Jenesii̱s 4:1 - Xo̱jo̱n eén Néná

¹ Kó Andaa̱n kisꞌiejo̱ chjo̱ón, kó na̱ Ebaa̱ tsaꞌa ndí, kó kisꞌiee̱ ngo ndí, sꞌe̱ “Kai̱n” ítꞌajaꞌén, ngatꞌa̱ bi̱ katsó na̱ Ebaa̱: «¡Ndokꞌóchji̱ì Néná nga kisꞌiena ngo ndí xíꞌín!»

Jenesii̱s 4:1 Iomraidhean Croise

Jenesii̱s 3:15

»Kó án xí sa̱ꞌin an nga ji ko̱jo naa̱ kondra̱ ka̱manijnú xingi̱jnú, ko̱jo kondra̱ ka̱manii̱ xkjín tji̱e̱ tse̱ ko̱jo xota̱ tji̱e̱ tsi̱ꞌe̱ naa̱, kó ngo kui xota̱ tji̱e̱e̱ xi sa̱ꞌínꞌoón taki ji, kó ji si̱ꞌinꞌíi̱n tji̱ngi̱ se».

Jenesii̱s 3:24

Kósꞌe̱ Néná ngije tsangatji̱ngii̱ nda̱a̱ ko̱jo naa̱, xtji̱e̱e̱n nínga fotjo tsꞌueé ki̱a̱ Endee̱n índo keruu̱b xi askondá kui ngi̱ndiee̱, kó ti̱ íjñá ngo ki̱cha̱ndojó xi tjítí, xi kamátíyá kꞌi̱e̱ kamátíyá ngaján, xi askondá ndi̱ya̱à nínga tikón yaá kjo̱a̱mindyioo̱n.

Jenesii̱s 4:2

Jaskan kisꞌie nginií ingo ndí, kó “Abe̱” ítꞌajaꞌén. Kaii̱n tꞌanangii̱ katsꞌénxájin kó Abee̱ cho̱tsa̱nga̱ katsꞌénxchá.

Jenesii̱s 4:25

Kó ti̱ kisꞌiejo̱ nginí chjo̱ón Andaa̱n, kó kisꞌiee̱ ingo ndí xíꞌín, kó See̱t ítꞌajaꞌén, kó na̱ Ebaa̱ bi̱ katsó: «Néná katsjána ingo ndí xí tikón ngajoo̱ Abee̱, kui xi katsꞌénkꞌién Kaii̱n.»

Jenesii̱s 5:29

kó kui ndií Noe̱ ítꞌajaꞌén nga bi̱ katsó: «Néná atíjeé nga̱sondiee̱ kó tsie kjo̱a̱ni̱ma̱ ndyi̱bitjatió nga ndyi̱niꞌánxájin tꞌanangii̱, ta̱nga kui ndií, kuí boá xi sa̱ꞌín nga ka̱maxtja̱ chií xáná ko̱jo nga ka̱ma si̱ꞌankjaꞌyá chií».

Xo̱jo̱n Salmoo̱ 127:3

Ndí xí tjínná, kuí boá ngo ni xi ta̱ katsjáná Néná. Ndí xí beꞌé ínchjiín, kuí boá xi kjo̱a̱niꞌánchikonñé xi katsjáná Néná.

Xki̱ 31:17

Ngata̱ niꞌánkꞌiénjínjnú ínchjín xi xo̱ngò xí kji̱e̱ jmí xi̱ꞌin ꞌbéjiín, kó jún chjábéjnú. Ta̱nga ti̱ꞌankꞌien tji̱ꞌni̱u̱jnú ínchjín xi je kisꞌiejo̱ xi̱ꞌin. Kó ti̱ ti̱ꞌankꞌiènjnú ngayeje jákjíndí xí xi̱ꞌii̱n nga.

1 Xo̱jo̱o̱n Juaa̱ 3:12

Jmí tsi bo̱a̱ si̱ꞌán xikoó Kaii̱n nga xindajín tsíchji̱a̱ni, kó katsꞌénkꞌién ntsꞌi̱e̱. Kó míkjo̱a̱a̱ nga katsꞌénkꞌién. Ngatꞌa̱ ndajínkjiꞌi ngayeje ni xi katsꞌén kuí, kó kixi̱ kamá ngayeje ni xi katsꞌén Abe̱ ntsꞌi̱e̱.