Jenesii̱s 37:9 - Xo̱jo̱n eén Néná

⁹ Ingo chi̱ni katseꞌé nginií Kosiee̱ kó katsóyaà já ntsꞌi̱e̱, nga bi̱ katsoó: —Ingo chi̱ni tseꞌéna, nínga kamábe an nga tsꞌueé ko̱jo saá ko̱jo tiengo ńño kixindyiańña xtji̱e̱e̱n nínga tikòn an.

Jenesii̱s 37:9 Iomraidhean Croise

Jenesii̱s 20:3

Ngo ni̱xtji̱e̱n, Néná tsíchji̱a̱jo ngi̱jin ńjñaá Abimelee̱k, kó bi̱ katsoó: —Ko̱yè jí ki, ngatꞌa̱ ngo na̱ xi je tjiín xi̱ꞌin mejeén si̱ꞌin ji chjóo̱n.

Jenesii̱s 37:10

Nga katsóyaà na̱ꞌmii̱ ko̱jo já ntsꞌi̱e̱ kui chi̱nii̱, na̱ꞌmii̱ katsꞌénxchánjo̱, kó bi̱ katsoó: —Mí ńjñaá xi tseꞌéchi̱nii̱ ji. A nga na̱áa̱n ko̱jo já ntsꞌie ko̱jo an xi ka̱majne̱ moso̱ tse̱.

Jenesii̱s 37:7

nínga kamábe an nga ki̱a̱ tindyión ñá ngamasiee̱n kꞌijñá nínga sitji̱e̱ nii̱, kó chꞌo̱ xka̱a̱ to ndso̱ko̱a̱n ṉño̱pan ndyi̱ꞌbíꞌniú, kó ta̱niján má chꞌo̱ xi tsa̱ꞌa̱n jastjíe̱n kó kisꞌijña kixi̱ kixi̱, tji̱e̱nga tsa̱jún tsindiyá xtji̱e̱e̱n nínga tikón xi tsa̱ꞌa̱n.

Jenesii̱s 37:8

Kó já ntsꞌi̱e̱ bi̱ katsó: —¡Kó, a jí xí ko̱ti̱xomejne̱ ko̱jo a jí xí ka̱ma ji ngito̱ko̱jne̱! Kó ta̱ngatꞌanii̱ kui chi̱nii̱ ko̱jo ni xi tsíchji̱a̱ Kosiee̱ nga já ntsꞌi̱e̱ ta̱sá má ꞌniú ngase chꞌo kamaá.

Jenesii̱s 41:25

Kósꞌe̱ Kosiee̱, bi̱ katsoó nda̱ ree̱: —Nga jó kui chi̱ni xi katseꞌeé nda̱ re, ta̱ ngo tsí má. Néná tsꞌénbokoó ni xi mejeén sa̱ꞌín.

Jenesii̱s 41:32

Kó nga jó ndi̱yà tseꞌeé kui chi̱nii̱ nda̱ ree̱, kuí nii̱ xi mejeén tsó nga Néná bo̱a̱ kjiꞌi ni xi sa̱ꞌín, kó nga jè tsá ka̱ma kui nii̱.

Jenesii̱s 42:6

Nga jachó já ntsꞌi̱e̱ Kosiee̱ ki̱a̱ nangi Ejipto̱, kixindyiańña ngaskande nga kisitꞌaa̱ kje̱n tꞌanangii̱ nga kamábendikón Kosiee̱, ngatꞌa̱ kuí boá xi xtitjoón kui na̱xi̱ńdaá, kó kuí boá xi atíñaá to ndso̱ko̱a̱n ṉño̱pan ngayeje na̱xi̱ńdá xí tjín nga̱sondiee̱.

Jenesii̱s 43:26

Nga jachó Kosiee̱ ndiꞌaa̱, kui jaá kixindyiańña ngaskande nga kisitꞌaa̱ xtjien tꞌanangii̱ nga kamábendikón kuí nda̱a̱, kó katsꞌénkꞌasꞌiee̱n ni xi ndyi̱yaꞌaa̱, jaskan ngije katsꞌéntinde Kosiee̱, Kosiee̱ asíyaá tsi ta̱kó tikón na̱ꞌmii̱. Kó kui jaá bi̱ katsó: —Jo̱o̱n to̱kó tikón na̱ꞌmijne̱, nda tikón, kó jè tikónnda nga kui xi moso̱ tse̱ ka̱ma nga.

Jenesii̱s 44:14

Nga jachó Jundáa̱ ko̱jo já ntsꞌi̱e̱ ki̱a̱ ndiꞌaa̱ Kosiee̱, kui nda̱a̱ ta̱kó tikón ngase ndiꞌaa̱, kó kui jaá kixindyiańña ngaskande nga kisitꞌaa̱ kje̱n tꞌanangii̱,

Jenesii̱s 44:19

Ji akasíyéjne̱ tsi ta̱kó tikón na̱ꞌmijne̱ ko̱jo xi ingo ntsꞌiejne̱.

Jenesii̱s 45:9

Kó kuíni nga tsá tangín nginíjnú nínga tikón na̱ꞌminá, kó bo̱a̱ tꞌínjnúu̱ nga án boá xi bi̱ tꞌíxián an, nga Néná boá xi katsꞌénna xtitjoón ngayeje nangi Ejipto̱, kó mejénna nga tsá kji̱ndi̱bákónna kui.

Jenesii̱s 46:29

Kosiee̱ ikꞌíjñandaa̱ ngo karro̱, kó kijíkjaꞌáyíndi̱yà na̱ꞌmii̱, nga kamábe Kosiee̱ na̱ꞌmii̱, tsanga má jachókoón, janíkjá kó achichí tsie askjandá.

Jenesii̱s 47:12

Kó Kosiee̱ katsjaá ngayeje kui xotaa̱ nichinie, ta̱ xikó kjiꞌi kamá ndí xí kisꞌiee̱ nga ngo nga ngo.

Xki̱ 12:6

Néná bi̱ katsoó nga jaán: «Nda má tasiénijónjnúꞌun. Ánní nga ma kon takónjnú nga chꞌo tsꞌén ndyi̱ndokjo̱a̱taꞌínjnú Moisee̱. Jè yàjnú jún nga kjiꞌanga tjín ni xi xiyàjnúꞌun, kjiꞌanga ngo chji̱ni̱e̱ꞌén tsꞌénkjién án, kuí boá kui chji̱ni̱e̱ꞌe̱én xi chjiájo an nga bokóo̱ ngo ni, ko̱jo tsi ngi̱jin ńjñaá chjiájo an. Ta̱nga Moisee̱, kuí boá xi ta̱nisién ꞌniáko̱n an ngi̱jii̱n ngayeje xota̱ xi tsꞌénxátꞌana, kó tíkje̱n tíkje̱n chjiájo an kui. Kó kuí boá xi xiya cha̱n cha̱a̱n nii̱, kó tsjandiè an nga be kje̱n án».

Xota̱ Filipo̱ 2:15

Tsi̱ꞌe̱ nga jmíjín xi ka̱maa̱ chꞌo tsꞌén ku̱i̱chji̱a̱taꞌinjnú, ko̱jo nga ndií Néná xi tsjie ka̱majnú jún ngi̱jii̱n kui xota̱ chꞌokon, ko̱jo xota̱ xi ndajín xi tjín ngotꞌe̱. Ngi̱jii̱n kui xotaa̱, jún xikónií ngo ńño ꞌna̱a̱ nga̱sondiee̱ kjimajnú,