Jenesii̱s 4:10 - Xo̱jo̱n eén Néná

¹⁰ Kó bi̱ katsó Néná: —Ánní nga ntsꞌie kiniꞌínkꞌín kon ji Kaii̱n. ¡Jiín ntsꞌie ji xi katjon tꞌanangii̱ tsꞌénchji̱a̱ tsi̱ꞌe̱ nga sa̱ꞌinjeé ji! ¡Chjiéngá kotijeé kjo̱a̱a̱ kui nii̱!

Jenesii̱s 4:10 Iomraidhean Croise

Jenesii̱s 18:20

Kósꞌe̱ Néná bi̱ katsoó Abraa̱n: —Achichí ni xi ndajínkjiꞌi xi je tjíꞌmí kjo̱a̱a̱ xota̱ na̱xi̱ńdáꞌniú Sondoma̱ ko̱jo Ngomorra̱, kó jeé jè ꞌniú kjima je ngase,

Jenesii̱s 3:13

Kósꞌe̱ Néná bi̱ katsoó kui naa̱: —Míkjo̱a̱a̱ nga bo̱a̱ kjiꞌi kon ni xi kiniꞌín ji. Kó bi̱ katsó kui naa̱: —Ye̱e̱ boá xí tsꞌenṉcha̱jona. Kuíni nga iskjíni̱e̱ an kui too̱.

Jenesii̱s 9:5

»Xikó kjiꞌi an, bo̱a̱ tsꞌén katsꞌenda an xota̱ nga̱sondiee̱, kuíni nga tsi ngo cho̱ sa̱ꞌínkꞌiénjnú jún, chjiéngá ko̱yà kuí cho̱o̱ nga, kó tsi tjín jún xi si̱ꞌankꞌiénjnú ngo xota̱, ti̱ chjiéngá ko̱yà kuí xi bo̱a̱ katsꞌeén nga.

Joo̱b 16:18

»Ji tꞌanangi, ngata̱ ꞌyíjín ji jínna, kó nga boeꞌéjínní ngo ngi̱ndie nínga skjandáyà an.

Joo̱b 24:12

Achichí kjo̱a̱ni̱ma̱ ndyi̱foaꞌatio, kó nga je mejeén kjifesón, kjandayà ndeskande ki̱a̱ na̱xi̱ńdáꞌniuú, nga míꞌaá Néná nga ko̱síko̱jo, ¡ta̱nga Néná nde tsꞌensénjiín nga chji̱a̱a̱!

Xo̱jo̱n Salmoo̱ 50:21

Kuí bí kui nii̱ xi je kiniꞌín ji, kó a xió kotíjña̱ an. A kiniꞌínkjé jí nga bo̱a̱ kon an xikoó jí. Sa̱ꞌinxchánjo̱ñaá, kó koko an jée̱ ngindyikin ji.

Xo̱jo̱n Salmoo̱ 72:14

Kꞌo̱xiéꞌá kui xotaa̱ kjo̱a̱a̱ kjo̱a̱ndisoo̱ ko̱jo kjo̱a̱a̱ ni xi ndajiín, ngatꞌa̱ kjo̱a̱mindyioo̱n ꞌniú chjínií ngindyi̱ko̱n kui.

Xo̱jo̱n Salmoo̱ 9:12

Ngatꞌa̱ kui xi tsꞌéngojo nga niꞌánkjiesón xota̱ xi jmí jéjiín, jè jaꞌátsjiee̱n kui, kó kji̱e̱ chíyájiín nga ni̱ma̱ ndyi̱tsó xota̱ xi ndyi̱foaꞌatio kjo̱a̱ni̱ma̱a̱.

Xo̱jo̱n Salmoo̱ 9:13

Ji Ne, ¡ngatama ni̱ma̱a̱ an! ¡Tsitsíjìi̱n kjo̱a̱ni̱ma̱ xi tsꞌénfoaꞌatio an, ta̱ngatꞌanii̱ kui xota̱ xi chꞌoo̱ an! ¡Jí boá xi katseꞌéndièjín ji nga ki̱a̱ jachó an nga̱ntjo̱a̱a̱ kjo̱a̱bo̱yaa̱!

