Jenesii̱s 4:4 - Xo̱jo̱n eén Néná

⁴ Kó Abee̱ ti̱ kijíjoo̱ Néná ngo kjo̱a̱tjó nga, kó jaꞌájin ndí xí tjoón cho̱tsa̱nga̱ xi kamáxchaá xi ꞌniú yiꞌi ngasee̱. Kó Néná achichí tsjá kamaá kjo̱a̱tjó xi katsꞌénkꞌasꞌien Abee̱,

Jenesii̱s 4:4 Iomraidhean Croise

Jenesii̱s 15:17

Ngije tsꞌasꞌien tsꞌueé, kó kamájñoó, kamáyà ngo orjno̱ xi tjitjoó ṉdi̱, ko̱jo ngo yá xí tjítokó ngo ndiꞌí xi jaꞌajin ngamasiee̱n kui cho̱ xi jó tjín kiniꞌaán.

Jenesii̱s 4:3

Kó ngije jaꞌa ni̱xtjin, ngo ndi̱yà Kaii̱n kijítsꞌenkꞌásꞌieén ngo kjo̱a̱tjó Néná nga kijíjoo̱ ngo tjín ni xi kamáxchaá.

Xo̱jo̱n Salmoo̱ 20:3

Néná ngatjaꞌátsjiee̱n ngayeje kjo̱a̱tjó xi tiboeꞌé ji, kó tsjangatamaa̱ nga skjíbé cho̱ xi nganda tsi̱ꞌe̱ ꞌbítí ji.

Éksondo̱ 13:12

jún chjiéngá si̱ꞌankꞌasꞌienjnúu̱ ndí xíꞌínjnú xi tjón ko̱jo ndí xíꞌín xi tjón kꞌuieé cho̱ tjiéjnú, ngatꞌa̱ nga joó nga Néná tsoboaá.

Énkjínkón 3:9

Che̱ndikín jí Néná nga si̱ꞌinkꞌasꞌíi̱n ni xi tsoboaá kui, kjo̱a̱a̱ ni xi tjiín, ko̱jo te̱ꞌée̱ ngo tjín ni xi tjón kamáxchaá,

Eklesiastee̱ 4:4

Kó ti̱ kamábe an nga ngayeje xá, ko̱jo ngayeje ni nda xi niꞌaán, nga kuí boá xi ma onkonni xotaa̱. Kó kui nii̱, ti̱ ta̱kjo̱a̱ndaní bo̱a̱ nga, kó ta̱ tsꞌénboa tsíná.

Lebitiko̱ 9:24

kó kamábe nga Néná katsangiya ndiꞌí xí ítí ngayeje ni xi síndosón nga̱són ṉchandikoón. Ngije kamá kui nii̱, ngayeje xota̱ na̱xi̱ńdaá askjandáyátsjá má, kó kixindyiańña ngaskande nga kisitꞌaa̱ xtjien tꞌanangii̱ nga katsꞌéndikón Néná.

Xki̱ 16:15

Achichí ꞌniú katsꞌénxchán Moisee̱, kó bi̱ katsoó Néná: «Ngata̱ chjábéjíi̱n kjo̱a̱tjoó kui xotaa̱, ji Ne tsa̱ꞌa̱n. Kji̱e̱ ngo ndi̱yà nga ngo ni xi ndajín xi je katsꞌenjo̱ an kui xotaa̱, kó kji̱e̱ ngo ni je katsjána an. Kótsꞌèn bo̱a̱ ndyi̱tsóni nga ndajín tjítsꞌenjo̱ an.»

Xki̱ 16:35

Kósꞌe̱ Néná tji̱e̱nmá ngo ndiꞌí katsangiya, kó xi jó úchán ichítié xota̱ tji̱e̱e̱ Lebii̱ kití nga jesón.

Xki̱ 18:12

»Ti̱ jún tsꞌéntsjájnúꞌun ngayeje to xi tjón maxchá xí sa̱ꞌínkꞌasꞌienna xota̱ Israee̱l xki̱ nó. Jún boá xi tsꞌéntsjájnúꞌun isti̱ xi nda ngasee̱, ko̱jo binoo̱, ko̱jo to ndso̱ko̱a̱n ṉño̱paa̱n. Ka̱má skji̱ni̱e̱ ngayeje xota̱ xi je katsꞌénkjatjosón ni xi je tsíꞌá an nga sa̱ꞌínkjatjosón nga kjo̱chó ngindyikón án.

Xki̱ 18:17

»Cho̱yojoo̱, ko̱jo cho̱tsa̱nga̱a̱, ko̱jo tindso̱ chjo̱on májín bosítꞌani ngo kjo̱a̱tjó xi kje̱ꞌe. Kui cho̱o̱ chjiéngá an kꞌuijñátꞌaxínna. Ji ka̱ma chjábé jí yojoo̱ ni̱se̱e̱n ko̱jo yojo ti̱ꞌmi̱í xi kixi̱i̱, ta̱nga jiín ki̱a̱ chjatjén ji nga ngo foaꞌatjiyajoo̱n ṉchandikoón, kó kꞌuití ji xinieé. Bo̱a̱ tsꞌén nga tsja mana kui kjo̱a̱tjó xi xikoó xi̱ꞌbi̱.

Xota̱ Ebreo̱ 11:4

Ta̱ngatꞌanii̱ kjo̱a̱sꞌijii̱n nga Abee̱ katsꞌénkꞌasꞌiee̱n Néná ngo kjo̱a̱tjó xi chjí ngasenii̱, ta̱bo̱a̱jiín xi katsꞌénkꞌasꞌien Kaii̱n, kó kuíni nga Néná, xota̱ xi kixi̱ katsoó, kó katsꞌénjo̱ꞌo kjo̱a̱tjoó, kó kuíni nga ndatsi je kꞌien Abee̱, ta̱kó tsꞌénbokóná ngo chi̱bo̱a̱, xikótsꞌèn kisꞌijii̱n kui.

Xota̱ Ebreo̱ 9:22

Kjo̱a̱kitii̱ tsó nga tsi̱ꞌe̱ nga ka̱matsjie mején ngayeje nii̱ ngindyi̱ko̱n Néná, jiín xí bo̱a̱ tsꞌén. Kuíni nga chjiéngá jín xtjónní tsi̱ꞌe̱ nga ka̱majetakón jeé.

Ni xi akakoo̱ 13:8

Kó kui cho̱ chꞌokjiꞌii̱ xi sa̱ꞌíndikón ngayeje xotaa̱ kui nga̱sondiee̱ xi kjitꞌajín jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin xi tsi̱ꞌe̱ cho̱tsa̱nga̱ xi kiniꞌánkꞌieén, xi je kjitꞌa ndeskande nga ítsꞌi̱yanii̱ nga kamánda nga̱sondiee̱.