Jenesii̱s 39:3 - Xo̱jo̱n eén Néná

³ Kó Potifaa̱r kamábe nga Néná asíko̱jo Kosiee̱, kuíni nga ngayeje ni xi katsꞌén nda kamaá.

Jenesii̱s 39:3 Iomraidhean Croise

Jenesii̱s 21:20

Ngije kamáxchá kuí nda̱chií, ki̱a̱ kisꞌijña nangi kixií Paraa̱n. Kó ki̱a̱ kamaá nga nda katsꞌénxájo̱ yáchjonyá ko̱jo yáyojó, kó Néná ngatsjéni̱xtjin asíko̱jo. Kó nga jachó ni̱xtjin, na̱aa̱n ki̱a̱ tsangii̱ ngo na̱ xi chji̱a̱ni nangi Ejipto̱ xi kisꞌijñajo̱ kui nda̱a̱.

Jenesii̱s 21:22

Ti̱ mejeén ti̱ kui ni̱xtjin Abimelee̱k ko̱jo Fikoo̱l nda̱ xtitjoón jájuún kijíkoón Abraa̱n, kó bi̱ katsoó: —Jè kamábe an nga Néná boá xi bosikójoo̱ ngayeje ni xi niꞌín ji.

Jenesii̱s 21:23

Ngotꞌe̱ ꞌne̱ ngiboanéná tꞌín ji nga jmí ni chꞌokjiꞌi si̱ꞌinje̱jínní án ko̱jo ndína ko̱jo xota̱ tji̱e̱na, kó nga nda si̱ꞌinje̱jne̱ xi kótsꞌèn nda katsꞌenjoo̱ ji kꞌi̱e̱ kui ngi̱ndie nínga tindyin ji ngotꞌe̱, ko̱jo nga nda si̱ꞌinje̱ ji xota̱ xi chji̱a̱ni kui na̱xi̱ńdaá nga.

Jenesii̱s 26:24

Kó Néná jatjokjaà kui ni̱xtji̱e̱e̱n, kó bi̱ katsoó: «Án boá xi Nee̱ na̱ꞌmíi̱ Abraa̱n, kó ta̱ngatꞌanii̱ kui nga sa̱ꞌinchikonñeé jí ko̱jo nga sa̱ꞌinkjín an xota̱ tji̱e̱ tse̱, kuíni nga ngata̱ ndakinjín má ji, ngatꞌa̱ an boá xi kosiko̱joo ngayeje ni xi si̱ꞌin ji».

Jenesii̱s 26:28

Kó bi̱ katsó kui jaá: —Jè kamáyàjne̱ nga Néná tikónjoo̱ ji, kuíni nga mejénjne̱ nga ngo ni kꞌuíndajo̱jne̱ ji, ta̱nga chjiéngá ngindyi̱ko̱n Néná si̱ꞌán kuí kjo̱a̱ꞌbíndaa̱.

Jenesii̱s 30:27

Kó Labaa̱n bi̱ katsoó: —Ngo kjo̱a̱nda kuíꞌaá, ngata̱ ꞌmijín ji, ta̱sá ti̱ndyinra ji kꞌi̱e̱e̱, jè kamábe an nga ta̱ngatꞌanií ji nga Néná katsꞌéncho̱nna,

Jenesii̱s 30:30

Ngindiee̱ nga kjoéꞌe̱ an chiboa tsí kamá cho̱ xi kisꞌiee̱ ji, kó ngotꞌe̱ ꞌne̱ achichí jè cho̱n ji, ngatꞌa̱ ndeskande koó nga jéꞌe̱ an Néná tjítsꞌénchíkonñé ngayeje ni xi niꞌín ji, ta̱nga ti̱ chjiéngá sa̱ꞌinxá an nganda tsi̱ꞌe̱ ndína ko̱jo tsi̱ꞌe̱ ínchjínna nga.

Jenesii̱s 39:2

Achichí nda kisꞌijña Kosiee̱ ndiꞌaa̱ nda̱ Ejiptoo̱ xi ndi̱a̱a̱ kamá, ngatꞌa̱ Néná tikónjo̱.

Jenesii̱s 39:21

Néná to̱kó asíko̱jo ngase, kó akoó kókjiꞌi tjoó, ngatꞌa̱ Néná xí katsꞌén nga nda̱ ngito̱ko̱ xi tsꞌénkonda ndo̱bo̱a̱ya̱à nda katsꞌénjo̱ Kosiee̱.

Jenesii̱s 39:23

Kó kui nda̱ xi ngito̱ko̱o̱ ndo̱bo̱a̱ya̱à nde chjiénjín nga askotsijee̱n ni xi je ngi̱ya tsja Kosiee̱ tikón, ngatꞌa̱ Néná tikónjo̱ Kosiee̱, kó kuí boá xi bosikójo nga nda kamá ngayeje ni xi katsꞌén.

Xo̱jo̱n Salmoo̱ 1:3

Kui xotaa̱, kuí boá xi ka̱ma xikoó ngo yá xí tjítji̱e̱tꞌa ngo ndejèꞌ xi tsꞌénmonga, kui xi ni̱xtjii̱n má nga boajaá to xi tsjá, kó xíꞌniújín xka̱a̱. ¡Kó ngayeje ni xi tsꞌén, nda maá!

Matioo̱ 5:16

Bo̱a̱ tsꞌén ngatí ndiꞌíjnú ngindyi̱ko̱n xotaa̱, tsi̱ꞌe̱ nga sku̱i̱e̱ ni nda xi ndyi̱niꞌánjnú, kó ngayejejnú te̱ꞌéjnúu̱ kjo̱a̱je Na̱ꞌmijnú xi tikón ndiꞌakꞌajmi jàn.

1 Xota̱ Korinto̱ 16:2

Xki̱ tamingo̱ nga ngo nga ngojnú chjiéngá kꞌuijñátꞌaxínjnú chií to̱n xikó kjiꞌi kiniꞌánjnú, kó chja̱ꞌátjójnú tsi̱ꞌe̱ nga, nga kjóchó an jmí tsi kjiꞌa chja̱ꞌásónjnú chji̱e̱e̱.

Ni xi akakoo̱ 3:9

Án boá xi sa̱ꞌin an, nga kui xota̱ xi chji̱a̱ni ndiꞌa nínga ndokjo̱a̱ eén xindajín Satanaa̱, kui xi xota̱ jundío̱ tsoó yojoo̱, kó kuijín bo̱a̱, nga ko̱e̱je̱kasiéntꞌaatikoó ji ngindie ndsa̱ki, tsi̱ꞌe̱ nga sku̱i̱e̱ nga tjóna ji.