Éksondo̱ 3:7

Ta̱nga Néná, bi̱ katsó ngasee̱: —Jè kamábe an kjo̱a̱ni̱ma̱ xi ndyi̱foaꞌatio xota̱ na̱xi̱ńdána, ngatꞌa̱ xota̱ Ejiptoo̱, moso̱ je katsꞌén. Jè tsintꞌièe̱ nga ndyi̱kjandayà nga ndyi̱míꞌá nga kosiko̱jo an, kó ti̱ jè kamábe an nga já ngito̱ko̱o̱ ꞌniú ndajín ndyi̱tsꞌènjo̱, kuíni nga jè jéꞌe̱kòo̱n tsi̱ꞌe̱ nga kꞌoxiéꞌá an ngi̱ya tsja xota̱ Ejiptoo̱, kósꞌe̱ kjuínjo̱ an ngo ngi̱ndie xi nda ko̱jo xi tiyá, ¡ngo ngi̱ndie nínga ꞌniú tjín nichinie! Kó nangi Kanaa̱n boá kui ngi̱ndiee̱, nínga síndo xota̱ na̱xi̱ńdá xi nde kji̱e̱ bejínna.

Xki̱ 35:33

»Ngata̱ niꞌánkjatsónjínjnú nangi nínga tindyiónjnú, ngatꞌa̱ an xi Nejnú, ki̱a̱ tikónjinjnúꞌun, kó chikjo̱a̱jínna nga ki̱a̱ kotíjña̱ an nínga síndo xota̱ xi tsꞌenkꞌién ini̱ma̱. Ngototo ngije kiniꞌánkꞌién kui xota̱ xi katsꞌénkꞌién ini̱ma̱a̱, nga ka̱ma kotíjña̱ ngiñá an kui ngi̱ndiee̱».

Ni xi kamá 5:3

Ta̱nga Peé, bi̱ katsoó: –Ananiya̱, ánní nga xindajín Satanaa̱ tsꞌasꞌieén ngi̱jii̱n ini̱màa̱ nga ikꞌíndiseje̱ ji A̱si̱énni̱xtjii̱n Néná, nga kachjábé jí ngo tjín kui to̱o̱n ni xi akatíñí ji.

Ni xi kamá 5:9

Sꞌe̱ Peé, bi̱ katsoó: –Ánní nga bo̱a̱ tsꞌén ikꞌíndajnú nga kachjatꞌayákónjnú A̱si̱énni̱xtjii̱n Ndi̱a̱a̱. Jànꞌa̱n, ki̱a̱ ndyi̱ndibá já xí kijíkanijín xi̱ꞌíi̱n, kó ti̱ bo̱a̱ ti̱ tsꞌén ko̱e̱je̱kanijiín ji nga.

Ndeuteronomio̱ 21:1

Moisee̱ bi̱ katsó ngasee̱ xota̱ na̱xi̱ńdaá: «Ngije ki̱a̱ tindyiónjnú tꞌanangi xi tsja̱ajnú Néná, tsi tjín jún xi sa̱kójnú ngo ini̱ma̱ ki̱a̱ ngi̱jin kꞌijñaá, kó tsi yàjínjnú ꞌyání xi katsꞌénkꞌién, kuí nii̱ xi si̱ꞌánjnú:

Xota̱ Ebreo̱ 11:4

Ta̱ngatꞌanii̱ kjo̱a̱sꞌijii̱n nga Abee̱ katsꞌénkꞌasꞌiee̱n Néná ngo kjo̱a̱tjó xi chjí ngasenii̱, ta̱bo̱a̱jiín xi katsꞌénkꞌasꞌien Kaii̱n, kó kuíni nga Néná, xota̱ xi kixi̱ katsoó, kó katsꞌénjo̱ꞌo kjo̱a̱tjoó, kó kuíni nga ndatsi je kꞌien Abee̱, ta̱kó tsꞌénbokóná ngo chi̱bo̱a̱, xikótsꞌèn kisꞌijii̱n kui.

Xota̱ Ebreo̱ 12:24

Tsangínchon tiñajnúu̱ Kjisoo̱, kui xi ngatꞌaa̱ kui nga Néná índa ngo kjo̱a̱ꞌbínda tja̱tsi̱e̱ kjo̱a̱a̱ kui jín xí iskjitjón nga kꞌien, kui xi chjí ngasenii̱ ngatꞌa̱ bokóná ni xi nda ngase, ta̱bo̱a̱jiín jiín Abee̱.

Xo̱jo̱o̱n Sandiyaá 5:4

Tsitsíjenjnúu̱ nga kui já moso̱ xi katsꞌénxájin ngi̱jin jno̱jnú xi katseꞌéjínjnú chjií nga kichꞌíṉcha̱jojnú, kui chjií je ndyi̱bongítaꞌinjnú. Ni xi ndyi̱kjandayà kui já mosoo̱, je tsintꞌieé kui Ndi̱a̱ná xi tjiín ngaꞌniuú.