Jenesii̱s 39:12 - Xo̱jo̱n eén Néná

¹² chjo̱ón Potifaa̱r yíꞌniú ńjño xi yajá Kosiee̱, kó bi̱ katsoó: —¡Tsjajnije̱ní! Kó Kosiee̱ ta̱sá katsjandiè nga kui xota̱chjo̱on iskjíbé ńjñoo̱, kó tsanga má nga jataxie kui ndiꞌaa̱.

Jenesii̱s 39:12 Iomraidhean Croise

Jenesii̱s 39:10

Kó ndatsi chjo̱ón Potifaa̱r ndyiojón ndyiojón tsíꞌaá Kosiee̱ nga kjojñájo̱, ta̱nga Kosiee̱ ngongá jmí katsó.

Jenesii̱s 39:11

Ti̱chaa̱n ngo ndi̱yà nga Kosiee̱ tsꞌasꞌien ndiꞌaa̱ Potifaa̱r nga sa̱ꞌín xá xí tsꞌén, kó kjiꞌanga nde ngojín xi tjín ngi̱ya ndiꞌaa̱,

Jenesii̱s 39:13

Kó nga kamábe kui naa̱ nga ńjñoo̱ Kosiee̱ tjiyátsjà,

Jenesii̱s 39:8

Kó kamámejénjiín Kosiee̱, kó bi̱ katsoó chjo̱ón ndi̱a̱a̱: —Ndi̱a̱na achichí ꞌniátakónna kuíni nga ngi̱ya ndsa̱ án katsꞌénkꞌasꞌien ngayeje ni xi tjiín, kó nga an tikóntjóo̱n ngayeje ni xi tjiín, jmíjín ni xi nda̱ maa̱ kui.

Énkjínkón 1:15

¡Ta̱nga, ji ndí, ngata̱ ki̱a̱jín niꞌínkamaje̱ ji! ¡Ti̱ꞌinkjìi̱n yojòo̱ kui ndi̱ya̱à!

Énkjínkón 5:8

Xín ti̱ꞌinkjeꞌée̱ yojòo̱ kui chjo̱on, kó ngata̱ ki̱a̱jín ꞌmí ji ndiꞌaa̱,

Énkjínkón 6:5

ta̱sá ꞌna̱xiéꞌé ji yojòo̱, xikótsꞌèn ni̱siee̱ ko̱jo ndi̱kꞌijñaá kjiꞌanga be já xí tsꞌenkꞌién kui cho̱o̱.

Eklesiastee̱ 7:26

Kó kasakona ngo ni xi tsꞌénꞌon ngasena ta̱bo̱a̱jiín kjo̱a̱bo̱yaa̱, kó kuí boá kui na̱ xi ndajiín, kui xi chja̱ya̱ ꞌbijñaá ini̱ma̱ná, kó nga foníkjáná ngiti̱ tsjuienjínná. Tsi ko̱nda̱ꞌyáꞌée̱n Néná jmí ni sa̱ꞌínjínná kui naa̱, ta̱nga nda̱ xi tsꞌénjeé kꞌo̱kayà chja̱ya̱a̱.

1 Xota̱ Korinto̱ 15:33

Ngata̱ boeꞌéndièjínjnú nga tjín xí kꞌo̱ṉcha̱jojnú, xikó tsó kui eén “xota̱ xi ꞌbítso̱majo̱ xota̱ xi ndajín, ti̱ ndajín má ndatsi kui nga”

2 Timoo̱ 2:22

Chje̱ꞌéxíi̱n yojòo̱ ni xi ndajín xi mején tsꞌén já xo̱ngo̱ò, kó tꞌentji̱ngi ji kjo̱a̱kixi̱i̱, ko̱jo kjo̱a̱sꞌijii̱n, ko̱jo kjo̱a̱tjoó, ko̱jo kjo̱a̱xioó, ki̱a̱ ti̱ꞌinkamaje̱ xota̱ xi tsjie ini̱ma̱a̱ ko̱jo xi chji̱a̱a̱ Ndi̱a̱ná.

1 Xo̱jo̱o̱n Peé 2:11

Jún ndí ntsꞌie xi tjóna, ꞌniú míꞌájnúꞌun xikoó xota̱ xi xín nangi, ko̱jo xikoó xota̱ xi ndyi̱foaꞌa kui nga̱sondiee̱, nga ngata̱ boeꞌéjínjnúu̱ ngi̱ndie ni nga̱sondie xi mejeén ini̱ma̱jnú, ngatꞌa̱ kuí nii̱ xi sa̱ꞌínchajajnú,