Jenesii̱s 4:2 - Xo̱jo̱n eén Néná

² Jaskan kisꞌie nginií ingo ndí, kó “Abe̱” ítꞌajaꞌén. Kaii̱n tꞌanangii̱ katsꞌénxájin kó Abee̱ cho̱tsa̱nga̱ katsꞌénxchá.

Jenesii̱s 4:2 Iomraidhean Croise

Jenesii̱s 3:23

Kó kuíni nga Néná tsangatji̱ngii̱ kui ngi̱ndie nínga tjitjíe̱ ni tjieé, tsi̱ꞌe̱ nga kui nda̱a̱ sa̱ꞌínxájin tꞌanangi xi kiniꞌándajo̱ni nga kamánda.

Jenesii̱s 37:13

Jaskan ngije jaꞌa ni̱xtjin, Jakoo̱b bi̱ katsoó Kosiee̱: —Jè yé ji nga já ntsꞌie ndyi̱koo̱n cho̱tsa̱nga̱na ki̱a̱ nangi Sikee̱n, kó mejénna nga kꞌuin jí nínga síndo já ntsꞌie, kó tsitsíjìi̱n tsi nda síndo, sꞌe̱ ndibékꞌíyé nginí ngijee̱. —Ndakjíꞌí na̱ꞌmi, ngotꞌe̱ má kjuín án —katsó Kosiee̱. Kó Kosiee̱ jatjoni ngi̱ndie nínga soón nangi Ebroo̱n, kó jachó nangi Sikee̱n,

Jenesii̱s 4:1

Kó Andaa̱n kisꞌiejo̱ chjo̱ón, kó na̱ Ebaa̱ tsaꞌa ndí, kó kisꞌiee̱ ngo ndí, sꞌe̱ “Kai̱n” ítꞌajaꞌén, ngatꞌa̱ bi̱ katsó na̱ Ebaa̱: «¡Ndokꞌóchji̱ì Néná nga kisꞌiena ngo ndí xíꞌín!»

Jenesii̱s 4:3

Kó ngije jaꞌa ni̱xtjin, ngo ndi̱yà Kaii̱n kijítsꞌenkꞌásꞌieén ngo kjo̱a̱tjó Néná nga kijíjoo̱ ngo tjín ni xi kamáxchaá.

Jenesii̱s 47:3

Kó nda̱ ree̱, bi̱ katsoó nga asíyaá já ntsꞌi̱e̱ Kosiee̱: —Kó jún, mí xá xí niꞌánjnú. Kó kui jaá bi̱ katsó: —Cho̱tsa̱nga̱ chònjne̱ nda̱ re, kuí xaá xí katsꞌén xota̱ xi xchájne̱ nga.

Jenesii̱s 9:20

Noee̱ xá jno̱ katsꞌén, kó kuí boá xi ítsꞌi̱yanii̱ nga ítji̱e̱ tostsi̱jè.

Xo̱jo̱n Salmoo̱ 127:3

Ndí xí tjínná, kuí boá ngo ni xi ta̱ katsjáná Néná. Ndí xí beꞌé ínchjiín, kuí boá xi kjo̱a̱niꞌánchikonñé xi katsjáná Néná.

Éksondo̱ 3:1

Kó Moisee̱ askoo̱n cho̱tsa̱nga̱a̱ Jetroo̱, chiꞌyaá, kui xi chináꞌmii̱ nangi Mandia̱n. Kó ngo ndi̱yà Moisee̱ kijíjo̱ kui cho̱tsa̱nga̱a̱ xtji̱e̱e̱n nangi kixií, kó jachó ngaskande na̱xi̱i̱ Néná kui xi ꞌmí na̱xi̱ Oree̱b.

Rkaa̱ 11:50

Tsi̱ꞌe̱ nga Néná ku̱i̱ꞌaa̱ xki̱ xota̱ xi síndo ngotꞌe̱, kjo̱a̱a̱ jín xí iskjitjón nga kiniꞌánkꞌién ngayeje já chji̱ni̱e̱ꞌe̱én Néná, ndeskande nga ítsꞌi̱yanii̱ nga katsꞌénda kui nga̱sondiee̱,

Rkaa̱ 11:51

ndeskande jiín nga kiniꞌánkꞌién Abee̱, ngaskande jiín nga kiniꞌánkꞌién Sakariyaa̱, kui nda̱ xi kiniꞌánkꞌién ngi̱ndyioó tꞌa ṉchandikoón ko̱jo na̱ngo̱xi̱i̱ Néná. Kuíni nga xiyàjnúꞌun nga Néná ku̱i̱ꞌaa̱ xki̱ xota̱ xi síndo ngotꞌe̱ kjo̱a̱a̱ nga kiniꞌánkꞌién kui já chji̱ni̱e̱ꞌe̱én Néná.

Juaa̱ 8:44

Na̱ꞌmijnú xindajín ndiabloo̱ boá, kó ni xi mejeén xindajín kuí ni xi mejénjnú si̱ꞌánjnú. Ngaskande koó nga ítjatsꞌennii̱ nga̱sondiee̱ nga xindajín ini̱ma̱ tsꞌenkꞌién, ko̱jo ndiso, ngatꞌa̱ jmí ja̱koxi̱jiín. Kjiꞌanga chji̱a̱ éndísó, nii̱rí xí chji̱a̱, ngatꞌa̱ ndiso kuí, kó kuí boá xi na̱ꞌmii̱ kjo̱a̱ndisoo̱.

1 Xo̱jo̱o̱n Juaa̱ 3:10

Bi̱ tsꞌén nga ya ꞌyání bo̱a̱ xi ndií Néná, kó ꞌyání bo̱a̱ xi ndií xindajín ndiabloo̱. Ta̱ꞌya xota̱ní xi tsꞌénkjátjosónjín kjo̱a̱kixi̱i̱ Néná ko̱jo xi tjójiín xota̱ xi ngasee̱, jmí tsi Néná chji̱a̱ni.

1 Xo̱jo̱o̱n Juaa̱ 3:12

Jmí tsi bo̱a̱ si̱ꞌán xikoó Kaii̱n nga xindajín tsíchji̱a̱ni, kó katsꞌénkꞌién ntsꞌi̱e̱. Kó míkjo̱a̱a̱ nga katsꞌénkꞌién. Ngatꞌa̱ ndajínkjiꞌi ngayeje ni xi katsꞌén kuí, kó kixi̱ kamá ngayeje ni xi katsꞌén Abe̱ ntsꞌi̱e̱.

1 Xo̱jo̱o̱n Juaa̱ 3:15

Ngayeje xota̱ xi chꞌoo̱ xota̱ xi ngasee̱, xota̱ xi tsꞌenkꞌién ini̱ma̱ boá xi̱ꞌba̱, kó jún jè yàjnú nga nde ngojín xota̱ xi tsꞌenkꞌién ini̱ma̱ xi kꞌuieé kjo̱a̱mindyion ngatsjéni̱xtjii̱n Néná.