyi̱ko̱n Néná, kjo̱a̱tjó xi tjítsꞌéntsjie A̱si̱énni̱xtjii̱n Néná.

Xota̱ Roma̱ 6:12

Ja̱ kuíni nga ngata̱ boeꞌéndièjínjnú nga jeé ko̱tíxomaa̱ yojojnú xi ꞌmee̱, ti̱nde ngata̱ niꞌánsénjínjnúu̱ ni xi ndajín xi mejeén sa̱ꞌín yojojnú.

Xota̱ Roma̱ 6:16

A yàjínjnú nga tsi ngo nda̱ si̱ꞌankꞌasꞌienjnúu̱ yojojnú tsi̱ꞌe̱ nga ko̱nda̱ꞌyáꞌénjnúu̱, moso̱ xi kastiñaá kui nda̱ xi ndyi̱niꞌánkjatjosónjnúu̱ májnú. Kó tsi moso̱ xi kastiñaá jeé kjimajnú, ko̱yàjnú, ko̱jo tsi tsi̱ꞌe̱ nga ko̱nda̱ꞌyáꞌénjnú, kixi̱ ka̱majnú ngindyi̱ko̱n Néná.

Xota̱ Éfeso̱ 1:6

Kuíni nga, nganiꞌántsjaá Néná kjo̱a̱a̱ kui kjo̱a̱nda je xi akó xi ta̱ katsjáná, xi kasakojinná ngi̱jii̱n kui ndí xí tjoó kui.

1 Timoo̱ 5:4

Ta̱nga tsi ngo xota̱chjo̱on kꞌaán xi je kꞌien xi̱ꞌii̱n xi tjiín ndí ko̱jo tsi ndínde, kuí ndií xi chjiéngá tjón ka̱maa̱ nga sa̱ꞌínkjatjosón ni xi chjiéngá sa̱ꞌínjo̱ xota̱ xkjín, ngatꞌa̱ jè sꞌijii̱n Néná, kó nga tsjaá xi xchaá kui kjo̱a̱tjó xi katseꞌeé ngasꞌe̱, ngatꞌa̱ kuí nii̱ xi nda ko̱jo xi tsja maa̱ Néná.

Xota̱ Ebreo̱ 11:4

Ta̱ngatꞌanii̱ kjo̱a̱sꞌijii̱n nga Abee̱ katsꞌénkꞌasꞌiee̱n Néná ngo kjo̱a̱tjó xi chjí ngasenii̱, ta̱bo̱a̱jiín xi katsꞌénkꞌasꞌien Kaii̱n, kó kuíni nga Néná, xota̱ xi kixi̱ katsoó, kó katsꞌénjo̱ꞌo kjo̱a̱tjoó, kó kuíni nga ndatsi je kꞌien Abee̱, ta̱kó tsꞌénbokóná ngo chi̱bo̱a̱, xikótsꞌèn kisꞌijii̱n kui.

Xo̱jo̱o̱n Sandiyaá 1:15

Kósꞌe̱ ngije kiniꞌánkjatjosón kui ni xi ndajín xi mejeén ini̱ma̱ná, ki̱a̱ boá nga tokjà jeé, kó ngije kiniꞌánkjatjosón nga kiniꞌánjeé, ki̱a̱ boá nga tokjà kjo̱a̱bo̱yaa̱.

1 Xo̱jo̱o̱n Peé 2:5

ko̱jo jún kjimajnú xikoó ndi̱jo̱ xi síndo tikón, kó Néná boá xi iskjininkꞌajnú xikoó ngo na̱ngo̱xi̱ xi jmí tsi kui nga̱sondiee̱ chji̱a̱ni, bo̱a̱ tsꞌén nga jún boá xi kiniꞌánjnú xikoó chináꞌmi tsjiee̱ Néná, xi tsꞌenkꞌásꞌieén kjo̱a̱tjó xi tsja maa̱ Néná ngatꞌaa̱ Jesukristoo̱.