Jenesii̱s 39:9 - Xo̱jo̱n eén Néná

⁹ Ngojín ni xi íchjána, kꞌi̱e̱ kui ndiꞌaa̱ jmíjín ingo xi nkꞌa ngase xaá, ta̱nga ji chjo̱ón má ji, kó tsi an kjojñajoo̱, sa̱ꞌin jé an ngindyi̱ko̱n Néná.

Jenesii̱s 39:9 Iomraidhean Croise

Jenesii̱s 13:13

Ta̱nga xota̱ xi chji̱a̱ni na̱xi̱ńdáꞌniú Sondoma̱ achichí nga ndajín kamá, kó achichí jé katsꞌén kondra̱a̱ Néná.

Jenesii̱s 20:3

Ngo ni̱xtji̱e̱n, Néná tsíchji̱a̱jo ngi̱jin ńjñaá Abimelee̱k, kó bi̱ katsoó: —Ko̱yè jí ki, ngatꞌa̱ ngo na̱ xi je tjiín xi̱ꞌin mejeén si̱ꞌin ji chjóo̱n.

Jenesii̱s 20:6

Kó kui ngi̱jin ńjñá jàn Néná, bi̱ katsoó Abimelee̱k: —Jè be an nga kji̱e̱ niꞌínjín ji ni xi ndajín, kuíni nga katsjandièjín an nga tsjajníje̱ ji kui naa̱, ko̱jo nga si̱ꞌin jé jí kondra̱ tsa̱ꞌa̱n.

Jenesii̱s 20:9

Kósꞌe̱ Abimelee̱k tsíchji̱a̱a̱ Abraa̱n, kó bi̱ katsoó: —Ánní nga bo̱a̱ kjiꞌi ni xi kiniꞌínje̱jne̱. A tjín ni xi ndajínkjiꞌi xi katsꞌenjoo̱ ji, nga kꞌi̱e̱ jéꞌe̱jejne̱ ngo jé xí ꞌniú je nínga botixoma an. Ni xi kiniꞌínje̱ní, májín bo̱a̱ niꞌánjo̱ ngo xota̱.

Jenesii̱s 24:2

Ngo ni̱xtjin Abraa̱n tsíchji̱a̱a̱ nda̱ mosoo̱ xi ꞌniú xchaá kui xi botixómaá ngayeje ni xi tjiín, kó bi̱ katsoó: —Tꞌíjñí ji ndse̱ ngindie ti̱ꞌmina, ngatꞌa̱ ngo ni kꞌuínda xí mejénna nga si̱ꞌinkjatjosén ji.

Jenesii̱s 39:10

Kó ndatsi chjo̱ón Potifaa̱r ndyiojón ndyiojón tsíꞌaá Kosiee̱ nga kjojñájo̱, ta̱nga Kosiee̱ ngongá jmí katsó.

Jenesii̱s 42:18

Kó xi ma ján ni̱xtjin Kosiee̱ bi̱ katsoó: «Tsakjón án Néná. Tsi ja̱koxi̱ nga xota̱ xi ndajnú ko̱jo tsi mejénjnú ku̱i̱ndyionra ngasejnú nga̱sondie, bi̱ ti̱ꞌánjnú: te̱ꞌéndièjnú nga ngo ntsꞌiejnú xi ngatꞌíjñára ndo̱bo̱a̱yà, kó xi ngasee̱ ngatjíjoo̱ to ndso̱ko̱a̱n ṉño̱pan xota̱ xi síndo ndiꞌajnú, ngatꞌa̱ achichíra̱ je bojoó, ta̱nga ndibájo̱jnú ntsꞌiejnú xi kjindií, kó bo̱a̱ tsí tsꞌén skuié an tsi ja̱koxi̱ ni xi ndyi̱ꞌmìjnú.» Kó já ntsꞌi̱e̱ Kosiee̱ jo̱ꞌo katsó ni xi kiꞌmií,

Joo̱b 31:23

Ngatꞌa̱ achichí tsakjon an nga Néná ko̱tíjéna, kó ta̱ngatꞌanii̱ ngaꞌniú xí tjiín, nde ka̱májínna sa̱ꞌin an kui nii̱.

Xo̱jo̱n Salmoo̱ 51:4

Ta̱ soboá kondra̱ tse̱ boá nga katsꞌenjé án, ndajínkjiꞌi ni xi katsꞌen an ngindyikin ji, kó kuí boá kui nii̱ xi bokó nga kixi̱ ji nga botíjé jí, ko̱jo nga tsjie boá kui kjo̱a̱kixi̱ xi niꞌín ji.

Éksondo̱ 20:14

»Ngata̱ niꞌántꞌajínjnúu̱ kjo̱a̱ chjo̱ónjnú ko̱jo tsi xi̱ꞌinjnú.

Énkjínkón 6:29

Ja̱ ti̱ bo̱a̱ ti̱ tsꞌén kui nda̱ xi kjojñájo̱ chjo̱on kje̱ꞌe nda̱, chjiéngá sa̱tíjeé.

