Jenesii̱s 38:20 - Xo̱jo̱n eén Néná

²⁰ Ngi̱chí sájín Jundáa̱ katsangiyajo̱ kui ndí tindsoo̱ kui nda̱ xi ꞌmí Iraa̱, nda̱ xi nda tsaꞌa, tsi̱ꞌe̱ nga sa̱ꞌínkꞌasꞌiee̱n kui naa̱ ni xi íjñangi, ta̱nga kui nda̱a̱ ngiti̱ kasakojiín kui naa̱ nínga kisꞌijñamára.

Jenesii̱s 38:20 Iomraidhean Croise

Jenesii̱s 20:9

Kósꞌe̱ Abimelee̱k tsíchji̱a̱a̱ Abraa̱n, kó bi̱ katsoó: —Ánní nga bo̱a̱ kjiꞌi ni xi kiniꞌínje̱jne̱. A tjín ni xi ndajínkjiꞌi xi katsꞌenjoo̱ ji, nga kꞌi̱e̱ jéꞌe̱jejne̱ ngo jé xí ꞌniú je nínga botixoma an. Ni xi kiniꞌínje̱ní, májín bo̱a̱ niꞌánjo̱ ngo xota̱.

Jenesii̱s 38:1

Kui ni̱xtjin jàn Jundáa̱ jatjoxíntꞌaa nínga síndo já ntsꞌi̱e̱, kó ki̱a̱ kijí nangi Andulaa̱n nínga tikón ngo nda̱ xi nda yaꞌa xi Iraa̱ kiꞌmí kó ki̱a̱ kisꞌijña.

Jenesii̱s 38:19

Jaskan ngije kijí Jundáa̱ jastjíe̱n na̱ Tamaa̱r kósꞌe̱ kijí, kó jaꞌáxín ńjñoxo̱ꞌba̱ xi kjiꞌma kje̱n kó tsajá nginí ńjño xa̱ꞌya̱a̱.

Jenesii̱s 38:21

Kósꞌe̱ asíyaá já xí chji̱a̱ni kui ngi̱ndiee̱ nga bi̱ katsoó: —Ñá tikón kui na̱masien xi ꞌbíjñá tꞌa ndi̱ya̱à nangi Enaii̱n. Kó bi̱ katsó kui jaá: —Kji̱e̱ ngojín na̱masien xi ꞌbé kꞌi̱e̱e̱.

Lebitiko̱ 19:17

»Ngata̱ onjín chꞌiájnú ngo xota̱ ko̱jo ngata̱ niꞌángojojínjnú. Kjiꞌanga tjín xí si̱ꞌanxchánjo̱jnú, ti̱ꞌanxchánjo̱jnú. Ngata̱ ki̱a̱jín niꞌánkamajo̱jnú xota̱ xi ni xi ndajín ndyi̱tsꞌèn. »Ngatjaꞌátsjienjnú nga chjiéngá tjó si̱ꞌánjnú xingi̱jnú xi kótsꞌèn tjójnú yojojnú. »Ti̱ꞌankjatjosónjnú kjo̱a̱botíxomana. Án boá xi nee̱ xota̱ Israee̱l. »Ngata̱ kje̱ꞌe to̱ko̱yajín cho̱ niꞌánkixanjo̱jnú ngo to̱ko̱ya cho̱ xi tjínjnú. Ngata̱ niꞌánkꞌajinjínjnúu̱ xkjín xojmá xi ꞌbítji̱e̱jnú ngo chikjan nangi. Ngata̱ chajájínjnú ńjño xi kamándani kjín to̱ko̱ya ńchjón.

Rkaa̱ 23:12

Kó Erondee̱ ko̱jo Pilatoo̱ kamátjoó xkjín kuí ni̱xtjii̱n, ngatꞌa̱ kamáchꞌómararií xkjín ngasꞌe̱.