Jenesii̱s 39:4 - Xo̱jo̱n eén Néná

^4-6 Kó bo̱a̱ tsꞌén Potifaa̱r nda katsꞌénjo̱ Kosiee̱, kó katsjáxaá nga kui kisꞌijñatjoón ndiꞌaa̱, ko̱jo nga Kosiee̱ xi skoón ngayeje ni xi tjiín Potifaa̱r. Kó ndeskande koó kjiꞌa ta̱ngatꞌanii̱ Kosiee̱ nga Néná katsꞌénchikonñé Potifaa̱r, kó ngiti̱ ingojín ni xi nda̱ kamaá ta̱kuítsí ni xi iskjinie. Kó Kosiee̱ achichí tsjá kisꞌie nga ta̱ꞌyaní xi kamátsjaá,

Jenesii̱s 39:4 Iomraidhean Croise

Jenesii̱s 15:2

Sꞌe̱ Abra̱n bi̱ katsoó Néná: —¡Ne ko̱jo re tsa̱ꞌa̱n! Mítsjà ko̱e̱ꞌéní kjo̱a̱cho̱n xi nde ndí kji̱e̱ jmíjínna. Kó nga ko̱yà án, kui moso̱ xi xín chji̱a̱ni xi tsꞌénkonda ndiꞌana kuí xí tsi̱ꞌe̱ ka̱ma ngayeje ni xi tjínna. Sꞌe̱ Néná bi̱ katsoó: —Ndí xí tse̱ boá xi tsi̱ꞌe̱ ka̱ma ngayeje ni xi tjiín, jmí tsi tsi̱ꞌe̱ mosòo̱ Eliesee̱r.

Jenesii̱s 18:3

Kó bi̱ katsoó: —Jún Ndi̱a̱, tsi nda tsꞌén kasasiennijnú an, ꞌniú míꞌájnúꞌun nga ku̱i̱ndyion ngotjónjnú kꞌi̱e̱e̱.

Jenesii̱s 19:19

Jún achichí kjo̱a̱nda je kiniꞌánjnúꞌun, kó ta̱ngatꞌanii̱ nga ndajnú xota̱ nga nda kiniꞌánjo̱jnúꞌun nga kaꞌnaxiéꞌájnúꞌun, ta̱nga ka̱májín konga an xtji̱e̱e̱n na̱xi̱i̱, ngatꞌa̱ tsi ta̱ nga tsꞌénfí an ngi̱ya ndi̱ya̱à kjo̱chótji̱ngina ni xi ka̱maa̱ kósꞌe̱ ko̱yà an.

Jenesii̱s 24:2

Ngo ni̱xtjin Abraa̱n tsíchji̱a̱a̱ nda̱ mosoo̱ xi ꞌniú xchaá kui xi botixómaá ngayeje ni xi tjiín, kó bi̱ katsoó: —Tꞌíjñí ji ndse̱ ngindie ti̱ꞌmina, ngatꞌa̱ ngo ni kꞌuínda xí mejénna nga si̱ꞌinkjatjosén ji.

Jenesii̱s 32:5

Kó nga je tjiín cho̱yojo, ko̱jo bórroó, ko̱jo cho̱tsa̱nga̱ ko̱jo moso̱ xi ínchjín ko̱jo xi xi̱ꞌin. Kó kuí boá xi katsangiyajne̱ tsi̱ꞌe̱ nga kꞌuiyájne̱ ji nga si̱ꞌinjo̱ꞌo ji nga kji̱ndi̱bákoón kuí».

Jenesii̱s 33:10

Kó Jakoo̱b bi̱ katsó: —Jmí ntsꞌie, ꞌniú míꞌaá, chjábé jí kui nii̱ xi tsꞌéntsjaa, ngatꞌa̱ achichí ndaxota̱ tiniꞌínje̱ní, kó nga je kamábee̱ ji ¡xikó maá tsi kje̱n Néná xí kamábe an!

Jenesii̱s 33:8

Kósꞌe̱ Esauu̱ bi̱ katsó: —Mí ni xi kiniꞌínkjé jí kjo̱a̱a̱ kui xtín xota̱ ko̱jo cho̱ xi je kamábe an ndi̱ya̱à. —Tsi̱ꞌe̱ nga si̱ꞌinjetakínní boá ko̱jo nga nda si̱ꞌinje̱ní —katsó Jakoo̱b.