Énkjínkón 6:32

Ta̱nga kui nda̱ xi tsꞌénkámajo̱ chjo̱on xí tjítsꞌéntꞌaa̱ kjo̱a̱ xi̱ꞌii̱n, achichí nga ndajínkjiꞌi ni xi tjítsꞌeén ini̱ma̱a̱,

Eklesiastee̱ 7:26

Kó kasakona ngo ni xi tsꞌénꞌon ngasena ta̱bo̱a̱jiín kjo̱a̱bo̱yaa̱, kó kuí boá kui na̱ xi ndajiín, kui xi chja̱ya̱ ꞌbijñaá ini̱ma̱ná, kó nga foníkjáná ngiti̱ tsjuienjínná. Tsi ko̱nda̱ꞌyáꞌée̱n Néná jmí ni sa̱ꞌínjínná kui naa̱, ta̱nga nda̱ xi tsꞌénjeé kꞌo̱kayà chja̱ya̱a̱.

Lebitiko̱ 20:10

»Tsi tjín xí kjojñájo̱ chjo̱ón kje̱ꞌe nda̱, chjiéngá ko̱yà kui xi bo̱a̱ katsꞌeén ko̱jo kui naa̱ nga.

Xki̱ 32:23

»Kꞌi̱e̱ ti̱ꞌandajnú na̱xi̱ńdáꞌniú tsi̱ꞌe̱ ndíjnú ko̱jo nchꞌoá tsi̱ꞌe̱ cho̱jnú, ta̱nga ti̱ꞌankjatjosónjnú ni xi je kiꞌmíyatjónjnú nga si̱ꞌánjnú, ngatꞌa̱ tsi bo̱a̱jín si̱ꞌánjnú, ngo jé xí ta̱nisién ꞌniú xí si̱ꞌánjnú kondraa̱ Néná, kó kuí boá xi ko̱tíjéjnú.

Rkaa̱ 12:48

Ta̱nga kui moso̱ xi bejín mí ni xi mejeén ndi̱a̱a̱, kó katsꞌén ni xi be nga kjoánií, chiboa tsí ńꞌniú kjoaá. Ngatꞌa̱ ngayeje xi tsie katseꞌeé, tsie xki̱ chji̱a̱ꞌaa̱, kó xi tsie kiniꞌánꞌniátakón, tsie ngase xki̱ chji̱a̱ꞌaa̱ nga.

1 Xota̱ Korinto̱ 4:2

Kjiꞌanga ngo xi tjiín ngo xá, xi tsi̱ꞌe̱ xaá míꞌaá nga kixi̱ tsꞌén ko̱e̱je̱jo xaá.

Titoo̱ 2:10

ko̱jo ngata̱ tsꞌénchéjéjiín, ta̱sá ngo xota̱ xi ꞌniákón ngayeje nii̱ ngatama, tsi̱ꞌe̱ nga ko̱kó ngayeje kjo̱a̱tsjakjiꞌii̱ kjo̱a̱bokoyá xi tsi̱ꞌe̱ kui Néná xí tsꞌaxiéꞌáná.

Xota̱ Ebreo̱ 13:4

Ngayeje jún, cha̱ndikónjnú kjo̱a̱bixaa̱n, kó cha̱ndikónjnú xi̱ꞌinjnú ko̱jo tsi chjo̱ónjnú, ngatꞌa̱ xota̱ xi tondoo̱, ko̱jo kui xi ndyi̱tsꞌèntꞌaa̱ kjo̱a̱ xkjín, Néná boá xi ko̱tíjeé.

1 Xo̱jo̱o̱n Juaa̱ 3:9

Ngayeje xota̱ xi Néná je katsjaá nga ndií kui ka̱ma, ngájiín nga tsꞌénjé, ngatꞌa̱ Néná jè íjñajii̱n ngo xojmá, kó kui, ngiti̱ májín tsꞌénjé, ngatꞌa̱ jè ndií Néná má.

Ni xi akakoo̱ 21:8

Ta̱nga kui xota̱ xi tsiendikoón, ko̱jo kui xi sꞌijinjiín Néná, ko̱jo xi chꞌokoo̱n, ko̱jo xi tsꞌenkꞌién ini̱ma̱a̱, ko̱jo xi tondoo̱, ko̱jo xi ndyi̱tsꞌèn kjo̱a̱tjiꞌe, ko̱jo xi ndyi̱tsꞌèntsjàjo̱ a̱sie̱én ngo ne xi tsꞌénda xotaa̱, ko̱jo ngayeje xota̱ xi ndiso, kui xi̱ꞌba̱ ki̱a̱ stso̱ba̱a̱ nga ko̱e̱je̱ ngi̱jin ndáchíkón ndiꞌí xí ta̱nisién ꞌniú jee̱ nínga tjítí ndso̱ko̱a̱n asufree̱, kuí ni xi̱ꞌbi̱ xi xi ma joó kjo̱a̱bo̱yaa̱.

Ni xi akakoo̱ 22:15

Ta̱nga ndi̱tsén jàn kꞌuíndo ngayeje xota̱ xi ndajín, ko̱jo xi ndyi̱tsꞌèn kjo̱a̱tjiꞌe, kui xi ta̱xkiya ndyi̱tsꞌèntsjàjo̱ yojoo̱, xi ndyi̱tsꞌènkꞌién ini̱ma̱, xi ndyi̱tsꞌèntsjàjo̱ a̱sie̱én ngo ne xi tsꞌénda xotaa̱, ko̱jo kui xi ndyi̱tsꞌèntjó ko̱jo xi ndyi̱tsꞌèn kjo̱a̱ndiso.