Jenesii̱s 39:8

Kó kamámejénjiín Kosiee̱, kó bi̱ katsoó chjo̱ón ndi̱a̱a̱: —Ndi̱a̱na achichí ꞌniátakónna kuíni nga ngi̱ya ndsa̱ án katsꞌénkꞌasꞌien ngayeje ni xi tjiín, kó nga an tikóntjóo̱n ngayeje ni xi tjiín, jmíjín ni xi nda̱ maa̱ kui.

Na̱ Estee̱r (Ebreo̱) 2:9

Engaii̱ nda tsꞌákaa̱ na̱ Estee̱r, kó nda katsꞌénjo̱, sꞌe̱ tji̱e̱nmá atíxoma tsi̱ꞌe̱ nga ko̱e̱ꞌeé ńjño xi ko̱a̱ja̱, ko̱jo ni sije̱n xi sa̱ngínjón yojoo̱, ko̱jo nichinie xi ꞌniú nda. Kó yito ínchjín xo̱ngò xi tsꞌénxá ndiꞌaa̱ ree̱ índo xi skoón na̱ Estee̱r, kó ki̱a̱ kijíjo̱ nínga síndo ínchjín xo̱ngo̱ò, ki̱a̱ ngi̱yaꞌma xi ꞌniú ndakjiꞌi ngase ki̱a̱ ngi̱yaa̱ kui ndiꞌaa̱.

Énkjínkón 14:35

Nda̱ xi kjínkón xi bosikójo nda̱ ree̱, kuí boá xi tsjaá kjo̱a̱nda ree̱, ta̱nga kui nda̱ xi tsjaá kjo̱a̱soboá, kuí boá xi tsꞌén nga tsꞌénxchán nda̱ ree̱.

Énkjínkón 16:7

Kjiꞌanga Néná tsjá maá kjo̱a̱a̱ xikótsꞌèn síndo xotaa̱, ngaskande ko̱jo xota̱ xi kondra̱a̱, nijan ꞌbeé kjo̱a̱xió.

Énkjínkón 17:2

Moso̱ xi xi̱ꞌinkjo̱a̱a̱ kuí boá xi ko̱tíxomaa̱ ndí xí chi̱nii̱ xi tsi̱ꞌe̱ xaá, kó kuí boá xi nijan sa̱ko̱ó ni xi tsoboaá ndí xí ngasee̱.

Énkjínkón 22:29

Kjiꞌanga xchi̱e̱ ji ngo xota̱ xi nda tjítsꞌén xaá, jmí tsi ta̱xkiya xota̱ xi sa̱ꞌínxátꞌaa̱, nda̱ ree̱ boá xi kjo̱chótsꞌénxátꞌaa̱.

Énkjínkón 27:18

Xota̱ xi nda koo̱n yáꞌingoo̱, ka̱maa̱ skji̱ni̱e̱ to xi ko̱a̱ja̱a̱, kó xota̱ xi koo̱n ni xi tjiín ndi̱a̱a̱, kui ndi̱a̱a̱, sku̱i̱e̱ndikón.

Énkjínkón 3:4

ngatꞌa̱ bo̱a̱ tsꞌén nga kꞌuieé kjo̱a̱ndaa̱ Néná, kó xotaa̱ ndatsꞌèn ku̱i̱chji̱a̱ kjo̱a̱a̱ ji.

Ni xi kamá 20:28

Kó bo̱a̱ tsꞌén nda chónjnú yojojnú, kó chónjnú ngayeje xota̱ na̱ngo̱xi̱i̱, nínga A̱si̱énni̱xtjii̱n Néná katsjájnú ngo xá nga stsitsíjenjnúu̱, tsi̱ꞌe̱ nga jún xi xchindàjnú xota̱ na̱ngo̱xi̱i̱ Ndi̱a̱ná, kui xi jiín ndí tsi̱ꞌe̱ íchjítjéni.

Na̱ Ruu̱t 2:6

Kó bi̱ katsó kui mosoo̱: —Na̱ xi chji̱a̱ni nangii̱ xota̱ Moaa̱b boá, kui xi nijan jeꞌejo̱ na̱ Noemii̱.